Mark 1:21 - সান্তালী বাইবেল

²¹ Jisu ar acʼren celako do Kapharnạhum nagrahateko calaoena. Ar jirạukʼ mãhãre uni do sunạgogre bolokate cetʼakoe ehopʼena.

Santali Common Language New Testament

²¹ Jisu ar acʼren cela do Kapharnạhum nagrahateko calaoena. Ar jirạukʼ mãhãre uni do sunạgogre bolokate cetʼakoe ehopʼena.

Mark 1:21 Iomraidhean Croise

Mathae 4:13

Jisu do Gạlilteye calaoena ar Nasaret atoe bạgiyatʼte Sebulon ar Naphthạli elaka reakʼ doreão aṛe Kapharnạhum nagrahate senkateye berelena.

Mathae 4:23

Jisu do Gạlil Prodes reakʼ sanam jaegakore dãṛã dãṛãte Jihudikoakʼ sunạgogkore cetʼakoe ehopʼena. Ona chaḍa uni do serma raj reakʼ bhage sombat porcar ar hoṛkoakʼ sanam lekan rog bighin ar ruạ hasokoe bogeyetʼtako tahẽkana.

Mark 1:20

Jisu do unkin hõe hohoatʼkinạ, ar unrege ạkinren apat Sabdae do kạmiyạko sãote lạukạrekin bạgi oṭowadete Jisukin pańjakedea.

Mark 1:29

Ado sunạgog khonko oḍoken khan onko do Simon ar Andreas tạkinakʼ oṛakʼteko calaoena. Onko sãote Jakob ar Johan hõkin tahẽkana.

Mark 1:33

Unre nagraharen hoṛ do ona oṛakʼ reakʼ duạr ṭhen hecʼkateko jarwayena.

Mark 10:1

Jisu do ona jaega khon uṭhạukate Jihudạ Prodes ar Jordan gaḍa hanasae parom calaoena. Ar gadel hoṛ do arhõ uni ṭhen hecʼkateko jarwayena. Unre uni do acʼakʼ cạli leka cetʼakoe ehopʼena.

Mark 2:1

Thoṛa din tayom Jisu do arhõ Kapharnạhum nagrahateye calaoena. Ar hoṛko do mitʼṭecʼ oṛakʼre menaea menteko ańjomkeda.

Mark 3:1

Ona tayom Jisu do arhõ sunạgogteye boloyena. Onḍe do nonkan mitʼṭen hoṛe tahẽkana okoe do mitʼ ti borocʼge tahẽkantae.

Mark 6:2

ar uniren celako hõ acʼ soṅgeteko sen torayena. Ado Jirạukʼ mãhã seṭeren khan uni do sunạgogre bolokate cetʼakoe ehopʼena. Ar ḍher hoṛ uniyakʼ katha ańjomkate hahaṛayente memenko ehopʼena, “Nui do oka khon noakoe ńam akada? Ar noa akele em ocoakan, noa baṅ cetʼkan? Ar uni do hahaṛa kạmiko hõe kạmikana.

Luk 10:15

Ar am E Kapharnạhum, am do cetʼ serma hạbicʼ usul ocokʼem meneda? Tishõ baṅa, bickom am do patal puritem giḍi ocokʼa.”

Luk 13:10

Ado mitʼ jirạukʼ mãhãre Jisu do mitʼṭecʼ sunạgogreye cetʼakokan tahẽkana.

Luk 4:16

Inạ tayom Jisu do Nasaretteye hecʼena. Ar nonḍege uni doe haralena. Uni do acʼakʼ niạm leka jirạukʼ mãhãre sunạgogreye boloyena, ar sostor paṛhao lạgitʼe teṅgoyena.

Luk 4:23

Jisui metatʼkoa, “Ape do noa hõpe mitạńa, ‘E raranicʼ amge baṛe bogekokʼme.’ Arhõpe mitạńa, ‘Kapharnạhumre okako kạmi reakʼ kathale ańjomakatʼ, onako ńitokʼ nijakʼ atorehõ udugme.’ ”

Aposkạmi 17:2

Pạul do acʼakʼ cạli leka ona sunạgogteye boloyena ar pe jirạukʼ mãhãre sonot sostor khon hoṛkoe galmaraoatʼkoa.

Aposkạmi 18:4

Ar jao jirạukʼ mãhãre Pạul do sunạgogre bolokate Jisu reaṅe galmarao akokan tahẽkana ar Junạni ar Jihudiko Jisuakʼ horte ạguko lạgitʼe kurumuṭuyetʼ tahẽkana.