Luk 3:13 - সান্তালী বাইবেল

¹³ Uni doe metatʼkoa, “Ạnre oka menakʼ ona khon bạ̃ṛti alope hataoa.”

Santali Common Language New Testament

¹³ Uni doe metatʼkoa, “Ạnre oka menakʼ ona khon bạ̃ṛti alope uṭhạua.”

Luk 3:13 Iomraidhean Croise

Sereńko 18:23

Uni samaṅre bin dusạngeń tahẽkana; iń do kại khon hõ pharakreń tahẽlena.

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Mikạ 6:8

E manwa, okaṭakʼ bhageakʼkan ona ma coṅ udukʼ akawatʼme. Hok reakʼem kạmi, dayam dulạṛ ar amren Isor tulucʼ nindhạntem taṛam chaḍa Probhu Isor do ar cetʼhõ coṅ am ṭhen khon ma bae khojkan.

Mathae 7:12

Hoṛko ṭhen khon cetʼleka beoharpe khojkan onkage ape hõ onko tulucʼ beoharpe. Ente noa kangea Moseyakʼ ạn-ạri ar nạbikoakʼ cecetʼakʼ reakʼ katha do.

Luk 19:8

Ar Sakhae do onḍege teṅgokate Probhui metadea, “E Probhu, ińakʼ dhon-durib reakʼ adha do reṅgecʼ orecʼkoń emakokana ar jãhãegeń ṭhoka akatʼko khan enḍekhan ona reakʼ pon dobṛań ruạṛkatakokana.”

Luk 3:12

Ado mạsul uṭhạuko bạptisokʼ lạgitʼko hecʼen khan Johanko metadea, “E guru, ale do cetʼle cekaea?”

Luk 3:14

Ar palṭonko hõko kulikedea, “Ale do cetʼle cekaea?” Uni doe metatʼkoa, “Jor julumkate se behok lekate dusikate okoe ṭhen khon hõ cetʼge alope hataoa ar apeakʼ kuṛạirege kusi akae tahenpe.”

1 Korinthiko 6:10

baṅ do kombṛoko, baṅ do dhon lalociạko, baṅ do bulokʼko, baṅ do cokakʼ baklakʼ roroṛko, baṅ do luluṭko, onko do okoege Isorakʼ raj do bako ạidạri joṅa.

Ephesiko lạgitʼ Pạul Apostolakʼ ciṭhi 4:28

Kombṛoyicʼ do ar aloe kombṛoe ma, bickom acʼakʼ nij tite bhageakʼ kạmikoreye khaṭaokʼma jemon okulạnan hoṛko em hạṭińako lạgitʼ tahentae.

Ibriko 12:1

Enḍekhan ńelokʼ kana, Isorre biswạs reakʼ goha lekate aema hoṛ do abo beṛhaeteko ṭhạurạ akana. Onate dela bon, mitʼke mitʼ tạkicʼakʼ ar oka kại abore laṭkao akan ona do sạṅgiń secʼ bon ṭhelao giḍikakʼte sombhuri salakʼ laha secʼ bon ńir calakʼma.