Mark 10:48 - সান্তালী বাইবেল

⁴⁸ Noate ḍher hoṛge uniko dhomkaokedete thir hapekokʼko metadea, menkhan uni do artetʼge ãṭ aṛaṅte hohoateye menkeda, “E Dạudren hopon Jisu mãyãwạńme baṛe.”

Santali Common Language New Testament

⁴⁸ Noate ḍher hoṛge uniko dhomkaokedete thir hapekokʼko metadea, menkhan uni do artetʼge ãṭ aṛaṅte hohoateye menkeda, “E Dạudren hopon Jisu mãyãwạńme baṛe.”

Mark 10:48 Iomraidhean Croise

Sereńko 62:12

E Probhu, amre do asambheṛ dulạṛ menakʼa; ar am do mimitʼko akoakʼ kạmi lekage kuṛạiyem emakokana.

Jirimiạ 29:13

Ape do ontorte baḍaeyiń reakʼ tinrepe ahkaokʼa unre ińpe baḍae daṛeạńạ.

Mathae 19:13

Unre kạṭicʼ gidrạ Jisu ṭhenko ạguketʼkoa jemon uni do onkoe capoko are koeako. Menkhan celako do onkoko dhomkaoketʼkoa.

Mathae 20:31

Khange gadel hoṛ do thir hapekʼa mente unkinko dhomkaoketʼkinạ. Menkhan unkin do artetʼ ãṭ aṛaṅte hohoatekin menkeda, “E Probhu Dạudren Hopon mãyãwạlińme baṛe.”

Mathae 9:27

Ado Jisu onḍe khone calakʼkan tahẽkan jokhecʼ barea kãṛã hoṛ do unikin pańjakedea. Ar ãṭ aṛaṅte hohoatekin menkeda, “E Dạudren Hopon, mãyãwạlińme.”

Mark 10:13

Ado kạṭicʼ gidrạko Jisu ṭhenko ạguketʼkoa jemon uni do capokateye bhorako. Menkhan celako do onkoko dhomkaoketʼkoa.

Mark 5:35

Jisui roroṛkan tahẽkanrege sunạgogren mukhiyạ hoṛakʼ oṛakʼ khon thoṛa hoṛ do hecʼkate Jaerusko metadea, “Amren kuṛi doe gocʼena; Guru do ar alom haronea.”

Luk 18:39

Ado okoeko hoṛ laha lahateko calakʼkan tahẽkan onko do uniko dhomkaokedete thir hapekʼko metadea. Menkhan uni do artetʼ ãṭ aṛaṅte hohowateye menkeda, “E Dạudren hopon, mãyãwạńme baṛe.”

Ephesiko lạgitʼ Pạul Apostolakʼ ciṭhi 6:18

Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.