Mark 11:25 - সান্তালী বাইবেল

²⁵ 5 Apepe koejoṅre jãhãe upạrte jãhãnakʼ tahentape khan uni do ikạyepe,

Santali Common Language New Testament

²⁵ Apepe koejoṅre jãhãe birudre jãhãnakʼ tahentape khan uni do ikạyepe,

Mark 11:25 Iomraidhean Croise

Sakariạ 3:1

Ona tayom uni serma goḍet do maraṅ naeke Josuạ samaṅre teṅgo akaniń ńelkedea ar dusiye lạgitʼ Soetan do uniyakʼ jojomsa aṛereye teṅgo akana.

Mathae 5:23

“Onate Isor samaṅre amakʼ samaṅokʼakʼem samaṅre, am upạrte amren boehawakʼ jãhãnakʼ menakʼtaea mentem disạle khan,

Mathae 6:12

Ar aleakʼ dosko ikạ katalem, cetʼ leka ale hõ aleakʼ dodoskole ikạ katako kan;

Mathae 6:5

“Apepe koejoṅre phạsiạra hoṛko leka do alope onkaea, ente onko do hoṛko ṭhen ńel ocokʼ lạgitʼ sunạgog ar dobạṭiạkore teṅgokate koejoṅko kusiyakʼ kana. Sạrigeń metapekana, onko do akoakʼ kuṛạiko ńam horayeda.

Luk 18:11

Khan uni Phạrusi do teṅgokate acʼ babotre nonkae koekeda, ‘E Isor, gun manao joharam kạnạń, ente iń do eṭakʼ hoṛko leka luluṭicʼ, bedhoromicʼ, ar laṭghaṭicʼ doń baṅkana, se nui mạsul-uṭhạuicʼ leka hõń baṅkana.

Luk 18:13

Unre uni mạsul-uṭhạuicʼ do thoṛa sạṅgiń ńokʼre teṅgo akane tahẽkana. Uni do serma secʼ beṅgetʼ rakapʼ hõ bae dilleda; ar koṛam ceṭakʼateye menkeda, ‘E Isor, iń doń kại hoṛ kana; ińre mãyãkʼme baṛe.’

Luk 6:37

“Eṭakʼkoakʼ ghạṭko alope sapʼ baṛaetakoa, enḍekhan apeakʼ dos hõ baṅ sabokʼtapea. Eṭakʼko sạjại ńam lek kanako mente alope hudiskoa, onate ape hõ sạjại ńam lek mentepe menocokʼa. Eṭakʼko ikạkakope, enḍekhan ape hõpe ikạ ocokʼa.

Ephesiko lạgitʼ Pạul Apostolakʼ ciṭhi 4:32

Ape apere mãyãwanko baṛe hoyokʼpe, eṭakʼkoakʼ dukte dukokʼpe, cetʼleka Isor do Mạsi hoteteye ikạ akatʼpe onkage ape hõ ape apere ipikạkʼpe.

Kolossiko lạgitʼ Pạul Apostolakʼ ciṭhi 3:13

Ape apere sapahaokʼpe ar jãhãe upạrte apeakʼ jãhãn dos reakʼ menakʼtae khan uni do ikạkaepe. Probhu Isor cetʼlekae ikạ akatʼpe onkage ape hõ eṭakʼko ikạkako lek kantapea.

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Johan sodor 11:4

Unkin gohakin dokin hoyokʼ kana barea jạitun dare ar barea diuhe dohowakʼ, one okoe do dhạrtiren Probhu Isor samaṅrekin teṅgo akan.