Mark 12:6 - সান্তালী বাইবেল

⁶ “Ado onḍe kole lạgitʼ kisạ̃ṛren do eken mitʼ goṭengeye sarecʼena. Uni do acʼren dulạṛiạ hoponge. Ar mucạtʼre acʼren hopongeye kolkedea; are hudisana; ‘onko do nahakʼ ińren hoponko manotea.’

Santali Common Language New Testament

⁶ “Ado onḍe kole lạgitʼ kisạ̃ṛren do eken mitʼ goṭengeye sarecʼena. Uni do acʼren dulạṛiạ hoponge. Ar mucạtʼre acʼren hopongeye kolkedea; are hudisana; ‘onko do nahakʼ ińren hoponko manotea.’

Mark 12:6 Iomraidhean Croise

Genesis 22:12

Goḍete menkeda, “Hoponme teṅgene lạgitʼ ti do alom tul tama se unire cetʼge alom cekaea. Isor botorae hoṛkanem ona do ńitokʼ bujhạuena, ente iń ńutumte amren sadher hopon teṅgene lạgitʼ do bam pạclena.”

Genesis 22:2

Isore menkeda, “Amren gidrạ, amren uni sadher hopon, okoe do ạḍim dulạṛede uni ar am do Moriạ ṭoṭhate calakʼ ben. Ar onḍe okaṭakʼ buru reakʼ kathań lạiyam onḍe mitʼṭecʼ jeredokʼ samaṅokʼakʼ lekate uni samaṅem.”

Genesis 37:3

Haṛam umerren hopone tahẽkan iạte Israel do joto hoponko khon Josephge ḍhere dulạṛede tahẽkana. Ar mitʼṭecʼ tilpạṅ talpaṅ aṅgrope benaoade tahẽkana.

Genesis 44:20

Unre hujurle metade tahẽkana, ‘aleren baba doe jiwetʼgea ar haṛam umerre uniren do mitʼṭen hopon menaetaea. Uniren boeha doe gocʼena, ar mitʼ gogoren hopon lekate ńitokʼ do uni eskarge menaea. Onate uniren baba do ạḍiye dulạṛedea.’

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Sereńko 2:7

Raj doe mena, Probhu Isor okae gathao akatʼ Iń do onań lại jạhira; Uni doe metadińạ, am dom ińren hopon kana, teheńge iń do amren apatiń hoyena.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Mathae 26:63

Menkhan Jisu do hapegeye tahẽyena. Maraṅ naeke do arhõe metadea, “Jiwetʼ Isorreń kiriạ ocoyetʼme kana, lạiyaleme, am do Mạsi, Isorren Hopon kanam se baṅ?”

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Mark 1:11

Unre serma khon mitʼṭen aṛaṅ ańjomena, “Amge ińren dulạṛiạ Hopon, iń do amreń kusi akana.”

Mark 12:5

Enrehõ uni do eṭakʼ ar mitʼ hoṛe kolkedea. Ar cacasko do uni hõko gocʼkedea. Tayomte uni kisạ̃ṛ do arhõ eṭakʼkoe kolketʼkoa, menkhan onko modre adom doko dalketʼkoa ar eṭakʼko doko gocʼketʼkoa.

Mark 12:7

Menkhan onko cacasko do ako akoreko mepenena, ‘nuige owaris doe hoyokʼa. Dela bon gojea, enḍekhan onaren mạlik bon hoyokʼa.’

Mark 9:7

Ar ona jokhecʼ mitʼṭecʼ rimil do rakapʼ hecʼente onkoe umul esetʼketʼkoa, ar ona rimil khon noa katha ańjomena, “Nuige ińren dulạṛiạ Hopon, uniyakʼ ańjomtaepe.”

Luk 3:22

Ar sonot Jiu do parwa leka uni cetanreye pheḍ hecʼena, ar serma khon noa katha ańjomena, “Amge ińren dulạṛiạ Hopon, iń do amreń kusi akana.”

Luk 9:35

Ona rimil khon noa katha ańjomena, “Nuige ińren Hopon do, one uniń bachao akade; ape do uniyakʼ ańjomtaepe.”

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Johan 1:34

Iń do onań ńelakada ar gohań emetʼkana nui kangeae Isorren Hopon do.”

Johan 1:49

Noate Nathanael do Jisui metadea, “E Guru, am do Isorren Hopon kanam ar amge Israelkoren raj do.”

Johan 3:35

Baba do Hopone dulạṛede kana ar uniyakʼ tirege jotowakʼe emakada.

Johan 5:23

Baba cetʼlekako manotede onkage jemon Hopon hõko manote. Hopon okoe bae manotede, uni do kol akadińicʼ Baba hõ bae manotea.

Ibriko 1:6

Baṅ, ona do bae menakada. Isor do acʼren dulạṛiạ Hopon noa dhạrtite kole jokhecʼe men akada, “Isorren sanam goḍetko do uniko sewawae ma.”

1 Johan 4:9

Abo lạgitʼ Isorakʼ dulạṛ do nonkate sodor akana, uni do acʼren eskar janam Hopon noa dhạrtiteye kolkedea jemon uni hotete jion bon ńam.

3 Johan 1:1

Isorakʼ sạriyakʼtetʼ iạte okoeyiń dulạṛ edekan, ińren uni dulạṛiạ gate Gạius ṭhen iń murubbi do noa ciṭhiń oleda.