Luk 4:18 - সান্তালী বাইবেল

¹⁸ “Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Santali Common Language New Testament

¹⁸ “Probhuren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Ar bondi akanko ṭhen chaḍaoko reakʼ katha, kãṛã hoṛko ṭhen ńeńel reakʼ katha baḍae ocoko lạgitʼ uni doe kolakadińạ. Ar khed ocokʼkanko hõ, chaḍaoko lạgitʼe kolkedeńa.

Luk 4:18 Iomraidhean Croise

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

2 Bõsbudạ 34:27

‘niạ jaega ar onaren hoṛko upạrte okań menakatʼ ona ańjomkate amakʼ mon do kastao akantama ar iń samaṅrem nindhạn akana ar amakʼ kicricʼ oṛecʼkateyem rakʼ homor akada. Ar noakom nonka akatʼte iń Probhu Isor do amakʼ koejoṅiń ańjom akada.

Sereńko 147:3

Rạputʼ monanko doe bogeyetʼkoa; ar onkoakʼ sanam ghaokoe tolkatako kana.

Sereńko 2:2

Dhạrtiren rapajko do Probhu Isor ar uniren ojokʼicʼ upạrteko teṅgonkana, Ar mukhiyạko do mitʼteko milimisi joṅkana.

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

Sereńko 34:18

Okoeyakʼ mon rạputʼ akantako Probhu Isor do onko ṭhengeye tahena; okoeyakʼ ontor talga tạwạkʼ akan onko doe bańcaokoa.

Sereńko 45:7

Am do dhoromem dulạṛeda ar bedhorom dom kurudakʼ kana; Onate Isor, amren Isor do, amren soṅgetenko khon hõ bạ̃ṛti hulạs do sunum leka am cetanreye dul akada.

Sereńko 51:17

Kaca kucạ ontorge Isorakʼ ataṅokʼakʼ dãṛẽ do; E Isor, nicạṛ ar mạ̃hir ontor do alom nihạ̃ttińạ.

Jesaea 32:3

Unre okoeko ńeńel onkoakʼ mẽtʼ do baṅ jạpidokʼtakoa, ar okoeko ańjom onko do ańjomtegeko tahena.

Jesaea 35:5

Unre kãṛãkoakʼ mẽtʼ do saṛokʼtakoa, ar kala hoṛkoakʼ lutur do jhijokʼtakoa.

Jesaea 42:7

Am do kãṛãkoakʼ mẽtʼem jhicʼ ocoytakoa, ar jelkhanare bondi akanko hõm chaḍaokoa ar okoe ńut reakʼ khạndṛuṅreko doho ocoakan onko dom oḍok ạgukoa.

Jesaea 45:13

Ińakʼ dhoromte Kerosiń uskureya; iń do uniyakʼ sanam horkoń sojheytaea. Uni do ińakʼ nagraha arhõe teṅgo ruạṛa, ińren hoṛko okoe bondi dosare menakʼko onkoe aṛakʼkoa menkhan jãhãn dam se kuṛại lạgitʼ do bae onkaea.’ Phạdkoren Probhu Isor do noa kathageye meneda.”

Jesaea 49:9

Am do bondi akankom metakoa, ‘Dela oḍok hijukʼpe.’ Onko do hoṛ aṛe aṛeteko ạtińa ar poṭor buruko do onkoakʼ ạtiń ṭạnḍiko hoyokʼa.

Jesaea 50:4

Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Jesaea 59:21

Onko lạgitʼ ińakʼ bondobos do noage: ińren Jiu okoe do apere menae ar ińakʼ okako katha apeakʼ mocareń emakatʼ ona do ape, aperen hoponko ar onkoren hoponkoakʼ moca khon baṅ adokʼa; ona do ńit khon jaejug hạbicʼ tahẽ akae tahena. Iń Probhu Isorge noa katha doń meneda.”

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Sephaniạ 3:12

Okoe Probhu Isor cetanreko bhorsakʼkan onkan mạ̃hir ar iń botorạńkan hoṛ do amreń sarecʼ dohokoa.

Sakariạ 11:11

Ar enhilokʼge ona do bạtilena, onatege palren dukhiko okoe do ińko tuṅkhi arko talas baṛayediń tahẽkan onkoko baḍaekeda, noako talatege Probhu Isor do kathae roṛetʼkana.

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼ kana ar kala hoṛko ańjomeda; gocʼkoko jiwetʼ beredokʼ kana ar reṅgecʼ orecʼko ṭhen do bhage sombat reakʼ katha lạiyạgokʼ kana.

Mathae 12:18

Ńelpe, ińren guti one uniń bachao akade, unige ińren dulạṛiạ, one unireń kusi akan. Ińren Jiu do unireń dohoyea, uni do boṅgan hoṛ jạtrenko ṭhen hok reakʼ bicạre lại jạhira.

Mathae 12:20

Hok reakʼ bicạrko ạuriye jitạu ocoy hạbicʼ, uni do talga tạuạkʼ akan chuci hõ bae rạpuda, ar ńũṛũ ńũṛũkʼkan diuhe hõ bae ĩṛĩja.

Mathae 4:16

ar okoeko hoṛ ńutreko tahenkan, onko do maraṅ marsalko ńela. Ar okoe kaṛaṅ ńut reakʼ umulreko duṛupʼ akan, onko do marsal bamberakoa.

Mathae 5:3

“Monre reṅgejokʼkogeko bhạgana, ente serma raj do onkoakʼ kangea.

Luk 4:17

Ado Jesaea nạbiyakʼ puthiko caladea. Ar guṛhạ akan puthiye oṭakʼketʼ khan ona jaegae ńamkeda one ol akan,

Luk 6:20

Jisu do celako secʼ beṅgetʼkate memene ehopʼena, “Bhạgangeape ape reṅgecʼ orecʼko do, ente Isorakʼ raj do apeakʼkangea.

Luk 7:22

Ona tayom Johanren cela roṛ ruạṛatʼkinteye metatʼkinạ, “Okako ben ńelketʼ arben ańjomketʼ ona calaokate Johan lạiyae ben. Ar baḍae ocoyeben je, kãṛã hoṛko ńeńel kana, leḍhakoko taṛameda, murhucʼ jom hoṛko bogekʼkana, kala hoṛko ańjomeda, gocʼkoko jiwetʼ beredokʼ kana ar reṅgecʼ orecʼko ṭhen do bhage sombat porcarokʼ kana.

Johan 1:41

Andreas do pạhilre acʼren boeha Simone sendra ńamkedeteye metadea, “Ạliń do Mạsi liń (torjomate do Krisṭ) ńam akadea.”

Johan 12:46

Iń do noa dhạrtire marsal lekań hecʼakana, jemon ińre okoeye pạtiạukʼ uni do ńutre aloe tahen.

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Aposkạmi 4:26

Probhu Isor ar uniren Mạsi upạrte dhạrtiren rapajko do mitʼ domteko teṅgoyena, ar cakʼlaoko do mitʼ ṭhenko jarwayena.’

Aposkạmi 4:27

“Amren sonot guti Jisu, okoe do Mạsi mentem bahal akade, uni upạrte Herod raj ar Pontus Pilạt do noa nagraharege boṅgan hoṛ jạtrenko ar Israelko sãote uni upạrte tikin milạuleda.

Kolossiko lạgitʼ Pạul Apostolakʼ ciṭhi 1:13

Ente uni do ńut reakʼ rajosṭi khone bańcaoketʼbonte acʼren dulạṛiạ Hoponakʼ rajosṭiteye ucạṛ ạguketʼbona.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.