Luk 7:12 - সান্তালী বাইবেল

¹² Ado ona ato reakʼ phaṭok-duạr ṭhene seṭeren khan mitʼṭen gocʼ hoṛ do bahreteko oḍok idiyede tahẽkana. Ar okoeye gocʼ akan tahẽkan uni do eṅgattetʼren sadher hopone tahẽkana, ar uni maejiu hõ rạnḍigeye tahẽkana. Ar atoren ḍher hoṛge uni rạnḍi maejiu sãoteko tahẽkana.

Santali Common Language New Testament

¹² Ado ona ato reakʼ phaṭok-duạr ṭhene seṭeren khan mitʼṭen gocʼ hoṛ do bahreteko oḍok ạguyede tahẽkana. Ar okoeye gocʼ akan tahẽkan uni do eṅgattetʼren sadher hopone tahẽkana, ar uni maejiu hõ rạnḍigeye tahẽkana. Ar atoren ḍher hoṛge uni rạnḍi maejiu sãoteko tahẽkana.

Luk 7:12 Iomraidhean Croise

Genesis 22:12

Goḍete menkeda, “Hoponme teṅgene lạgitʼ ti do alom tul tama se unire cetʼge alom cekaea. Isor botorae hoṛkanem ona do ńitokʼ bujhạuena, ente iń ńutumte amren sadher hopon teṅgene lạgitʼ do bam pạclena.”

Genesis 22:2

Isore menkeda, “Amren gidrạ, amren uni sadher hopon, okoe do ạḍim dulạṛede uni ar am do Moriạ ṭoṭhate calakʼ ben. Ar onḍe okaṭakʼ buru reakʼ kathań lạiyam onḍe mitʼṭecʼ jeredokʼ samaṅokʼakʼ lekate uni samaṅem.”

2 Samuel 14:7

Ńitokʼ ińren jãwãeakʼ bõsren hoṛko do iń amren kạ̃ṛmĩ upạrteko teṅgo akana arko meneda, ‘Dini uni hoṛ oḍok ạgualeme okoe do acʼren boehae gocʼakade. Ale do uniren boehawakʼ jiwi reakʼle hala hạliya. Enḍekhan sompottiren ạidạriyicʼ mente do ar okoege bako tahena.’ Onko do ińakʼ sarecʼ akan aṅgra hõ ĩṛĩj tińko khojkana. Onka hoylen khan ińren jãwãeakʼ ńutum do dhạrti khon meṭaokʼtaea ar uniren bõsko hõ bako tahena.”

1 Rapajko 17:12

Uni maejiue roṛ ruạṛkeda, “Amren jiwetʼ Probhu Isor ńutumte kiriạkateń meneda, iń ṭhen do mitʼṭecʼ piṭhạ hõ bạnukʼa. Hanḍhare eken mitʼ muṭ holoṅ ar cukạkʼre thoṛa sunum menakʼa. Iń do oṛakʼte idi lạgitʼ thoṛagan sahaniń halaṅeda; onate iń ar ińren hoponiń lạgitʼ thoṛa jomakʼ iń benaoa. Ar ona tayom do jom kateliń gujukʼa.”

1 Rapajko 17:18

Maejiu do unre Eliại metadea, “E Isorren hoṛ, iń do cetʼ iń khuti akatʼtama? Am do cetʼ ińakʼ kại reakʼ katham disạ ocoyińte ińren hopon goje lạgitʼem hecʼakana?”

1 Rapajko 17:23

Unre Eliạ do gidrại hoborkedete latar kandhateye pheḍkedea. Ona tayom uniren eṅgattetʼ ṭhene jimạkedeteye metadea, “Nũkʼũe ńeleme, amren hopon do jiwetʼge menaea.”

1 Rapajko 17:9

“Ńitokʼ do Sidonren Sarephat ṭhen senkate tahenme. Onḍe iń do jomakʼ jogaṛam lạgitʼ mitʼṭen rạnḍi maejiu iń ṭhik doho akadea.”

2 Rapajko 4:16

Elisaeye menkeda, “Hijukʼkan bochor ṭhik niạ oktere amakʼ hoborre mitʼṭen koṛa gidrại tahena.” Maejiue menkeda, “Baṅa, E ińren mạlik, E Isorren hoṛ, amren kạ̃ṛmĩ do alom eṛeyińạ.”

2 Rapajko 4:20

Uni guti do gidrại hoborkedete uniren eṅgattetʼ ṭhene jimạkedea ar uni gidrạ do tikin hạbicʼ eṅgatakʼ hoborreye tahẽyena, ar ona tayom doe gocʼena.

Jobakʼ 29:13

Gujukʼ lạgidokʼkan hoṛ hõ ińko bhorạńkan tahẽkana; ar rạnḍi dukhikoakʼ mon doń rạskạ ocoyetʼtako tahẽkana.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Luk 7:11

Noa tayom Jisu do Nạinko metakʼ mitʼṭecʼ ato secʼe calao idiyena. Unre acʼren celako ar gadel hoṛko hõ uni soṅge soṅgeteko calakʼkan tahẽkana.

Luk 7:13

Probhu Jisu do uni rạnḍi maejiu ńelte mãyã hecʼadeteye metadea, “Alom raga.”

Luk 8:42

Ar Jisu acʼakʼ oṛakʼte hijukʼ lạgitʼe nehõradea, ente uniren gelbar bochor umerren sadher hoponera do gujukʼ dạkhile tahẽkana. Ado Jisu tinreye calakʼkan tahẽkana unre gadel hoṛko do beṛhaeteko riḍetʼ ciritʼede tahẽkana.

Luk 8:52

Ar sanamkoge kuṛi lạgitʼko rakʼ homoretʼkan ar koṛamko ceṭagokʼkan tahẽkana. Unre Jisui metatʼkoa, “Alope raga, kuṛi do bae gocʼ akana, ekene jạpitʼ akada.”

Johan 11:19

Jihudiko modren ḍher hoṛge Martha ar Mạriạmren boehae gocʼakan iạte jiwi raṛecʼ tạkin lạgitʼko hecʼakan tahẽkana.

Aposkạmi 9:39

Unre Patras do unkin soṅgeteye calaoena. Ar onḍeye seṭeren khan ona cetan koṭha kandhateko idikedea. Unre sanam rạnḍi maejiuko do Patras beṛhaete teṅgokate rarakʼko ehopʼena ar Dorkas jiwetʼe tahẽkanre okako aṅgrop ar eṭakʼ kicricʼkoe benao akatʼ tahẽkan onakoko udukʼadea.

Aposkạmi 9:41

Unre Patras do ti sapʼkate uniye beretʼkedea. Ar Isorren hoṛko ar rạnḍi maejiukoe hohowatʼkote onkoe udukʼatʼkoa je, Dorkas doe jiwetʼena.

Jakob 1:27

Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.