Luk 9:16 - সান্তালী বাইবেল

¹⁶ Ar Jisu do ona mõṛẽ goṭecʼ piṭhạ ar barea hako ataṅkate serma secʼ beṅgetʼ rakapʼkateye bhorada are kecakʼkeda. Ona tayom gadel hoṛko emako lạgitʼ celakoakʼ tireye calatʼkoa.

Santali Common Language New Testament

¹⁶ Ar Jisu do ona mõṛẽ goṭen piṭhạ ar barea hako ataṅkate serma secʼ beṅgetʼ rakapʼkateye bhorada are kecakʼkeda. Ona tayom gadel hoṛko emako lạgitʼ celakoakʼ tireye calatʼkoa.

Luk 9:16 Iomraidhean Croise

Mathae 14:19

Tayomte uni do gadel hoṛko ghãsre duṛupʼe hukumatʼkoa, ar ona mõṛẽ goṭecʼ piṭhạ ar barea hako ataṅkate serma secʼ beṅgetʼkateye bhorada. Inạ tayom piṭhại kecakʼketʼte celakoe ematʼkoa ar celako do gadel hoṛkoko calatʼkoa. Ar sanamkoko jomkeda arko biyena.

Mathae 15:36

Ar Isore gun manao joharadete onakoe kecakʼketʼte celakoe calatʼkoa ar onko do gadel hoṛkoko ematʼkoa.

Mark 7:34

Ona tayom serma secʼ beṅgetʼ rakapʼkate kũhrạuateye menkeda, “Ephata” mane do “Jhijokʼme.”

Luk 22:19

Ona tayom uni do piṭhạ halaṅkate Isore gun manao joharadea. Ar ona kecakʼkate celako ematʼkoteye metatʼkoa, “Noa do ińakʼ hoṛmo kana oka do apeko lạgitʼ emogokʼkan. Nonkaepe iń disạyiń lạgitʼ.”

Luk 24:30

Ado unkin tulucʼ jojome duṛupʼenre uni do piṭhạ ataṅkate Isore gunmanao joharadea are kecakʼketʼteye ematʼkinạ.

Luk 9:15

Ado onkage celako do sanam hoṛko duṛupʼ ocoketʼkoa.

Luk 9:17

Ar sanam hoṛko jomkeda arko biyena. Ar okako kecakʼ hiricʼ pạsir ńur tahẽkan onate celako do gelbar phạtiạkʼko halaṅ jarwakeda.

Johan 6:11

Ona tayom Jisu do onako piṭhạ ataṅkate Isore gun manao joharadea ar duṛupʼ akankoe hạṭińatʼkoa. Onkage uni do hako reakʼ hõe ematʼkoa. Ar okoe tinạkʼko khojketʼ unạkʼgeko ńamkeda.

Johan 6:23

Menkhan okare Probhu Isor do gun manao joharkate hoṛko piṭhại jom ocoletʼko ona jaegare unre Tibiriạ nagraha khon eṭakʼ lạukạko hecʼena.

Aposkạmi 27:35

Ado noa katha menkate Pạul do piṭhạ hataokate onko samaṅre Isore gun manao joharadea ar ona kecakʼkate jojome ehopʼena.

Romiko lạgitʼ Pạul Apostolakʼ ciṭhi 14:6

Din okoeye manaoetʼkan uni do Probhu Isor kusi ocoye lạgitʼgeye onkayeda. Ar okoe sanamakʼe jometʼkan uni do Probhu Isor kusi ocoye lạgitʼgeye jomeda, ente uni do Isore gunmanao joharae kana. Okoe sanamakʼ bae jometʼkan uni hõ Probhu Isor kusi ocoye lạgitʼge bae jomeda, ar uni hõ Isore gun manao joharae kana.

1 Korinthiko 10:30

Ar gunmanao joharateń jomle khan, enḍekhan oka jomakʼ lạgitʼ gunmanao iń joharetʼkan ona lạgitʼ cedakʼiń opoman ocokʼa?

1 Korinthiko 11:24

ona ńindạ uni do piṭhạ halaṅkate Isore gunmanao joharadea ar onae kecakʼketʼteye menkeda, “Noa do ińakʼ hoṛmo kana one ape lạgitʼ emogokʼkan; ar iń disạyiń lạgitʼge nonkaepe baṛe.”

1 Samuel 9:13

Aben do nagrahate ben bololen khange uni sãote ben ńapamokʼa. Arben ńelea uni do boṭkocʼte jom lạgitʼe rakapʼ calakʼ kana. Ar uni ạuriye calakʼ hạbicʼ hoṛko do bako jom-ńũiya, ente uni do samaṅakʼ jiniskoe ạsirbadakʼa; ar ona tayom okoeko hoho ocoakan onkoko joma. Aben do ńitge rakapʼ calakʼben, enḍekhan uni sãote ben ńapam daṛeakʼa.”