Mark 1:27 - সান্তালী বাইবেল

²⁷ Noa ńelte hoṛko do hahaṛayente ako akore kuliyana. “Noako do cetʼ kana? Ar noa ektiạrite perecʼ nãwã cecetʼakʼ baṅ cetʼkan? Ente uni do bạṛicʼ jiukoe hukumako kana ar onko do uniyakʼ kathako bataoetʼtaea.”

Santali Common Language New Testament

²⁷ Noa ńelte hoṛko do hahaṛayente ako akore menjoṅko ehopʼena. “Noako do cetʼ kana? Ar noa ạidạrite perecʼ nawa cecetʼakʼ baṅ cetʼkan? Ente uni do bạṛicʼ jiukoe hukumako kana ar onko do uniakʼ kathako bataoetʼtaea.”

Mark 1:27 Iomraidhean Croise

Mathae 15:31

Onate guṅgạko roroṛkan, leḍhako taṛamkan, ṭhunṭạko bogekʼkan, ar kãṛãkoko ńeńelkana menteko ńelketʼko khan gadel hoṛ doko hahaṛa cabayena, ar Israelren Isorko sarhaokedea.

Mathae 8:9

Ente iń hõ eṭakʼicʼakʼ katha leka calakʼ hoyokʼtińạ ar iń latarre hõ palṭonko menakʼkoa; iń do mitʼ hoṛ ‘calakʼ iń metae khan uni doe calakʼa, ar eṭagicʼ ‘hijukʼ iń metae khan uni doe hijukʼa; ar ińren golam iń metae khan nonkaeme uni doe onkaea.”

Mathae 9:33

Jisu do bhute oḍok giḍikade khan uni hoṛ do roroṛe ehopʼena. Onate sanam hoṛ do hahaṛayenteko menkeda, “Israel disạmre nonka do ar tishõ baṅ ńelakana.”

Mark 1:26

Khange bạṛicʼ jiu do uni hoṛe mocṛa mucṛikedea ar kikiạuate uni khone oḍok calaoena.

Mark 1:28

Ar noa iạte Gạlil Prodes reakʼ joto jaegakore Jisuakʼ katha do ạḍi usạra pasnao idiyena.

Mark 10:24

Khan celako do Jisuakʼ noa katha ańjomteko hahaṛayena. Jisu do arhõe metatʼkoa, “E bachako, okoe dhon-duribreko bhorsakʼkan onko lạgitʼ Isorakʼ rajte bolokʼ do muskilgea.

Mark 10:32

Inạ tayom Jisu ar acʼren celako do Jerusalem horteko rakapʼ calaoena. Ar Jisu do onko laha lahateye calakʼkan tahẽkana; ar celako do hahaṛakʼ tulucʼ uni sãoteko calakʼkan tahẽkana ar okoeko hoṛ uniko pańja idiyede tahẽkan onko doko botorokʼkan tahẽkana. Jisu do acʼren gelbar celako mitʼ secʼe hoho begarketʼkote acʼre hoyokʼ lạgidokʼ reakʼ katha lại akoe ehopʼkeda.

Mark 16:5

Ado topa bhitriteko boloyen khan jojomsa aṛere ponḍ kicricʼ horokʼ akatʼ mitʼṭen juạn hoṛ duṛupʼ akanko ńelkedea, ar onate ạḍitetʼko tharbasaoena.

Mark 16:6

Uni juạn hoṛe metatʼkoa, “Alope tharbasaokʼa. Ape do Nasaretren Jisu, okoe doko kuruslede, unipe sendra baṛayede kana? Nonḍe do bạnugicʼan, uni doe jiwetʼ beretʼ akana. Ar nõkʼõe ńelpe ona jaega, one okareko doholede.

Mark 7:37

Onate hoṛko do hahaṛayenteko menkeda, “Jotowakʼ tinạkʼ bhageye kạmiyeda. Uni do kalakoe ańjom ocoyetʼkoa ar guṅgạko hõ katha roṛ reakʼ daṛeye emako kana.”

Luk 4:36

Noa iạte jotogeko hahaṛayena ar ako akore menjoṅko ehopʼena, “Noa baṅ oka lekan katha kan! Uni do ektiạri ar daṛe salakʼ bạṛicʼ jiukoe hukumako kana ar onko doko oḍok calakʼkana!”

Luk 9:1

Niạ tayom Jisu do gelbar celako mitʼ ṭhene hoho jarwaketʼkoa ar sanam bhutko cetanre ektiạriye ematʼkoa. Ar rugiko bogeko reakʼ daṛe hõe danatʼkoa.

Aposkạmi 17:19

Unre onko guruko do Areopagos reakʼ bạisi samaṅre Pạulko idikedea. Arko kulikedea, “Okaṭakʼ nãwã sikhnạtem emokʼkan ona do cetʼ le baḍae daṛekea?