Luk 9:7 - সান্তালী বাইবেল

⁷ Ado Jisui kạmi akatʼakʼko reaṅ ańjomkate disạm cakʼlaoyicʼ Herod do cetʼge bae bujhạu daṛeakʼkan tahẽkana. Ente adom hoṛko menetʼ tahẽkana, Johan bạbạptisicʼge gocʼko khone jiwetʼ beretʼ akana;

Santali Common Language New Testament

⁷ Ado Jisui kạmi akatʼakʼko reaṅ ańjomkate disạm cakʼlaoicʼ Herod do cetʼge bae bujhạu daṛeakʼkan tahẽkana. Ente adom hoṛko menetʼ tahẽkana, Johan bạbạptisicʼge gocʼko khone jiwetʼ beretʼ akana;

Luk 9:7 Iomraidhean Croise

Sereńko 73:19

Onko do acʼkageko maraokʼa ar botoranakʼ muhinreko caba utạrokʼa.

Jesaea 22:5

Phạdkoren Probhu Isor ṭhen khon dorson reakʼ buru nalare do heṛan botorge hoyakana, onḍe do ḍamaḍol ar lebetʼ gańjao ar andmandao reakʼ dinge hecʼakana. Ona do pạcri rạputʼ giḍikakʼ ar buru-nala ṭhen rakʼjoṅ reakʼ mitʼṭecʼ din kangea.

Mikạ 7:4

Onko modren sanamko khon bhage hoṛ do rạṅgạini lekako hoyakana, ar joto khon dhorom hoṛ do kuṛitʼrama reakʼ beṛha lekage. Aperen pahradarko lạiyakope, apeakʼ sạjại reakʼ din do sor akana mente. Ar andesalekʼ reakʼ okte do ńitokʼkangea.

Mathae 11:2

Johan do hajotre tahenrege Mạsiyakʼ kạmiko reaṅe ańjomketʼ khan acʼren celako kolketʼkoteye kulikedea,

Mark 8:28

Celakoko metadea, “Adomko doko meneda Johan bạbạptisicʼ kanam; ar adomko doko meneda Eliạ kanam arhõ adomko doko meneda nạbiko modren mitʼ hoṛ kanam.

Luk 13:31

Ona ghuṛire tin uḍicʼ Phạrusiko coṅ Jisu ṭhen hecʼenteko menkeda, “Am do nonḍe khon senjoṅme, ente Herod do gocʼme lạgitʼe menjoṅ kana.”

Luk 21:25

“Unre siń cando, ńindạ cando ar ipilkore ạḍi lekan cinhạko ńelokʼa. Dhạrtiren sanam jạtrenko do kosṭoko ńama ar jalapuri reakʼ hudhud saḍe ar ḍheoko iạte onko do jiwi oṭaṅokʼtakoa.

Luk 23:7

Ado Jisu Herodakʼ Prodesren kanae menteye baḍaeketʼ khan Pilạt do Herod ṭhene kolkadea. Un jokhecʼ Herod hõ Jerusalemregeye tahẽkana.

Luk 3:1

Romren moharaj Tiberius Kạisạre rajokʼkan gel mõṛẽakʼ bochorre Pontus Pilạt do Jihudạren disạm cakʼlaoyicʼe tahẽkana. Unre Herod do Gạlilre ar uniren boeha Philip do Jituriạ ar Trakhonitis disạme calaoetʼ tahẽkana. Ar Lusanius do Abileneren disạm cakʼlaoyicʼe tahẽkana,

Luk 9:19

Celakoko metadea, “Adomko doko meneda am dom Johan bạbạptisicʼ kana; ar adomko doko meneda Eliạ kanam; arhõ adomko doko meneda sedaeren mitʼṭen nạbigeye jiwetʼ beretʼ akana.”