Luk 7:2 - সান্তালী বাইবেল

² Onḍe mitʼṭen Rom Subedarren guti do ruạ kạhilte gujukʼ dạkhile tahẽkana. Ar Subedar do uni guti ạḍiye dulạṛedekan tahẽkana.

Santali Common Language New Testament

² Onḍe mitʼṭen Rom Subedarren guti do ruạ kạhilte gujukʼ dạkhile tahẽkana. Ar Subedar do uni guti ạḍiye dulạṛedekan tahẽkana.

Luk 7:2 Iomraidhean Croise

Genesis 24:27

“Bhạgạngeae Probhu Isor do, one okoe doe ińren kisạ̃ṛ Abrahamren Isor kan! Uni do ińren kisạ̃ṛe emade tahẽkan katha ar pạtiạrtetʼ udug do bae hiṛiń akada. Unige horkoe udukʼ ạguạdińa ar iń kisạ̃ṛren boehawakʼ oṛakʼteń hecʼakana.”

Genesis 35:8

Niạko dinre Rebekaren dhạ̃i buḍhi Dabora doe gocʼena. Uni do Bethel ṭhenakʼ mitʼṭecʼ maraṅ dare buṭareko topakedea. Ona iạte ona jaega reakʼ ńutum do Alon-Bakotko dohokeda (metakʼme “Rakʼjoṅ dare”).

Jobakʼ 31:5

“Sạrigeń meneda, iń do eṛeakʼre bạń dãṛãnkana. Ińakʼ jaṅga do phikir tayomte bae ńir calakʼkana.

Kạhtukko 29:21

Jãhãe hoṛ acʼren guti gidrạ bạ̃ṛtiye mãyãwae khan, mucạtʼre uni do uniyakʼ sanamakʼren mạlike hoyokʼa.

Mathae 27:54

Subedar ar uni tulucʼ Jisuko horhoyede tahẽkanko do dhạrti laṛao ar eṭakʼ ghoṭnako ńelkate ạḍi bạṛicʼko botorena arko menkeda, “Sạrige uni do Isorren Hopongeye tahẽkana.”

Luk 23:47

Noa ńelte Romren subedar do Isor sarhaokedeteye menkeda, “Sạrige uni do bin dusạngeye tahẽkana.”

Luk 7:1

Ado hoṛko ṭhen noako sanamakʼe lại mucạtʼketʼ khan, Jisu do Kapharnạhum nagrahateye calaoena.

Luk 7:3

Uni do Jisu reaṅe ańjomketʼ khan Jihudikoren murubbiko Jisu ṭhen kolketʼkoteye nehõradea jemon uni doe hijukʼte acʼren gutiye bogeye.

Luk 8:42

Ar Jisu acʼakʼ oṛakʼte hijukʼ lạgitʼe nehõradea, ente uniren gelbar bochor umerren sadher hoponera do gujukʼ dạkhile tahẽkana. Ado Jisu tinreye calakʼkan tahẽkana unre gadel hoṛko do beṛhaeteko riḍetʼ ciritʼede tahẽkana.

Aposkạmi 10:1

Kạisạriạ nagrahare Kornelius ńutuman mitʼṭen hoṛ do Itạliạ Palṭon dolren subedare tahẽkana.

Aposkạmi 10:7

Ado okoeṭakʼ serma goḍet sãoteye galmaraokan tahẽkan uniye calaoen khan Kornelius do barea guti ar mitʼṭen gokʼṛoyicʼ palṭone hohowadea. Nui palṭon hõ Isor bhokti hoṛe tahẽkana.

Aposkạmi 22:26

Noa katha ańjomkate uni subedar do maraṅ subedar lạiyadeteye metadea, “Am do cetʼem cekae lạgidokʼ kana? Nui ma coṅe Romi hoṛkan.”

Aposkạmi 23:17

Unre Pạul do mitʼṭen subedar hohowadeteye metadea, “Nui koṛa do maraṅ subedar ṭhen idiyem. Uni ṭhen thoṛa katha roroṛteakʼ menakʼtaea.”

Aposkạmi 27:1

Ado jahajte Itạliạteko idilea menteko goṭaketʼ khan Pạul ar eṭakʼ adom kạidiko do Julius ńutuman mitʼṭen subedarakʼ tireko jimạkatʼlea. Julius do maharaj Agustus palṭonko modren mitʼṭen subedare tahẽkana.

Aposkạmi 27:3

Dosar hilokʼ aleakʼ jahaj do Sidonrele teṅgokeda. Julius do Pạul sãote ạḍi mońje beoharkeda ar cerṭhakʼ lạgitʼ uniren gateko ṭhene sen ocoadea jemon acʼren gateko jạruṛokʼakʼ jiniskoko emdaṛeae.

Aposkạmi 27:43

Menkhan subedar do Pạul bańcaoe lạgitʼ mon tahẽkantaete palṭonko akoakʼ kusi leka bae kạmi ocowatʼkoa. Uni doe hukumkeda okoe paerakʼko baḍae onko do pạhilre jahaj khonko don pheḍokʼte guṭuteko rakabokʼma,

Kolossiko lạgitʼ Pạul Apostolakʼ ciṭhi 3:22

E golamko ape do jotowakʼre noa dhạrtiren kisạ̃ṛko ṭhen tabe akan tahenpe. Eken mẽtʼ samaṅre golam khaṭaokʼte hoṛ kusi ocoko leka do alo, menkhan khạṭi monte Probhu Isor botorae tulucʼ onkore tabe akan tahenpe.