Biblia Todo Logo
Bìoball air-loidhne

- Sanasan -




Luk 8:43 - সান্তালী বাইবেল

43 Ar onko modren mitʼṭen maejiue tahẽkana okoe do gelbar bochor khon pordhol rogteye jạbun akan tahekan. Uni do acʼakʼ joto ạsulokʼakʼko raranko tayomreye khorocʼ caba akatʼ tahẽkana, menkhan okoe hõ bako boge daṛeaekan tahẽkana.

Faic an caibideil Dèan lethbhreac

Santali Common Language New Testament

43 Ar onko modren mitʼṭen maejiue tahẽkana okoe do gelbar bochor khon pordhol rogteye jạbun akan tahekan. Uni do acʼakʼ joto ạsulokʼakʼko raranko tayomreye khorocʼ caba akatʼ tahẽkana, menkhan okoe hõ bako boge daṛeaekan tahẽkana.

Faic an caibideil Dèan lethbhreac




Luk 8:43
22 Iomraidhean Croise  

Asa raj rajokʼ pegel areakʼ bochorre uni do jaṅgare mitʼṭecʼ rog ńamkedea. Ar noa rog do sạrdi idiyentaere hõ uni do Probhu Isorakʼ goṛo hatao baṅkate eken ḍaktarkoakʼ goṛogeye hataokeda.


Ape joto do eṛeakʼ khudạuko kanape; ar jotoge ạuṛiyakʼren raranko kanape.


E Isor, bạiriko upạrte ale baṛe goṛowaleme, ente manwakoakʼ goṛo do jãhãn damge bạnukʼa.


Manwako cetanre do alope bhorsakʼa. Uniyakʼ jiwi ma uniyakʼ mũ reakʼ sahẽtʼ chaḍa ar cetʼge baṅkan; uniyakʼ do cetʼ damge bạnukʼtaea.


Ente onko hoṛ do akoakʼ asecʼ tasecʼ dhon khonko dohoakada, menkhan nui maejiu do acʼakʼ okulạnakʼ khon jauḍicʼ bańcaokʼ tahen lạgitʼ tahẽkantae, ona jotogeye dankeda.”


Ar uni tinreye sabea unre uni do otreye tawakʼ bhindạṛea. Ar moca photo photokʼtaea are togocʼ ḍaṭaea. Iń do amren celako uni jiu oḍok giḍiye lạgitʼ iń nehõratʼko tahẽkan a, menkhan bako daṛeada.”


Onḍe do nonkan mitʼṭen maejiue tahẽkana, one uni do mitʼṭen bạṛicʼ jiue sapʼakade tahẽkante gelirạl bochor khon ruạteye jạbun akan tahẽkan. Ar kubjạgeye tahẽkante bae sojhe daṛeakʼkan tahẽkana.


Menkhan Abraham bõsren nui maejiu do gel irạl bochor hạbicʼ Soetane tol akade tahẽkana, ar jirạukʼ mãhãre ona tonol khone raṛa ocokʼ do cetʼ baṅ ganokʼtaea?”


Ado Jisu lạukạ khone pheḍgotʼen khan onḍenicʼ mitʼṭen hoṛ do uni ṭhene hecʼena. Uni hoṛ do ạḍi utạr bhutko capaṛ akawade tahẽkana ar ḍher din khon kicricʼko hõ bae horokʼ bandeyetʼ tahẽkana, ar oṛakʼre tahẽ baṅkate mạ̃ṛĩ poḍakoregeye tahenkan tahẽkana.


Ar Jisu acʼakʼ oṛakʼte hijukʼ lạgitʼe nehõradea, ente uniren gelbar bochor umerren sadher hoponera do gujukʼ dạkhile tahẽkana. Ado Jisu tinreye calakʼkan tahẽkana unre gadel hoṛko do beṛhaeteko riḍetʼ ciritʼede tahẽkana.


Uni do tayom secʼ khon hecʼkate Jisuakʼ kicricʼ reakʼ ańcare joṭetʼketʼtaea, ar unrege mãyãm oḍokokʼ do thirentaea.


Ado horteye calakʼkan tahẽkan jokhecʼ Jisu do mitʼṭen kãṛã hoṛe ńel ńamkedea. Uni do janam khonge kãṛãgeye tahẽkana.


Menkhan cekate ńitokʼ doe ńeńelkana ona do bạliń baḍaea; ar okoe nuiyakʼ mẽtʼe beṅgetʼ ocoakatʼtae ona hõ bạliń baḍaea. Uni doe sẽṛãgea, unige kuliyepe. Uni do acʼ reaṅ acʼtegeye lại ocoge.”


Onḍe hoṛko do mundil reakʼ mońjko metakʼ duạr ṭhen dinạmge mitʼṭen hoṛ gokʼ ạgukateko dohokae kan tahẽkana. Uni do janam khonge leḍhageye tahẽkana. Ar mundilte bolokʼkanko ṭhen khon koe ńam lạgitʼ onḍeye doho ocokʼkan tahẽkana.


Ar okoe hoṛe bogeyen uniyakʼ umer do pongel bochor khon hõ bạ̃ṛti tahẽkantaea.


Lean sinn:

Sanasan


Sanasan