Mark 10:22 - সান্তালী বাইবেল

²² Noa katha ańjomkate uni hoṛ doe mirluṅena. Uni do ạḍi utạr dhon tahẽkantaete bhabnakateye ruạṛ calaoena.

Santali Common Language New Testament

²² Noa katha ańjomkate uni hoṛ doe mirluṅena. Uni do ạḍi utạr dhon tahẽkantaete bhabnakateye ruạṛ calaoena.

Mark 10:22 Iomraidhean Croise

Jeheskel 33:31

Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.

Mathae 13:22

Jạnum jhạuạre eren itạ reakʼte do nonkanko lạgitʼge roṛ akana okoe do ona kathako ańjomketʼ, menkhan gharońj reakʼ dạndi ar dhon reakʼ mãyãte ona katha doko ten dohokakʼ kana. Onate onkore jãhãn jo do baṅ hoyokʼ kana.

Mathae 19:22

Noa katha ańjomkate kisạ̃ṛ juạn do ạḍi bhabnakateye calaoena, ente uni do ạḍi utạr dhon tahẽkantaea.

Mathae 27:3

Ar bạirikoakʼ tireye soprotlede Jihudạ do Jisuko bicạr dusikede khan ạḍi ãṭe kastaoena. Uni do maraṅ naeke ar murubbiko ona pegel rupạ ṭaka ruạṛatʼkoteye metatʼkoa,

Mark 10:21

Jisu do uniye beṅgetʼadea ar dulạṛ salakʼe metadea, “Mitʼṭecʼ jinis dom bạki oṭo akawada. Do calakʼme, ar oka menakʼtam ona ạkhrińkate reṅgecʼ orecʼko dan akome. Onate sermare dhonem ńama. Ar inạ tayom do hecʼkate ińren cela hoyokʼme.”

Mark 10:23

Unre Jisu do beṛhaete beṅgetʼ ạcurkate acʼren celakoe metatʼkoa, “Kisạ̃ṛko lạgitʼ serma rajte bolokʼ do muskilgea!”

Mark 6:20

menkhan Herod do Johane botoraekan tahẽkana. Ente Johan do mitʼṭen dhorom ar sonot hoṛ menteye baḍae akade tahẽkana, ar onate uni do muskilakʼko khone rukhiyạyede tahẽkana. Herod do Johanakʼ kathako ańjomkate monre jut bae ạikạuetʼ tahẽkanre hõ uniyakʼ kathako ańjom doe kusikʼkan tahẽkangea.

Mark 6:26

Noa katha ańjomkate Herod do ạḍiye bhabnayena, menkhan bhojre neota akanko samaṅreye kiriạlente kuṛi ruạṛkae do bae menwana.

Luk 12:15

Ona tayom Jisu do gadel hoṛkoe metatʼkoa, “Men cehaokʼpe! Ar sanam lekan lob-laloc khon sontor akae tahenpe, ente manwakoakʼ jionre ḍher sompotti tahen do sanam khon jạruṛteakʼ do baṅkana.”

Luk 18:23

Noa katha ańjomkate mukhiyạ hoṛ do ạḍiye bhabnayena, ente uni do ạḍi kisạ̃ṛe tahẽkana.

2 Korinthiko 7:10

Isor okaṭakʼ duke emokʼ onate do kại khon mon ạcur ruạṛokʼa ar bańcao ńamokʼa, ar dukokʼ reakʼ cetʼge baṅ tahena. Menkhan dhạrti reakʼ duk do manwakoakʼ morone ạguiyeda.

Ephesiko lạgitʼ Pạul Apostolakʼ ciṭhi 5:5

Khạṭigepe baḍaea, okoeko laṭghaṭetʼkan, okoeko bin napaege ar okoekoko lalociạkokan, metakʼme okoe do boṅga sewakoko ńumogokʼkan onko do Mạsi ar Isorakʼ rajre jãhãn ạidạrige bạnukʼtakoa.

2Timothi 4:10

ente Demas do nonḍenakʼ dhạrtiye dulạṛetʼkante iń bạgikate Thessalonikiteye calaoena. Ona chaḍa Kreskes do Galatiạteye calaoena ar Titus do Dalmatiạte;