Luk 21:1 - সান্তালী বাইবেল

¹ Niạ tayom Jisu do kisạ̃ṛ hoṛko mundil reakʼ dan sundukre onkoakʼ dan dohokane ńelketʼkoa.

Santali Common Language New Testament

¹ Niạ tayom Jisu do kisạ̃ṛ hoṛko mundil reakʼ dan sundukre akoakʼ dan dohokane ńelketʼkoa.

Luk 21:1 Iomraidhean Croise

1 Rapajko 14:26

Uni do Probhu Isorakʼ oṛakʼ ar raj oṛakʼ reakʼ sanam dhon-duribkoe luṭ idikeda. Uni do sanamakʼgeye idikeda, uni do Solomone benao ocoletʼ sona reakʼ ḍhalko hõe luṭ idikeda.

2 Rapajko 12:9

Unre Jehoyada naeke do mitʼṭecʼ baksa hataokate ona reakʼ ḍhakna cetanre mitʼṭecʼe bhugạkʼkeda. Ona do pinḍ aṛere Probhu Isorakʼ oṛakʼ bolokʼ duạr reakʼ jojomsa aṛereye dohokada. Okoe naekeko koejoṅ oṛakʼ bolokʼ duạrko horhoyetʼ tahẽkan onko do Probhu Isorakʼ oṛakʼre ạguakʼ sanam ṭaka ona baksareko dohoyetʼ tahẽkana.

2 Rapajko 24:13

Probhu Isor okalekae menletʼ onkage Nebukadenesar do Probhu Isorakʼ oṛakʼ ar raj oṛakʼ khon joto dhon duribkoe oḍok idikeda ar Israelren raj Solomon do Probhu Isorakʼ oṛakʼre lạgitʼ sonate okako jinise benao ocoletʼ onako jotowakʼ uni doe samakʼ khanḍa khunḍikeda.

2 Bõsbudạ 36:18

Babelren raj do Isorakʼ oṛakʼ reakʼ lạṭu kạṭicʼ sanamakʼ jinis ar dhon-durib, raj ar uniren kạmiyạkoakʼ dhonko Babelteye idikeda.

Nehemiạ 13:13

Naeke Salemis, dhorom cecetʼicʼ Sadok ar Pedaya ńutuman mitʼṭen liwi noko do khajańci oṛakʼ reakʼ bhariń ematʼkoa ar Sakurren hopon, metakʼme Mataniaren goṛomtetʼ koṛa Hanan do onkoren gokʼṛoyicʼ menkateń bahalkedea. Noko do sanam hoṛgeko pạtiạu akokan tahẽkana. Onko cetanre onkoren gusṭi boehakoakʼ hĩs hạṭińako reakʼ dạyik hõń ematʼkoa.

Mathae 27:6

Ar maraṅ naekeko do ona ṭaka halaṅkateko menkeda, “Mundil reakʼ sundukre noa doho do baṅ ṭhikokʼa, ente noa do mãyãm reakʼ dam kana”

Luk 20:47

Hoṛko ṭhen ńel ocokʼ lạgitʼ onko do jeleń jeleńko koejoṅa, ar eṭakʼ secʼ do rạnḍi maejiukoakʼ dhonko luṭetʼtakoa. Noko hoṛ do ạḍi bạ̃ṛti sạjạiyokʼ hukumko ńama.”

Johan 8:20

Jisu do mundilreye cetʼakokan tahẽkan jokhecʼ dan samaṅokʼ jaegare noa doe metatʼkoa. Menkhan un hạbicʼ uniyakʼ okte do baṅ hoyakantae tahẽkante okoe hõ bako sapʼledea.

Josuạ 6:19

Sanam sona, rupạ ar pitạl ar mẽṛhẽtʼ reakʼ jinisko Probhu Isor ńutumte begar akana; ar ona iạte onako do uniyakʼ khajańci kandhare calakʼa.”

Josuạ 6:24

Ona tayom onko do goṭa nagraha ar ona bhitri reakʼ jotowakʼko jeretʼ giḍikada, menkhan sona, rupạ, tama ar mẽṛhẽtʼ reakʼ jinisko do Probhu Isorakʼ khajańci oṛakʼreko jarwakeda.