16 Ar unkinakʼ mẽtʼ do akoṭ akan tahẽkante Jisu bạkin orom daṛeadea.
Joseph do acʼren boehakoe ńel oromketʼkoa menkhan onko do bako orom daṛeadea.
Ona tayom uniren barea cela do ato secʼkin taṛam idiyetʼkan tahẽkanre Jisu do eṭakʼ rupte unkin ṭhene ńel ocoyena.
Ona jokhecʼ Jisu do unkin ṭhene hecʼ sorente unkin tulucʼe sen idiyena.
Unre Jisui metatʼkinạ, “Cetʼ ben galmarao idiyetʼkana?” Unkin cela do mulingekin teṅgo tahẽyena.
Unre unkinakʼ mẽtʼ do jhicʼena ar Jisukin oromkedea, menkhan ona são sãote uni doe changotʼena.
Noa menkate tayom secʼe beṅgetʼ ạcurketʼ khan Jisu teṅgo akane ńelkedea, menkhan Jisu kanae mente do bae bujhạu daṛeadea.
Ado aṅga hijukʼkan tahẽkanre Jisu do doreão aṛere hecʼenteye teṅgoyena. Menkhan celako do Jisu kanae mente bako oromledea.