Mark 12:7 - সান্তালী বাইবেল

⁷ Menkhan onko cacasko do ako akoreko mepenena, ‘nuige owaris doe hoyokʼa. Dela bon gojea, enḍekhan onaren mạlik bon hoyokʼa.’

Santali Common Language New Testament

⁷ Menkhan onko casako do ako akoreko menana, ‘nuige owaris doe hoyokʼa. Dela bon gojea, enḍekhan aboge onaren mạlik bon hoyokʼa.’

Mark 12:7 Iomraidhean Croise

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Genesis 37:20

Dela, ńitokʼge bon gojea ar mitʼṭecʼ kuńre bon khadlekaea. Ar bon mena, uni do kaṭaha janwarko jomkedea, ar ona tayom do uniyakʼ kukmũ reakʼ bon ńela cetʼ hoyokʼa mente.”

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”

Mathae 2:16

Herod do gonok ponḍetkoko eṛekedea menteye baḍaeketʼ khan ạḍi ãṭe raṅgaoena. Ar onko ṭhen khone baḍaeletʼ tahẽkan okte reakʼ hisạb lekate bar bochor ar ona khon latar umerren tinạkʼ koṛa gidrạ Betlehem ar ona aḍepase jaegakoreko tahẽkan onko joto gocʼko lạgitʼe hukumkeda.

Mathae 21:34

Ado tinre jo belekʼ reakʼ okte hoyena unre uni do acʼakʼ bhag hatao lạgitʼ cacasko ṭhen acʼren gutikoe kolketʼkoa.

Mark 12:12

Unre sostor baḍaeko do Jisu sabeko menjoṅana, enteko bujhạukeda, ako upạrtege ona phen doe lạiyeda. Menkhan onko do hoṛko botoratʼkote Jisu bạgiyadeteko calaoena.

Mark 12:6

“Ado onḍe kole lạgitʼ kisạ̃ṛren do eken mitʼ goṭengeye sarecʼena. Uni do acʼren dulạṛiạ hoponge. Ar mucạtʼre acʼren hopongeye kolkedea; are hudisana; ‘onko do nahakʼ ińren hoponko manotea.’

Mark 12:8

Onko do hopontetʼ sapʼkedeteko gocʼkedea ar darkha bagwan bahrereko giḍikadea.

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Aposkạmi 5:28

“Uni hoṛ reaṅ alo cetʼako lạgitʼ kajaktele hukumatʼpe tahẽkana, menkhan ape do apeakʼ cecetʼakʼte Jerusalempe perecʼ akada ar uni hoṛakʼ mãyãm alere paṛao ocoy reakʼpe moneakada.”

Aposkạmi 7:52

Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiyakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.