Mark 12:33 - সান্তালী বাইবেল

³³ Ar goṭa ontorte, goṭa bujte ar goṭa daṛete uni dulạṛe ar am aḍepaseren hoṛ apnar leka dulạṛko do janwar ar eṭakʼ joto lekan dãṛẽko khon hõ sorosgea.”

Santali Common Language New Testament

³³ Ar goṭa ontorte, goṭa bujte ar goṭa daṛete uni dulạṛe ar am aḍe paseren hoṛ apnar leka dulạṛe do janwar ar eṭakʼ joto lekan dãṛẽko khon hõ sorosgea.”

Mark 12:33 Iomraidhean Croise

Sereńko 50:23

Okoeyakʼ jionre gun manao joharge uniyakʼ dãṛẽkan unige iń doe manot edeńkana; ar okoe ińakʼ horteye calakʼkan uni doń bańcaoea”

Kạhtukko 21:3

Probhu Isor ṭhen do janwar dãṛẽ samaṅko khon dhorom ar hok reakʼ kạmige ḍher bạsutakʼ kana.

Hosea 6:6

Iń do pạtiạrgeń khojkana dãṛẽ do baṅ; jeredokʼ samaṅokʼakʼ khon Isorge jemon mońjteko baḍaeye onageń khojkana.

Mathae 12:7

‘Iń do mãyãgeń kusiyakʼ kana, dãṛẽ do baṅ’ sostor reakʼ noa kathape baḍaele khan begor dusi hoṛ do ohope dusilekoa.

Mathae 9:13

Iń do mãyãgeń kusiyakʼ kana, dãṛẽ do baṅ, sonot sostorre noa katha reakʼ mane cetʼkana mente ona baṛe ḍunḍhạukate ńelpe. Ente dhorom hoṛ hohoako lạgitʼ do baṅ, menkhan kại hoṛko lạgitʼgeń hecʼakana.”

Dosar Biboron 6:5

Ape do apeakʼ goṭa ontorte, goṭa jiwite, goṭa daṛete aperen Probhu Isor dulạṛepe.

Ibriko 10:8

Cetan reakʼ kathakore pạhilte Mạsiye meneda, “Janwarko ar eṭakʼ dãṛẽko, jeredokʼakʼ dãṛẽko ar kại ńutumte dãṛẽko, am do bam khojlakʼa ar onare kusi hõ bam kusilena.” Noa dãṛẽko do ạn-ạri reakʼ hukum lekage hoyokʼkan tahẽkanre hõ uni do noa kathae roṛleda.

1 Samuel 15:22

Unre Sạmuele menkeda, “Probhu Isorakʼ hukumpe batao lekhan uni tinạkʼe kusikʼ, unạkʼ do jeredokʼakʼ samaṅokʼakʼ ar janwar samaṅokʼakʼte bae kusikʼa. Janwar samaṅokʼakʼ khon uniyakʼ hukum manao ar bheḍawakʼ itil khon uniyakʼ katha bataotaege ḍher bhagea.