Luk 2:25 - সান্তালী বাইবেল

²⁵ Unre Jerusalemre Simon ńutuman mitʼṭen dhorom ar Isor bhukti hoṛe tahẽkana. Uni do Israelkoakʼ jiwi raṛecʼe ńel hohorkan tahẽkana.

Santali Common Language New Testament

²⁵ Unre Jerusalemre Simon ńutuman mitʼṭen dhorom ar Isor bhokti hoṛe tahẽkana. Uni do Israelkoakʼ jiwi raṛecʼe ńel hohorkan tahẽkana.

Luk 2:25 Iomraidhean Croise

Genesis 6:9

Nohawakʼ jion reakʼ katha. Noha do mitʼṭen dhorom hoṛe tahẽkana. Ar acʼ okteren hoṛko modre uni eskarge dhorom hoṛ doe tahẽkana. Uni do Isor sãote jaoge helmel tahẽkantaea.

Jobakʼ 1:1

Kus disạmre Job ńutuman mitʼṭen hoṛe tahẽkana. Uni do bindusạn ar dhorom hoṛgeye tahẽkana. Uni do Isore botorae kan tahẽkana ar bạṛicʼakʼ khon sạṅgińreye tahenkan tahẽkana.

Jobakʼ 1:8

Unre Probhu Isor do Soetane metadea, “Ińren guti Job do cetʼem kheyal akadegea? Dhạrtire uni lekan do ar celege bạnukʼkoa. Uni do bindusạn are dhoromgea. Uni do ińe botorạń kana ar sanam lekan bạṛicʼakʼ khon sạṅgińreye tahenkana.”

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Jesaea 40:1

Aperen Isorre meneda, “Ińren hoṛko jiwi raṛecʼ emakope, Jiwi raṛecʼ emakope.

Mikạ 6:8

E manwa, okaṭakʼ bhageakʼkan ona ma coṅ udukʼ akawatʼme. Hok reakʼem kạmi, dayam dulạṛ ar amren Isor tulucʼ nindhạntem taṛam chaḍa Probhu Isor do ar cetʼhõ coṅ am ṭhen khon ma bae khojkan.

Numeri 11:25

Unre Probhu Isor do ona rimilreye pheḍ hecʼente Mose sãoteye galmaraokeda. Ar Mose cetanre okoe Jiue tahekan uni do onko eaegel murubbiko cetanre hõe emena. Ar tinre uni Jiu onkoreye hecʼena unre onko do thoṛa ghạṛicʼ lạgitʼ nạbi lekate kathako roṛkeda.

Numeri 11:29

Moseye roṛ ruạṛkeda, “Ińakʼ manotge am ṭhen do maraṅena? Ińiń khojogokʼakʼ do noage Probhu Isorren sanam hoṛge jemon nạbiko hoyokʼ ar Probhu Isor do acʼren Jiu onko cetanreye emokʼ.”

Mark 15:43

Ado ạyupʼ hijukʼkan tahẽkan jokhecʼ Arimạthiạren Joseph do Pilạt ṭhen senkate Jisuakʼ mạ̃ṛĩye koekeda. Uni do maraṅ bạisiren mitʼṭen manotan hoṛe tahẽkana ar acʼhõ Isorakʼ raj reakʼe ńel hohorkan tahẽkana.

Luk 1:41

Elisabet do Mạriạmakʼ johare ańjomketʼ khan acʼakʼ kukhiren bale gidrạ doe keṭel gotʼena.

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Luk 1:67

Tayomte gidrạren apat Sakariạ do sonot Jiuteye perecʼen khan, nạbi lekate noa katha roroṛe ehopʼena,

Luk 2:38

Uni hõ unre hecʼkate Isore gun manao joharadea, ar Jerusalem reakʼ chaḍaokʼko ńel hohorkan sanam hoṛko uni gidrạ reaṅ lạiyakoe ehopʼena.

Luk 23:51

Uni do Jisu babotre bạisiren hoṛko tulucʼ bae mitʼmot daṛeada. Ente uni hõ Isorakʼ raj lạgitʼe koyokʼ hor akatʼ tahẽkana.

Aposkạmi 10:2

Uni do Jihudi hoṛe baṅkanre hõ Isor bhokti hoṛe tahẽkana ar acʼ gharońjren sanamkoge Isorko sewawae kan tahẽkana. Uni do reṅgecʼ orecʼko ṭaka-poesakoe dan akokan tahẽkana ar Isor ṭhen jaogeye koejoṅkan tahẽkana.

Aposkạmi 10:22

Onko hoṛko menkeda, “Subedar Korneliusge ale doe kolakatʼlea. Uni do mitʼṭen dhorom ar Isor bhokti hoṛ kanae. Ar sanam Jihudikoge uniko sarhaoede kana. Isorren mitʼṭen goḍet do uniye hukumade tahẽkana jemon acʼakʼ oṛakʼte ame hoho idi ocomete amakʼ kathakoe ańjomtam.”

Aposkạmi 2:5

Ona oktere dhạrti reakʼ aema disạm khon Isor bhokti Jihudiko do Jerusalemre hecʼkateko girobasokʼkan tahẽkana.

Aposkạmi 24:16

Onate iń do Isor ar manwako samaṅre jaoge ińakʼ bibek sapha dohoy reakʼ iń kurumuṭuyeda.

Dosar Biboron 18:15

Aperen Probhu Isor do Israel boehako tala khon iń leka mitʼṭen nạbiye teṅgoapea. Ar uniyakʼ katha leka ape do calakʼ hoyokʼtapea.

2 Patras 1:21

ente nạbiko do akoakʼ kusi sana leka jãhãn katha bako roṛakada; onko do sonot Jiu reakʼ ạyurtege Isorakʼ kathako roṛakada.