Malaki 4:3 - সান্তালী বাইবেল

³ Ona tayom do dusṭạmikope lebetʼ gańjaokoa, ente oka hilokʼ onakoń kạmiya enhilokʼ onko do apeakʼ jaṅga latarre ńur akan torocʼ baraggeń hoyocokoa. Iń phạdkoren Probhu Isorge noa katha doń meneda.

Malaki 4:3 Iomraidhean Croise

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

2 Samuel 22:39

Onko doń marao giḍi akatʼkoa, ariń gejer caba akatʼkoa, ar alo jemonko beretʼ daṛeakʼ; ente ińakʼ jaṅga latarreko ńurakana.

2 Samuel 22:43

Dhạrti reakʼ dhuṛi leka onko doń holoṅ ḍigirketʼkoa; ar ḍahar reakʼ losotʼ leka jaṅgateń lebetʼ gańjaoketʼkoa.

Jobakʼ 40:12

Mitʼke mitʼ bạḍại hoṛ beṅgetʼ pheḍakome ar copotʼ ocokom; ar bedhoromko do akoakʼ ṭhạ̃irege lebetʼ gańjaokom.

Sereńko 147:6

Probhu Isor do mạ̃hirkoe diṛhoyetʼkoa, menkhan bạṛicʼ hoṛko do otreye giḍikako kana.

Sereńko 49:14

Bhiḍi palko cetʼleka niṭ akatʼ khạṛreko idi ocokʼ, onkage niṭ akatʼ patal purire onko hoṛ hõko idi ocokʼa; onḍe do gujukʼge onkoren gupiyicʼe hoyokʼa. Din reakʼ etohopʼrege Isor botoraekan hoṛ do onko cetanreko jitạukʼa; ar patal puri do onko hoṛkoakʼ hoṛmoe jomtakoa; onkoakʼ tahen reakʼ jaega do ar cetʼge baṅ tahena.

Sereńko 91:13

Am do kul ar kạrinạṅgiń biń cetantem taṛama, ar dhạcri kul ar biń kidińkom lebetʼ gańjaokoa.

Jesaea 25:10

Probhu Isorakʼ kạmi do niạ bururege tahena. Guricʼ sãote busupʼ cetʼlekako lebetʼ gańjao ṭhik onkage Moab hõe lebetʼ gańjao ocokʼa.

Jesaea 26:6

Santaokʼko ar reṅgecʼko do jaṅgate onako lebetʼ gańjaoa.

Rak̕joṅ 1:15

Probhu Isorge ińren sanam birbão hoṛkoe nihạ̃t giḍi akatʼkoa; uni do ińren juạnko chaka chunko lạgitʼ iń upạrte mitʼṭecʼ okteye ṭhik dohoakada. Darkha lelen kunḍre kuạ̃ri kuṛi Jihudạ do jaṅgateye lebetʼ gasmanḍao akadea.

Jeheskel 28:18

Amakʼ aema ghạṭ ar bedhorom pherbepar iạte am do apnarakʼ koejoṅ reakʼ ṭhạ̃ikom besonot akada. Ona iạte amre seṅgeliń jeretʼleda ar ona doe lo roṅgoketʼmea; okoeko ńeńelkan tahẽkan onko sanamkoakʼ mẽtʼ samaṅre am do ot reakʼ torocʼ lekageń hoyocoketʼmea.

Daniel 7:18

Menkhan mucạtʼre maraṅ Isorren hoṛko do ektiạri ńamkate jaejug, hẽ, jaejug hạbicʼko rajokʼa.’

Daniel 7:27

Ona tayom rajosṭi, ektiạri ar pirthimi reakʼ sanamakʼ rajosṭiko reakʼ daṛe do maraṅ Isorren hoṛkoakʼ tire jimạ ocokʼa. Onkoakʼ rajosṭi do hoyokʼa jaejug hạbicʼ ar sanam rapajko do onkoko sapʼsorakoa ar onko tabereko tahena.

Mikạ 5:8

Jạt jạtrenko talare Jakobren bańcao tahen hoṛ do bir janwarko talare dhạcri kul lekako hoyokʼa, bhiḍi pal talare dhạcri kul lekage; uni dhạcri kul do tinre bhiḍiko talareye bolokʼa unre onko doe sapʼkoa are or cirạkoa; ar celege onko do bako bańcao daṛeakoa.

Mikạ 7:10

Unre aleren bạiri do ona ńelteko lajaokʼa. Onko do aleko metale kan tahẽkana, “Aperen Probhu Isor do okare menaetapea?” Menkhan aleakʼ mẽtʼ do onkoakʼ ńurokʼe ńela; hẽ, hor reakʼ losotʼ lekage onko doko lebetʼ khadbadao ocokʼa.

Sakariạ 10:5

Unre Jihudạren hoṛ do nonkan daṛean hoṛ lekako hoyokʼa onko do lạṛhạire ḍahar reakʼ losotʼ leka bạiriko lebetʼ khadbadaokoa. Ar iń do onko sãoteń tahente lạṛhạire aswarikoko bhagaokoa.

Malaki 3:17

Onko babotre phạdkoren Probhu Isore meneda, “Ińakʼ niṭ akatʼ dinre onko do ińren sompottiko hoyokʼa; onko do ińrengeko hoyokʼa. Mitʼṭen hoṛ cetʼleka acʼren sapʼsosoricʼ hopone mãyãwaekante sạjại khone sahaṛede onkage onko hõń sahaṛkoa.

Romiko lạgitʼ Pạul Apostolakʼ ciṭhi 16:20

Sulukren Isor do ạḍi usạrage apeakʼ jaṅga latarre Soetane lebetʼ gańjaoea. Aboren Probhu Jisuakʼ daya ape cetanre baṛe tahenma.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Johan sodor 14:20

Ado nagraha bahrere darkha lelen kunḍre darkha jo len hoyen khan ona khon mãyãm oḍokena ar sadomkoakʼ jhin hạbicʼ rakapʼena. Onate pe sae mail hạbicʼ mãyãm do ạtu oḍokena.