Luk 6:2 - সান্তালী বাইবেল

² Unre adom Phạrusikoko menkeda, “Dhorom reakʼ ạn lekate jirạukʼ mãhãre baṅ ganoakʼ do cedakʼpe onkayeda?

Santali Common Language New Testament

² Unre adom Phạrusikoko menkeda, “Dhorom reakʼ ạn lekate jirạukʼ mãhãre baṅ ganoakʼ do cedakʼpe onkayeda?

Luk 6:2 Iomraidhean Croise

Exodus 22:10

“Jãhãe hoṛ acʼren gadha se dạṅgra, bheḍa se jãhãn janwar jãhãe ṭhen dohoye lạgitʼe emae ar uniye gujukʼ se aghate ńam seye recʼ ocokʼ ar okoe hõ noa bako ńellede,

Exodus 31:15

Ape do hapta reakʼ turui dinpe khaṭaokʼa menkhan eaeakʼ din do jirạukʼ dinge, ona do Probhu Isor ńutumte mitʼṭecʼ begar akan din kana. Ar jãhãe ona dinreye kạmi enḍekhan uni doe gocʼ ocokʼa.

Exodus 35:2

Hapta reakʼ turui dinpe khaṭaokʼa menkhan eaeakʼ din do ape lạgitʼ mitʼṭecʼ begarakʼ din hoyokʼa, Probhu Isor ńutumte jirạukʼ dinge. Enhilokʼ okoeye kạmi uni doe gocʼ ocokʼa.

Jesaea 58:13

“Jirạukʼ mãhãpe manao ar ińakʼ sonot dinre apnar tirpitokʼ lạgitʼ bape kạmi; menkhan jirạukʼ mãhã do hạ̃sakʼ ar Probhu Isorakʼ din do manotanakʼ mentepe bujhạu, ar apnar kusileka sen baṅkate ona dinpe sonot ar apeakʼ kusileka bape kạmi se bạṛicʼ kathako bape roṛ,

Mathae 12:2

Ona ńelte Phạrusiko do Jisuko metadea, “Ńelme, dhorom reakʼ niạm lekate jirạukʼ mãhãre okaṭakʼ lek baṅkan amren celako do onageko kạmikana.”

Mathae 15:2

“Amren celako do cedakʼ hapṛamko khon hecʼ ạguwakʼ ạn bako manaoeda? Onko do jom lahare ti bako ạbukokʼ kana.”

Mark 2:24

Ona ńelte Phạrusiko do Jisuko metadea, “Dhorom reakʼ niạm lekate jirạukʼ mãhãre oka baṅ ganokʼ ona do cedakʼko kạmikana?”

Luk 5:33

Ado onko sostor baḍaeko do Jisuko metadea, “Johanren celako do jaogeko upạseda arko koejoṅkana, ar Phạrusikoren celako hõko onkayeda, menkhan amren cela doko jom ńũiyeda.”

Johan 5:16

Jirạukʼ mãhãre Jisu do noakoe kạmiketʼte Jihudi mukhiyạko do goje lạgitʼko kurumuṭukeda.