Mark 12:40 - সান্তালী বাইবেল

⁴⁰ Ar hoṛko ṭhen ńel ocokʼ lạgitʼ jeleń jeleńko koejoṅa, menkhan eṭakʼ secʼ do rạnḍi maejiukoakʼ oṛakʼ-duạrko jom ujạṛetʼtakoa. Nonkan hoṛ do bạ̃ṛti sạjạiko ńama.”

Santali Common Language New Testament

⁴⁰ Ar hoṛko ṭhen ńelocokʼ lạgitʼ jeleń jeleńko koejoṅa, menkhan eṭakʼ secʼ do rạnḍi maejiukoakʼ oṛakʼ-duạrko jom ujạṛetʼtakoa. Nonkan hoṛ do bạ̃ṛti sạjạiko ńama.”

Mark 12:40 Iomraidhean Croise

Jeheskel 22:25

Ona disạmren nạbiko doko soṛojontrokana; onko do hạnḍrạukʼ kan dhạcri kul leka kanako. Onko do hoṛko jomkoa, dhon-durib ar damanakʼ jinisko hataoa ar disạm talare ḍher maejiuko rạnḍi ocokoa.

Mikạ 2:2

Onko do ot-baṛge ar oṛakʼ duạr cetanreko lalockate onako rerecʼa. Onko do hoṛko ṭhokakoa ar oṛakʼ-duạr ar jaega-jumiko recʼkoa.

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Mathae 23:14

“Hae, ape sostor baḍaeko, Phạrusiko ar phạsiarako do! Ape do hoṛko ṭhen ńel ocokʼ lạgitʼ jeleń jeleńpe koejoṅ kana, ar eṭakʼ secʼ do rạnḍi maejiukoakʼ oṛakʼ duạrkope jom ujạṛetʼtakoa. Onate ape do artetʼ bạ̃ṛti sạjại hoyokʼtapea.”

Mathae 23:33

“E bińko ar bińkoren hoponko! Cekate norok reakʼ sạjại khonpe bańcaokʼa?

Mathae 6:7

“Apepe koejoṅre boṅgan hoṛ jạtrenko leka ạuṛiyakʼ do alope boktaokʼa. Ente onko doko hudisa, bạ̃ṛti katha roṛle khan Isor do koejoṅe ańjomtakoa.

Mark 12:39

Onko do sunạgogre laha duṛupʼakʼko ar bhojkore asol asol thạ̃igeko kusiyakʼa.

Luk 20:47

Hoṛko ṭhen ńel ocokʼ lạgitʼ onko do jeleń jeleńko koejoṅa, ar eṭakʼ secʼ do rạnḍi maejiukoakʼ dhonko luṭetʼtakoa. Noko hoṛ do ạḍi bạ̃ṛti sạjạiyokʼ hukumko ńama.”

2 Korinthiko 11:20

Ar eken ona do baṅ, jãhãege golame benaolepere, jãhãegeye jom reṅgecʼlepere, jãhãegeye sapʼlepere, jãhãege acʼteye maraṅlenre ar jãhãege mẽtʼãhãreye thapalepere, ape dope sahaoetʼtakoa.

2Timothi 3:6

Nonkan hoṛko modre adomko do oṛakʼ oṛakʼ bolokate lilhi ạimạiko hatetʼkoa, one okoe do kại ghạṭiteko ten akan; onko do nana parkan bạṛicʼ sanateko ạyur ocokʼkana.