Luk 9:12 - সান্তালী বাইবেল

¹² Ado ber hạsurokʼkan tahẽkan jokhecʼ onko gelbar celako do Jisu ṭhen hecʼkateko menkeda, “Abo okare menakʼ bon noa do mitʼṭecʼ nisun jaegakana. Onate gadel hoṛko bidạkakome jemon onko do sorteakʼ ato ar nagrahate senkate jomakʼ ar tahen lạgitʼ jaegako sendra ńam daṛeakʼ.”

Santali Common Language New Testament

¹² Ado ber hạsurokʼkan tahẽkan jokhecʼ onko gelbar celako do Jisu ṭhen hecʼkateko menkeda, “Abo okare menakʼ bon noa do mitʼṭen nisun jaegakana. Onate gadel hoṛko bidạkakome jemon onko do sor reakʼ ato ar nagrahate senkate jom ar tahen lạgitʼ jaegako sendra ńam daṛeakʼ.”

Luk 9:12 Iomraidhean Croise

Jeheskel 34:25

“ ‘Iń do onko lạgitʼ bhạlại reakʼ mitʼṭecʼ bondobosiń dohoya ar disạm khon botoran janwarkoń marao utạrkoa jemon ińren bhiḍiko do khạtirjomako tahente bir-gajaṛkore hõko jạpitʼ daṛeakʼ.

Hosea 13:5

Hahaṅkarre, ona rohoṛ disạmre iń do amiń ńel jutletʼmea.

Mathae 14:13

Johanakʼ gujukʼ reakʼ sombate ańjomketʼ khan Jisu do eskarge onḍe khon lạukạte mitʼṭecʼ nisun jaegateye calaoena. Ar gadel hoṛ do onako ańjomketʼ khan eṭakʼ eṭakʼ atoko khon ot otte uniko pańjakedea.

Mathae 15:23

Menkhan Jisu do cetʼge bae roṛ ruạṛadea. Unre celako do hecʼkate nehõradeteko metadea, “Uni do bidạkaeme, ente abo tayomteye hoho ạguiyeda.”

Mathae 15:32

Inạ tayom Jisu do celako hohoatʼkoteye metatʼkoa, “Noko gadel hoṛkoreń mãyãkʼ kana, ente teheń pe mãhã hoyokʼ kana onko do iń sãote menakʼkoa, ar noko ṭhen jãhãn jomakʼge bạnukʼa. Ar reṅgecʼte bidạkako hõ baṅ sanań kana; ente hoedaṛeakʼa onko do horkoreko lorao botecʼjokʼa.”

Luk 9:11

Menkhan gadel hoṛ do ona khoborko baḍaeketʼ khan Jisuko pańjakedea. Uni do onko hoṛkoe ataṅketʼkote Isorakʼ raj reakʼe lạiyatʼkoa. Ona chaḍa okoekoakʼ boge ocokʼ reakʼ jạruṛ tahẽkan onkoe bogeketʼkoa.

Luk 9:13

Jisui metatʼkoa, “Onko do apege jomakʼ emakope.” Adoko metadea, “Ale ṭhen do eken mõṛẽ goṭecʼ piṭhạ ar barea hako chaḍa ar cetʼge bạnukʼa. Menkhan ale do senkate jomakʼle kiriń ạgule anecʼle jom oco daṛeakoa.”

Johan 6:1

Ona tayom Jisu do Gạlil doreão hanasae parom calaoena. Noa doreãoge Tiberias doreão hõko metakʼkana.

Philipiko lạgitʼ Pạul apostolakʼ ciṭhi 1:19

ente ińiń baḍaea, iń cetanre oka hoyakan ona reakʼ mucạtʼ jo do hoyokʼ kana bańcaokʼ; ar ona do apeakʼ koejoṅ hotete ar Jisu Mạsiren Jiu hotetege hoyokʼa.