Mark 10:1 - সান্তালী বাইবেল

¹ Jisu do ona jaega khon uṭhạukate Jihudạ Prodes ar Jordan gaḍa hanasae parom calaoena. Ar gadel hoṛ do arhõ uni ṭhen hecʼkateko jarwayena. Unre uni do acʼakʼ cạli leka cetʼakoe ehopʼena.

Santali Common Language New Testament

¹ Jisu do ona jaega khon uṭhạukate Jihudạ Prodesh ar Jordan gaḍa hanasakoteye parom calaoena. Ar gadel hoṛ do arhõ uni ṭhen hecʼkateko jarwayena. Unre uni do acʼakʼ cạli leka cetʼakoe ehopʼena.

Mark 10:1 Iomraidhean Croise

Sosolhayic̕ 12:9

Sosolhayicʼ do ạkilan hoṛe tahẽkana ar hoṛko hõ bidiyại cetʼ idiwatʼkoa. Uni do hudis ar biḍạu aṭkarkate ạḍi utạr kạhtukkoe gathao galaṅkeda.

Jirimiạ 32:33

Onko do iń secʼko dea akada, mẽtʼãhã do baṅa; iń do aema dhao onkoń cetʼ akawatʼko tahẽkanre hõ enhõ onko do ińakʼ ḍanṭao bako aṅgocleda.

Mathae 26:55

Uni do gadel hoṛkoe metatʼkoa, “Iń do cetʼ ḍạku kạnạń, onate tarwaṛe ar ṭheṅgawante iń sasapʼpe hecʼakana? Iń ma coṅ jaoge mundilre duṛupʼkateń cetʼako kan tahẽkan, ar unrema bacope sapʼlediń.

Mathae 4:23

Jisu do Gạlil Prodes reakʼ sanam jaegakore dãṛã dãṛãte Jihudikoakʼ sunạgogkore cetʼakoe ehopʼena. Ona chaḍa uni do serma raj reakʼ bhage sombat porcar ar hoṛkoakʼ sanam lekan rog bighin ar ruạ hasokoe bogeyetʼtako tahẽkana.

Mark 1:21

Jisu ar acʼren celako do Kapharnạhum nagrahateko calaoena. Ar jirạukʼ mãhãre uni do sunạgogre bolokate cetʼakoe ehopʼena.

Mark 10:2

Un jokhecʼ adom Phạrusiko do hecʼkate Jisu biḍạue lạgitʼko kulikedea, “Moseyakʼ ạn lekate jãhãe hoṛ rinicʼtetʼe bạgiye do ganokʼtaea se baṅa?”

Mark 12:35

Ado Jisu mundilreye cetʼakokan tahẽkan jokhecʼe kuliketʼkoa, “Sostor baḍaeko do cekateko meneda, Mạsi do Dạudren hopon kanae mente? Dạud ma acʼge coṅ sonot Jiu hoteteye menakatʼ, ‘Probhu Isor do ińren Probhui metadea, tin hạbicʼ amren bạiriko amakʼ jaṅga latarre bạń dohoko, unhạbicʼ ińakʼ jojomsa aṛere durupʼme.’

Mark 14:49

Iń ma jaoge ape talare tahẽkate mundilreń cetʼapekan tahẽkan, ar unre ma bacope sapʼlediń. Menkhan sostor reakʼ katha do purạukʼtege hoyokʼa.”

Mark 2:13

Jisu do arhõ Gạlil doreão aṛeteye oḍok calaoena. Unre ạḍi utạr hoṛ do uni ṭhenko hecʼena ar onko cetʼakoe ehopʼena.

Mark 4:2

Uni do phenkote ạḍi okocʼakʼko reaṅ cetʼatʼkoe ehopʼena. Uni doe metatʼkoa,

Mark 6:2

ar uniren celako hõ acʼ soṅgeteko sen torayena. Ado Jirạukʼ mãhã seṭeren khan uni do sunạgogre bolokate cetʼakoe ehopʼena. Ar ḍher hoṛ uniyakʼ katha ańjomkate hahaṛayente memenko ehopʼena, “Nui do oka khon noakoe ńam akada? Ar noa akele em ocoakan, noa baṅ cetʼkan? Ar uni do hahaṛa kạmiko hõe kạmikana.

Mark 6:34

Jisu lạukạ khone pheḍen khan gadel hoṛe ńelketʼkoa. Ar hoṛkore mãyã hecʼadea, ente onko do gupiyicʼ begor bhiḍi lekako tahẽkana. Ar Jisu do ạḍi okocʼakʼko reaṅ cetʼakoe ehopʼena.

Mark 6:6

Ar hoṛko bako pạtiạuadete uni do ạḍiye hahaṛayena. Ona tayom Jisu do ato ato senkate hoṛko cetʼakoe ehopʼena.

Johan 10:40

Ona tayom uni do arhõ Jordan gaḍa hanasa senkateye tahẽyena. Johan do nonḍege pạhile bạptisetʼko kan tahẽkana.

Johan 11:7

Ona tayom Jisu do celakoe metatʼkoa, “Dela bon, arhõ Jihudạte bon calakʼa.”

Johan 18:20

Jisui roṛ ruạṛkeda, “Iń do hoṛko ṭhen sodortegeń galmarao akada. Ar Jihudiko mitʼ sãote okareko jarwakʼ ona sunạgogkore ar mundilre iń do jaogeń cetʼ akawatʼkoa. Ar danaṅre do cetʼge bạń roṛakada;