Luk 23:2 - সান্তালী বাইবেল

² Onko do noa menkate Jisu upạrte lạlisaeko ehopʼena, “Alele ńelakadea, nui hoṛ do aleren hoṛko raj upạrteye bhiṅgṛạuetʼkoa. Uni do maharaj khajna emae lạgitʼe baronetʼkoa ar acʼge Mạsi ar mitʼṭen raje ńumogokʼ kana.”

Santali Common Language New Testament

² Onko do noa menkate Jisu birudre lạlisaeko ehopʼena, “Alele ńel akadea, nui hoṛ do aleren hoṛko raj birudreye bhiṅgṛạuetʼkoa. Uni do maharaj khajna emaye baronetʼkoa ar acʼge Mạsi ar mitʼṭen raje ńumogokʼ kana.”

Luk 23:2 Iomraidhean Croise

1 Rapajko 18:17

Eliại ńelkede khan Ahabe menkeda, “Am kangeam, E Israelren jạnum?”

Sereńko 35:11

Santaoko do eṛe goha emokʼ lạgitʼko hijukʼkana, ar oka bạń baḍae ona reaṅko jerayedeń kana.

Sereńko 62:4

Uniyakʼ cetan hudạ khon latarte pheḍege onkoakʼ motlob do; ar eṛe kathage onkoakʼ rạskạteakʼ do. Mocatege onko do bhorko emokʼa ar ontorte doko sarapakoa. (Sela)

Jirimiạ 20:10

Iń beṛhaete do ạḍitetʼge botorgea, ente niạko katha do ḍher hoṛge khae khoyetʼ kaniń ańjometʼkoa, “Uni ńutumte mamblae me; dela, uni ńutumte bon mamblae ma.” Ińren sanam gateko do ińiń leńjetʼ bhindạṛokʼ reakʼ ńel horrege menakʼkoa, “Hoedaṛeakʼa uni bon ṭhoka daṛeaea, ar uni cetanre bon jitạukʼa arbon hala hạli daṛeakʼa.”

Jirimiạ 38:4

Unre rajkạmiyạko do akoren rajko metadea, “Nui hoṛ do gocʼ ocokʼ lek kanae. Ente niạ nagrahare okoe lạṛhại phạdko ar hoṛko sarecʼ menakʼko uni do noako katha menteye as chuṭạu ocoyetʼkoa. Uni do noko hoṛkoakʼ bhạlại do bae khojkana.”

Amos 7:10

Tayomte Bethelren naeke Amasiạ do Israelren raj Jerobiam ṭhen noa khobore kolkeda, “Amos do Israelko talare am upạrte mitʼṭecʼe soṛojontroyetʼkana. Disạmren hoṛko do uniyakʼ katha bako sahao daṛeakʼkana.

Sakariạ 11:8

Mitʼ cando bhitrite iń do pea gukʼpikoń laga ńirketʼkoa. Ar palrenko do iń kurudạńko ehopʼena ar ińhõ onko iạteń laṅga cabayena.

Mathae 17:27

Menkhan alaṅ iạte jemon khajna uṭhạuko aloko tạkijokʼ onate doreãote calakʼme ar bạ̃ṛsi caḍoyme, ar pạhilre okoeṭakʼ hakom rakabe unim or cahapʼle khan mitʼṭecʼ rupạ reakʼ ṭakam ńama. Ar ona hataokate iń ar am ńutumte khajna em oṭokakʼme.”

Mathae 22:21

Adoko menkeda, “Romren maharajakʼ.” Jisui metatʼkoa, “Enḍekhan okaṭakʼ maharajakʼ kan ona do maharajge emaepe, ar okaṭakʼ Isorakʼ kan ona do Isorge emaepe.”

Mathae 27:11

Jisu do disạm cakʼlaoyicʼ Pilạt samaṅreko teṅgokedea. Unre Pilạt do Jisui kulikedea, “Am do cetʼ Jihudikoren raj kanam?” Jisui roṛ ruạṛkeda, “Am do ṭhikgem meneda.”

Mark 12:17

Jisui metatʼkoa, “Okaṭakʼ maharajakʼ kan ona do maharajge emaepe, ar okaṭakʼ Isorakʼkan ona do Isorge emaepe.” Jisuakʼ noa katha ańjomkateko hahaṛayena.

Mark 15:2

Pilạt do Jisui kulikedea, “Am do cetʼ Jihudikoren raj kanam?” Jisui roṛ ruạṛkeda, “Am do ṭhikgem men akada.”

Luk 23:14

“Ape do noa dusiyete iń ṭhenpe ạguakadea baṅma uni do raj upạrte hoṛkoe idiyetʼkoa. Menkhan iń do ape samaṅreń kuliakadea. Ar uni upạrte okako gohape emetʼkan ona reakʼ mitʼṭecʼte hõ dusireye paṛaokʼa mente jãhãn porman do bạń ńametʼtaea.

Luk 23:5

Menkhan onko do artetʼ ãṭ aṛaṅte memenko ehopʼena, “Jihudi Prodes reakʼ sanam jaegareye cetʼ akokante hoṛkoe ạulạuetʼkoa. Uni do Gạlil khon ehopʼkate ńitokʼ do nonḍeye hecʼakana.”

Johan 18:29

Unre Pilạt do onko ṭhen bahrete oḍok hecʼenteye metatʼkoa, “Nui hoṛ do cetʼe dos akatʼtepe dusiyede kana?”

Johan 18:30

Jihudi mukhiyạkoko menkeda, “Bạṛicʼakʼ bae kạmile khan am ṭhen do ohole ạgukea.”

Johan 19:12

Noa ańjomkate Pilạt do Jisu aṛage lạgitʼe kurumuṭukeda, menkhan Jihudi mukhiyạko do hohowateko menkeda, “Nuiyem aṛakʼ lekhan enḍekhan maharaj Kạisạrren gate dom baṅkana. Jãhãege acʼte raj menteye benaokʼ khan uni do Kạisạrren bạiri kanae.”

Aposkạmi 24:13

Ar okaṭakʼ reakʼko dusi edeńkan ona reakʼ porman hõ onko do bako udukʼ daṛeama.

Aposkạmi 24:5

“Alele ńelakadea nui hoṛ do mitʼṭen jhamelayicʼ kanae; uni do jao okte gulmale ehopʼeda. Uni do goṭa dhạrtiren Jihudiko talare gulmale ehopʼakada. Uni do Nasario dolren mitʼṭen ạyuricʼ kanae.

Romiko lạgitʼ Pạul Apostolakʼ ciṭhi 13:7

Okoeyakʼ oka bakhrakan uni do ona emkataepe. Khajna hataoicʼ do khajna; mạsul uṭhạuicʼ do mạsul; botorae lekicʼ do botor; ar manot emae lekicʼ do manot emaepe.