Luk 2:47 - সান্তালী বাইবেল

⁴⁷ Ar okoeko Jisuakʼ kathako ańjometʼkan tahẽkan, onko sanamko do uniyakʼ akel ńelte ar uniyakʼ roṛ ruạṛ ańjomteko ṭhak utạrokʼkan tahẽkana.

Santali Common Language New Testament

⁴⁷ Ar okoeko Jisuakʼ kathako ańjometʼkan tahẽkan, onko sanamko uniakʼ akel ńelte ar uniakʼ roṛ ruạṛ ańjomteko ṭhak utạrokʼkan tahẽkana.

Luk 2:47 Iomraidhean Croise

Mathae 7:28

Jisu noako kathae mucạtʼketʼ khan gadel hoṛ do uniyakʼ cecetʼakʼteko hahaṛa cabayena,

Luk 4:32

Ar hoṛko do uniyakʼ cecetʼakʼteko hahaṛa cabayena, ente uni do ektiạri menakʼtae hoṛ lekae cetʼakokan tahẽkana.

Sereńko 119:99

Ińren sanam cecetʼko khon iń doń akelanicʼ kana, ente amakʼ sanam kathako iń doń ganḍonjoṅ kana.

Johan 7:15

“Nui hoṛ do jãhãn sikhnạt bae ńamakatʼre hõ cekate noako reaṅ doe baḍaekana?”

Mark 1:22

Ar uniyakʼ cecetʼakʼte hoṛko do ạḍiko hahaṛayena, ente sostor baḍaeko leka do baṅ, bickom ektiạri menakʼtae hoṛ lekae cetʼako kan tahẽkana.

Johan 7:46

Adoko menkeda, “Uni hoṛ cetʼ lekae roṛetʼkan onka do okoe hõ tisge bako roṛakada.”

Luk 4:22

Ar sanam hoṛ do uniko sabasiyadea ar uniyakʼ moca khon oḍokokʼkan mońj mońj katha ańjomte ạḍiko hahaṛayena. Onkoko menkeda, “Nui do cetʼ Josephren hopon doe baṅkana?”

Mathae 13:54

Ar inạ tayom do acʼakʼ atote senkate sunạgogre cetʼakoe ehopʼena. Ar uniyakʼ katha ańjomkate hoṛko do hahaṛayenteko menkeda, “Noa akel ar hahaṛa kạmiko reakʼ daṛe do oka khone ńamakada?

Mathae 22:33

Noa katha ańjomkate hoṛko do uniyakʼ cecetʼakʼteko hahaṛayena.

Mark 6:2

ar uniren celako hõ acʼ soṅgeteko sen torayena. Ado Jirạukʼ mãhã seṭeren khan uni do sunạgogre bolokate cetʼakoe ehopʼena. Ar ḍher hoṛ uniyakʼ katha ańjomkate hahaṛayente memenko ehopʼena, “Nui do oka khon noakoe ńam akada? Ar noa akele em ocoakan, noa baṅ cetʼkan? Ar uni do hahaṛa kạmiko hõe kạmikana.

Mark 11:18

Maraṅ naekeko ar sostor baḍaeko do noa katha ańjomkate Jisu goje lạgitʼ ạt ńam baṛaeko ehopʼena. Onko do Jisuko botoraekan tahẽkana, ente hoṛko do Jisuakʼ cecetʼakʼteko bhaṛo caba akan tahẽkana.

Luk 2:46

Ado pe din tayom unkin do mundilrekin ńamkedea. Uni do guruko talare duṛupʼkate onkoakʼ kathae ańjomkan ar onkoe kuliyetʼko tahẽkana.

Luk 2:18

Gupikoakʼ katha ańjomkate sanam hoṛge ạḍiko hahaṛayena;