Luk 4:41 - সান্তালী বাইবেল

⁴¹ Unre ạḍi utạr hoṛko khon bạṛicʼ jiuko oḍok calaoena. Onko bạṛicʼ jiu do kikiạuate memenko ehopʼena, “Am dom Isorren Hopon kana.” Onko do Mạsi kanae menteko baḍae akade tahẽkana. Ona iạte uni do onkoakʼ mocae bondketʼtakoa.

Santali Common Language New Testament

⁴¹ Unre ạḍi utạr hoṛko khon bạṛicʼ jiuko hõko oḍok calaoena. Onko bạṛicʼ jiuko do kikiạuate memenko ehopʼena, “Am dom Isorren Hopon kana.” Onko do Mạsi kanae menteko baḍae akade tahẽkana. Ona iạte uni do onkoakʼ mocae bondketʼtakoa.

Luk 4:41 Iomraidhean Croise

Mathae 26:63

Menkhan Jisu do hapegeye tahẽyena. Maraṅ naeke do arhõe metadea, “Jiwetʼ Isorreń kiriạ ocoyetʼme kana, lạiyaleme, am do Mạsi, Isorren Hopon kanam se baṅ?”

Mathae 4:3

Unre Soetan do hecʼkate uniye metadea, “Isorren Hopon kan khanem enḍekhan noako dhiri baṛe piṭhạ hoeocoyme.”

Mathae 8:16

Ạyupʼen khan ạḍi utạr bhut capaṛ hoṛ do uni ṭhenko ạguketʼkoa. Ar moca kathatege uni do bhutkoe oḍok giḍiketʼkoa ar okoeko ruạkʼkan tahẽkan onko hõe bogeketʼkoa.

Mathae 8:29

Unkin do nonkan haḍrapkin tahẽkana, ona horte okoe hõ bako parom daṛeakʼkan tahẽkana. Ado kikiạuatekin menkeda, “E Isorren Hopon, ale tulucʼ amakʼ do cetʼ? Okte ạuri hoyokʼrege sasetle lạgitʼem hecʼakana?”

Mathae 8:4

Ar Jisu do uniye metadea, “Men, okoe hõ alom lại baṛawakoa; bickom senkate naeke ṭhen ńel ocokʼme, ar Moseye hukum akatʼ leka dan samaṅme. Onate hoṛko ṭhenem sạbudokʼa am dom boge akana.”

Mark 1:25

Unre Jisu do bạṛicʼ jiu dhomkao kedeteye metadea, “Thirokʼme ar uni khon oḍok calakʼme.”

Mark 1:32

Ado enhilokʼ candoe hạsuren khan ạyupʼ jokhecʼ hoṛko do joto lekan rugi ar bhut capaṛ hoṛko Jisu ṭhenko ạguketʼkoa.

Mark 1:34

Ar Jisu do ạḍi lekan rogkote jạbun akan hoṛkoe bogeketʼkoa ar bhut capaṛ akatʼko hõe oḍok giḍiketʼkoa. Uni do bhutko bae roṛ ocoatʼkoa, ente onko doko baḍae akade tahẽkana acʼ doe okoe kana mente.

Mark 3:11

Ar bạṛicʼ jiuko do uniko ńelle khange uni samaṅreko bhindạṛokʼkan tahẽkana ar kikiạuateko metaekan tahẽkana, “Am dom Isorren Hopon kana.”

Luk 4:39

Unre Jisu do Simon hanhartetʼ pheḍre teṅgokate ruạye dhomkaokeda. Ar inạtege ruạ do chuṭạuentaea, ar beretʼkate uni do jomakʼ sapʼsorakoe ehopʼena.

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Jakob 2:19

Am do mitʼ Isorrem pạtiạu akana? Bhagegea! Menkhan bạṛicʼ jiuko hõ coṅ ona mako pạtiạukʼkan ar botorteko dhak dhakaokʼkan.