Luk 5:8 - সান্তালী বাইবেল

⁸ Noa ńelte Simon Patras do Jisu samaṅre ombakʼenteye menkeda, “E Probhu, iń doń kại hoṛ kana; iń ṭhen khon calao joṅme baṛe.”

Santali Common Language New Testament

⁸ Noa ńelte Simon Patras do Jisu samaṅre ombakʼenteye menkeda, “E Probhu, iń doń kại hoṛ kana; iń ṭhen khon calao joṅme baṛe.”

Luk 5:8 Iomraidhean Croise

2 Samuel 6:9

Enhilokʼ Dạud do Probhu Isor ạḍiye botoradea. Uniye menkeda, “Probhu Isorakʼ sinduk do enḍekhan cekate iń ṭhen ạgukʼa?”

1 Rapajko 17:18

Maejiu do unre Eliại metadea, “E Isorren hoṛ, iń do cetʼ iń khuti akatʼtama? Am do cetʼ ińakʼ kại reakʼ katham disạ ocoyińte ińren hopon goje lạgitʼem hecʼakana?”

Jobakʼ 40:4

“Iń doń be lekgea, iń do cekateń roṛ ruạṛama? Iń do mocayiń tobetʼ hape akatʼtińạ.

Exodus 20:19

Onko do Moseko metadea, “Ale tulucʼ katha roṛme, ale dole ańjoma; menkhan Isor ale tulucʼe roṛle khan ale dole gujukʼa.”

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Mathae 17:6

Noa katha ańjomkate celako do ạḍiko botorena ar otreko taber hapeyena.

Mathae 8:8

Subedar do Jisui roṛ ruạṛadea, “E Probhu, ińakʼ oṛakʼtem bolokʼ nonkan lek geń baṅkana. Eken katha moto roṛgotʼkam, ar inạtege ińren guti doe bogekʼa.

Luk 5:7

Unre goṛo ńam lạgitʼ onko do eṭakʼ lạukạren sãoten hoṛko gạwicʼatʼkoa. Ado onkoko hecʼen khan banar lạukạre nunạkʼ hakoko rakapʼketʼkoa; hakote onakin lạukạ do unumokʼ lekayena.

Luk 5:9

Ar unạkʼ hako jhạliyenko ńelketʼko khan Simon Patras ar uni sãoten sanamko doko hahaṛayena.

Johan 11:32

Ado Jisu okareye tahẽkan onḍe Mạriạme hecʼena ar uniye ńelkede khan jaṅgare giḍiyenteye menkeda, “E Probhu, nonḍe baṛem tahẽlen khan bareń do ohoe gocʼlena.”

1 Korinthiko 13:12

Abo do ńitokʼ ạrsire pusṭạute babo ńeleda, menkhan unre samna sạmni bon ńel ńama. Iń do ńitokʼ okań baḍaekan ona do purạute bạń baḍaea, menkhan Isor do cetʼleka purạteye baḍaeyediń kan, unre onkage purạteń baḍaea.

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,

Bikʼcạrko 13:22

Unre Manoho ar uniren bạhuttetʼkin menkeda, “Alaṅ do Isorlaṅ ńelkedea, ar khạṭige laṅ gujukʼa.”

1 Samuel 6:20

Onkoko menkeda, “Nui sonot Probhu Isor samaṅre do okoeye ṭikạu tahẽdaṛeakʼa? Ńit khon uni ṭhen do okoeye kol ocokʼa?”