Luk 8:44 - সান্তালী বাইবেল

⁴⁴ Uni do tayom secʼ khon hecʼkate Jisuakʼ kicricʼ reakʼ ańcare joṭetʼketʼtaea, ar unrege mãyãm oḍokokʼ do thirentaea.

Santali Common Language New Testament

⁴⁴ Uni do tayom secʼ khon hecʼkate Jisuakʼ kicricʼ reakʼ ańcare joṭetʼketʼtaea, ar unrege mãyãm oḍokokʼ do thirentaea.

Luk 8:44 Iomraidhean Croise

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Mathae 20:34

Unre Jisu do mãyã hecʼadea ar unkinakʼ mẽtʼe joṭetʼketʼtạkina, ar unrege unkin do ńeńelkin ehopʼena, ar unikin pańjakedea.

Mathae 8:3

Jisu do ti tiạrkate joṭetʼkedeteye metadea, “Sanań kangea, ma saphakokʼme.” Ar unrege murhucʼ jom rog do bogeyentaea.

Mathae 9:20

Ona jokhecʼ mitʼṭen maejiu do tayom secʼ khon hecʼkate Jisuakʼ oyon ańcare joṭetʼketʼtaea. Ente uni do gelbar bochor khon pordhol ruạteye jạbun akan tahẽkana.

Mark 6:56

Ar jãhã nagraha, se atoteye calakʼkan tahẽkan onḍege hoṛko do bajarkore rugiko jarwayetʼko tahẽkana. Ar uniyakʼ kicricʼ ańcar joṭetʼtae lạgitʼko nehõraekan tahẽkana, ar tinạkʼ do uniko joṭetʼede tahẽkan onko doko bogekʼkan tahẽkana.

Luk 13:13

Ar noa katha menkateye capokedea ar inạtege uni doe sojheyente Isor gunmanao joharaye ehopʼena.

Luk 7:38

Ar Jisu tayom secʼre uniyakʼ jaṅga ṭhen senkate teṅgoyente rakʼ rakʼte acʼakʼ mẽtʼ dakʼte uniyakʼ jaṅgakine lohotʼketʼtaea. Ar inạ tayom uni do acʼakʼ upʼte jaṅgae jotʼketʼtaea ar jaṅgareye cokʼadete ona mahkaokʼ sunume duladea.

Luk 8:43

Ar onko modren mitʼṭen maejiue tahẽkana okoe do gelbar bochor khon pordhol rogteye jạbun akan tahekan. Uni do acʼakʼ joto ạsulokʼakʼko raranko tayomreye khorocʼ caba akatʼ tahẽkana, menkhan okoe hõ bako boge daṛeaekan tahẽkana.

Luk 8:45

Unre Jisui menkeda, “Okoeye joṭetʼ kedińạ?” Ado jotokoko baṅketʼ khan Patras ar uniren sãotenko doko metadea, “E Guru, gadel hoṛko beṛhaeteko riḍetʼ ciritʼetʼmea.”

Johan 5:13

Menkhan boge ocoyenicʼ do bae baḍaeleda uni doe okoe kana mente, ente ona jaegare ạḍi utạr hoṛko bhiṛakatʼ tahẽkante Jisu do onḍe khone calaoena.

Aposkạmi 19:12

Uniyakʼ gamcha ar oyonakʼ rugiko ṭhenko idiyetʼ tahẽkanre onkoakʼ ruạ do bogekʼkan tahẽkana ar bạṛicʼ jiuko hõko oḍok calakʼkan tahẽkana.

Aposkạmi 5:15

Ado apostolko okako cekayetʼkan tahẽkan ona ńelte hoṛko do parkom ar cạukikote rugiko ạguketʼkoa ar hor horteko dohoketʼkoa, jemon Patrase parom calakʼ jokhecʼ uniyakʼ umul do onkore paṛaokʼ.

Dosar Biboron 22:12

“Ar apeakʼ oyonakʼ reakʼ ponon ańcarre ḍuriạpe tolakʼa.