Malaki 2:3 - সান্তালী বাইবেল

³ Ape khạtirte aperen bõskoń sạjạikoa; apeakʼ porobre samaṅokʼkan janwarkoakʼ mạilạ do apeakʼ mẽtʼãhãregeń thopramapea ar ona mạilạ sudhạ sạṅgińteń giḍikapea.”

Malaki 2:3 Iomraidhean Croise

1 Rapajko 14:10

Ona iạte iń do Jerobiamakʼ bõs cetanre usạrage muhiniń paṛao ocoya. Uniyakʼ bõs khon mitʼke mitʼ herel hoṛ doń marao utạrkoa- baṅ doe golamkan ar baṅ doe sạdhin kan. Hoṛ do cetʼ leka gõeṭha rapakʼkateko torocʼ ocoyetʼkan onkage Jerobiamakʼ bõskoń marao utạra.

Jobakʼ 20:7

enhõ uni do acʼakʼ mạilạ lekageye marao utạrokʼa. Okoe uniko ńelakade onko doko mena, ‘okare menaea uni do?’

Sereńko 47:5

Isor do hulạs aṛaṅre menaea, Probhu do sakwa reakʼ sạderege menaea.

Sereńko 83:10

Sisrenko ar Jabin Endorreko mohor meṭaoena; onko do jumi reakʼ guricʼ lekako ńur tahẽyena.

Exodus 29:14

Menkhan uni ḍaṅgrawakʼ jel, harta ar gubriko do Israelkoakʼ ḍera barhete idikatem atar giḍikakʼa. Noa do kại ńutumte mitʼṭecʼ samaṅokʼakʼ kana.

Jirimiạ 8:2

Ona jaṅko do siń-cando, ńindạ-cando ar sermaren sanam ipilko samaṅre giḍi akan tahena, ente onko do sermaren sanamgeko dulạṛetʼko tahẽkana arko sewawako kan tahẽkana ar onkoko pańjayetʼko tahẽkante, onko sãoteko solhayetʼ tahẽkana arko sewawako kan tahẽkana. Ar ona jaṅko do jarwakate bako topakakʼa, bickom onako do otre guricʼmande lekage hoyokʼa.

Joel 1:10

Sanam khetko do nosṭo akana, ot doe homoretʼkana, ente phosol do nosṭo caba akana, nãwã darkha rasa ańjetʼakana ar sunum hõ caba hijukʼkana.

Joel 1:17

Itạko do ḍhelka hasa latarre rohoṛ roṅgoyena. Phosol reakʼ murại do jarkharena, gola oṛakʼ do jotoge rạputʼ giḍi ocoakana, ente phosol do jhãorayena.

Levitikus 26:16

enḍekhan ape cetanre noakoń ạguya, iń do ackage apeakʼ hoṛmore khoy rogko, mẽtʼ bolokʼ rog ar jiwi loraokʼ rogkoń ạguiya. Ar ape do noako rog iạte bape ńeńela ar hoṛmo reakʼ daṛeko ńur cabakʼtapea. Unre itạpe erlere hõ jãhãn lab do baṅ hoyokʼtapea, ente apeakʼ phosol do bạirikoko joma.

Nạhum 3:6

Iń do am cetanre jońjalkoń capatʼ lạthiạuama, ar hirkhạ mẽtʼteń ńelmea ar landha dhutʼicʼ hoṛiń hoyocomea.

Malaki 2:9

Ape do ińakʼ horte bape senlena bickom ạn-ạriko babotre hoṛko sãote ape hõ mẽtʼãhãpe beṅgetʼakʼ kan tahẽkana. Ona iạte sanam hoṛko samaṅre nihạ̃t ocokʼ ar bemanot ocokʼkoń hoyoco akatʼpea.”

Luk 14:35

Unre ona do hasa lạgitʼ hõ lek baṅ hoyokʼa, ar guricʼ mande lạgitʼ hõ baṅ; ar hoṛko do bahrete onako oḍok giḍikakʼa. Ańjom lạgitʼ lutur menakʼtae hoṛ doe ańjomma.”

1 Korinthiko 4:13

arko bodnametʼlere hõ mạ̃hir seletʼle roṛ ruạṛako kana; ar ńit hạbicʼ hõ dhạrti reakʼ mạilạ ar sanamko reakʼ jobra lekagele hoyakana.

Dosar Biboron 28:38

“Ape do ḍherpe er rehõ komgepe ira, ente pohoko do apeakʼ phosolko jomtapea.