Mark 11:13 - সান্তালী বাইবেল

¹³ Unre loa belekʼ okte do baṅ tahẽkana, menkhan enrehõ uni do sạṅgiń khon mitʼṭecʼ loa dareye ńel ńamketʼte onare jo ńam lạgitʼe sen sorena. Ar ona dare sore senen khan onare sakam chaḍa ar cetʼge bae ńel ńamleda.

Santali Common Language New Testament

¹³ Unre loa belekʼ okte do baṅ tahẽkana, menkhan enrehõ uni do sạṅgiń khon mitʼṭen loa dareye ńel ńamketʼte onare jo ńam lạgitʼe sen sorena. Ar ona dare sore senen khan onare sakam chaḍa ar cetʼge bae ńel ńamleda.

Mark 11:13 Iomraidhean Croise

Jesaea 5:2

Uni do beṛhaeteye la ạcurkeda ar ona reakʼ dhirikoe ocokʼ giḍikada ar onare joto khon bhageakʼ darkha nạ̃ṛĩye rohoekeda. Uni do ona talare usulge pahra oṛakʼe benaokeda ar darkha lelen kunḍ hõ onareye kholaokeda. Ona tayom do bhage darkha jo lạgitʼe koyokʼ horkeda, menkhan onare do jojo darkha jo joyena.

Jesaea 5:7

Phạdkoren Probhu Isorakʼ darkha bagwan do Israel bõsren hoṛkoge; ar Jihudạren hoṛko do rạskạwanakʼ darkha nạ̃ṛĩge. Uni do hok bicạr reakʼe ńam baṛakeda menkhan mãyãme ńelkeda; uni do dhorom reakʼe ńam baṛakeda menkhan duk reakʼ rakʼe ańjomkeda.

Mathae 21:19

Uni do hor aṛere mitʼṭecʼ loa dareye ńelketʼ khan dare ṭhene calaoena, menkhan onare sakam chaḍa ar cetʼge bae ńel ńamlakʼa. Unre uni do dareye metatʼa, “Amre ar tishõ alo jokʼma.” Ar unrege loa dare do rohoṛ gotʼena.

Mark 11:12

Ado dosar hilokʼ onko do Bethaniạ ato khonko oḍokʼ hijukʼkan tahẽkanre Jisu do reṅgecʼ kedea.

Mark 11:14

Onate dareye metatʼa, “Okoege tishõ amakʼ jo aloko jom ńamma.” Celako do Jisuakʼ noa kathako ańjom tiyokʼkeda.

Luk 10:31

Khan bhạg leka mitʼṭen naeke do ona horteye calakʼkan tahẽkana. Menkhan uni hoṛe ńelkede khan naeke doe sa paromena.

Rut reakʼ kạhini 2:3

Unre Rut doe oḍokena ar khetre senkate phosol gegetʼko tayom tayomte hulạkʼ halaṅe dhurạuena; ar uni okare hulạkʼe halaṅetʼ kan tahẽkan ona do Elimelek bõsren Boasakʼ khetge tahẽkana.

1 Samuel 6:9

Ar noa sinduk do apnar disạm reakʼ ḍaharte Bet-semeste calakʼ enḍekhanpe bujhạu daṛeakʼa, noa duk do Probhu Isor secʼ khonge hecʼakawatʼ bona. Menkhan ona horte baṅ calakʼ enḍekhan bujhạupe abo cetanre niạ duk do uni khon baṅ hecʼakana, noa do emontege abore paṛao akana.”