Malaki 3:3 - সান্তালী বাইবেল

³ Rupạ gakʼlaoicʼ hoṛ leka uni doe hijukʼa. Uni do Liwikoe saphakoa ar sona-rupạ lekae khạṭikoa. Ona tayom onko do dhorom reakʼ monte Probhu Isor ńutumte samaṅokʼakʼ porobko porobokʼa.

Malaki 3:3 Iomraidhean Croise

Sereńko 116:17

Iń do am lạgitʼge gun manaoren dãṛẽń samaṅama ar amakʼ sarhao iń lại sodora.

Sereńko 4:5

Lek lekan dãṛẽko samaṅkope, ar Probhu Isorre bhorsa akae tahenpe.

Sereńko 4:6

Ḍher hoṛko mena, “Bhageakʼ do okoeye ńel oco daṛeabona?” E Probhu Isor, amakʼ daya reakʼ mẽtʼãhã do ale cetanre marsal leka baṛe rakapʼ aleme.

Sereńko 50:14

Isor ṭhen amakʼ gun manao joharge amakʼ dãṛẽ do hoyokʼtam ma; ar uni maraṅ utạricʼ ṭhenge amakʼ moneyakʼko hõ purạume.

Sereńko 50:23

Okoeyakʼ jionre gun manao joharge uniyakʼ dãṛẽkan unige iń doe manot edeńkana; ar okoe ińakʼ horteye calakʼkan uni doń bańcaoea”

Sereńko 51:19

Enḍekhan dhorom reakʼ dãṛẽkom bạsutakʼa, ar jeredokʼ samaṅakʼ ar goṭa jeredokʼ samaṅakʼkote; am dom rạskạkʼa, ar amakʼ pinḍ cetanre hoṛko do sanḍ ḍaṅgrako samaṅkoa.

Sereńko 66:10

E Isor, am dom bachao akatʼlea; rupạ reakʼ mạilạ oḍok giḍikakʼ leka am do alem sapha akatʼlea.

Kạhtukko 17:3

Rupạ biḍạu aṭkar lạgitʼ do galao reakʼ jinis menakʼa ar sona biḍạu aṭkar lạgitʼ jinis do culhạ, menkhan manwa ontor do Probhu Isorgeye biḍạu aṭkara.

Kạhtukko 25:4

Rupạ khon mạilạ chaṭao ocogme, enḍekhan sonhar do onate mońj bhajankoe benao daṛeakʼa.

Jesaea 1:25

Am upạrte ińakʼ tiyiń rakab tińạ. Ar amakʼ mạilạ do kharteń oḍok giḍikakʼa ar amakʼ sanam bhejal doń sạṅgiń giḍikakʼa.

Jesaea 48:10

Ńelpe, seṅgelreń khadlepea, menkhan ape do rupạ leka nirại do bape oḍok hecʼakana; iń do duk reakʼ bhaṭareń biḍạu aṭkar akatʼpea.

Jesaea 61:6

Ar ape do Probhu Isorren naekepe ńum ocokʼa; ar hoṛko do aboren Isorren sapʼdapʼkoko metapea. Ape do boṅgan hoṛ jạtrenkoakʼ dhonpe jomtakoa ar onkoakʼ dhon iạtepe sabasikʼa.

Jirimiạ 9:7

Ona iạte phạdkoren Probhu Isore meneda, “Ńelpe, onko doń galaokoa ariń biḍạu aṭkarkoa, ente ińren hoṛko onka akatʼ iạte ar cetʼ iń ceka daṛeakʼa?

Jeheskel 20:38

Ape modre okoe iń upạrteko hul onko doń sạṅgiń giḍikakoa. Ar onko okaṭakʼ disạmreko girobasokʼkan onḍe khoniń oḍok ạgukorehõ onko do Israel disạmre bako bolo daṛeakʼa. Unre apepe baḍae daṛeakʼa, iń kangeạń Probhu Isor do.

Daniel 11:35

Ar ạkilanko modre adom adomko doko gurokʼa jemonko niphuṭ ocokʼa, arko pạṛchạ ocokʼ arko sapha ocokʼ mucạtʼ okte hạbicʼ, ente unhõ mucạtʼtetʼ do niṭ akatʼ okterege hoyokʼa.

Daniel 12:10

Ḍherkoge, sapha, niphuṭ arko khạṭi ocokʼa, menkhan dusṭạmi hoṛ do bedhorom iditegeko tahena. Dusṭạmiko do celege bako bujhạu daṛeakoa, menkhan ạkilanko doko bujhạu daṛeakogea.

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Numeri 8:6

“Am do Israel hoponko tala khon Liwikom begarkoa arem saphakoa.

Luk 3:16

Unre Johan do sanamkoe metatʼkoa, “Iń do dakʼteń bạptisetʼpea, menkhan okoe iń khone daṛeange uni doe daraekana. Iń do uniyakʼ panahi reakʼ phitạ raṛaetae lek geń baṅkana. Uni do sonot Jiu ar seṅgelteye bạptispea.

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Romiko lạgitʼ Pạul Apostolakʼ ciṭhi 15:16

Sonot Jiu hotete okoe Jihudikoko bachao doho ocoakan, onko do Isor ṭhen jemon samaṅokʼakʼko hoydaṛeakʼ ona iạte uniyakʼ bhage sombat lại pasnaore naeke kạmiyiń kạmikana.

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.

Philipiko lạgitʼ Pạul apostolakʼ ciṭhi 4:18

Ińakʼ jotogeń ńam caba akada. Ar ińakʼ oka jạruṛ ona khon hõ bạ̃ṛti menakʼtińạ. Ephaphroditus tite apeakʼ daniń ńamketʼte ińakʼ do ḍher hoyakantińạ. Noa danko do mońj so reakʼ mahkaokʼ ar samaṅokʼakʼge,

2Timothi 4:6

Ente iń do ńit hoń coḍor ocokʼ kana; ar ińakʼ gujukʼ okte do seṭer akana.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Ibriko 12:10

Aboren dhạrtiren babako okaṭakʼ bhageko bujhạuletʼ, ona lekageko ḍanṭao akatʼbona, ar ona do thoṛa din lạgitʼge; menkhan aboakʼ bhage lạgitʼge Isor do aboe ḍanṭaoetʼbona jemon uni leka sonot bon hoyokʼ.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Johan sodor 1:6

Uni do aboko hotete mitʼṭecʼ rajosṭiye benao rakapʼakada ar acʼren Baba ar Isorakʼ sewa lạgitʼ naekeye hoyoco akatʼbona. Jaejug hạbicʼ Jisu Mạsiyakʼge ṭhonok hoyokʼtae ma ar jaejug hạbicʼ uniyakʼ daṛe do tahẽakae tahen ma. Amen.

Johan sodor 3:18

Onate noa solhań emam kana, am do iń ṭhen khon seṅgelre rapakʼakʼ khạṭi sona kirińjoṅme, jemonem kisạ̃ṛ daṛeakʼ. Iń ṭhen khon ponḍ kicricʼ kirińkate horogme jemon onem uluṅ akan reakʼ lajaotetʼ alo ńelokʼtam. Iń ṭhen khon mẽtʼre lagao lạgitʼ aenom kirińjoṅme, jemonem ńeńel.

Johan sodor 5:10

Am do onko hotete mitʼṭecʼ rajosṭim benao akada ar aboren Isorakʼ sewae lạgitʼ naekekom hoyocoketʼkoa. Dhạrtire onkoge rajosṭiko calaoa.”