Mark 1:26 - সান্তালী বাইবেল

²⁶ Khange bạṛicʼ jiu do uni hoṛe mocṛa mucṛikedea ar kikiạuate uni khone oḍok calaoena.

Santali Common Language New Testament

²⁶ Khange bạṛicʼ jiu do uni hoṛe mocṛa mucṛikedea ar kikiạuate uni khone oḍok calaoena.

Mark 1:26 Iomraidhean Croise

Mark 1:25

Unre Jisu do bạṛicʼ jiu dhomkao kedeteye metadea, “Thirokʼme ar uni khon oḍok calakʼme.”

Mark 1:27

Noa ńelte hoṛko do hahaṛayente ako akore kuliyana. “Noako do cetʼ kana? Ar noa ektiạrite perecʼ nãwã cecetʼakʼ baṅ cetʼkan? Ente uni do bạṛicʼ jiukoe hukumako kana ar onko do uniyakʼ kathako bataoetʼtaea.”

Mark 9:20

Ado uni ṭhenko ạgukedea. Unre bạṛicʼ jiu do Jisui ńelkede khan koṛaye mocṛa mucṛikedea. Ar otreye bhindạṛkedete moca do photo photoyentaea ar guṛdạukʼe ehopʼena.

Mark 9:26

Unre bạṛicʼ jiu do kikiạuate koṛae mocṛa mucṛikedea ar uni khone oḍok calaoena. Onate koṛa do gocʼicʼ lekae ńelente ḍher hoṛgeko menkeda, “Uni doe gocʼena.”

Luk 11:22

Menkhan uni khon ḍher daṛeanicʼ jãhãe hecʼkate uniye bhagao lekhan enḍekhan okako khanḍa bhanḍareye bhorsakʼkan tahẽkan, onakoe recʼ ocokʼa ar uni eṭakʼ hoṛ do luṭakʼ jiniskoe hạṭińtaea.

Luk 9:39

Uni do mitʼṭen bạṛicʼ jiue sabea ar ackageye kikiạu goda. Are mocṛa mucṛiyea ar uniyakʼ moca khon photo photo oḍokokʼa; ar ona tayom do garal garal huruṛ baṛakateye aṛagea.

Luk 9:42

Ado tinre koṛa do Jisu ṭhene hijukʼkan tahẽkana unre bạṛicʼ jiu do uniye mocṛao bhinḍạṛkedea. Onate Jisu do bạṛicʼ jiue dhomkaokedea ar koṛae bogekedete eṅgat-apat ṭhene jimạkadea.