Luk 2:10 - সান্তালী বাইবেল

¹⁰ Serma goḍet do onkoe metatʼkoa, “Alope botorokʼa, ente ape ṭhen ạḍi rạskạ reakʼ sombat iń ạguakada. Noa rạskạ do sanam hoṛko lạgitʼ kana.

Santali Common Language New Testament

¹⁰ Serma goḍet do onkoe metatʼkoa, “Alope botorokʼa, ente ape ṭhen ạḍi rạskạ reakʼ sombat iń ạguakada. Noa rạskạ do sanam hoṛko lạgitʼ kana.

Luk 2:10 Iomraidhean Croise

Genesis 12:3

Okoe amko bhoram iń hõ onkoń bhorakoa ar okoe amko sarapam onko hõ ińiń sarapakoa. Ar am iạtege dhạrtiren sanam jạtrenko do bhorko ńama.”

Jesaea 40:9

E Sion, bhage sombat jạkʼhiricʼ, am do usul burute rakapʼ calakʼme. E Jerusalem, bhage sombat jạkʼhiricʼ, am do ãṭ aṛaṅte hohoeme, ar alom botorokʼa; Jihudạ reakʼ nagraharen hoṛko metakom, “Hạni ńelepe aperen Isor!”

Jesaea 41:27

Iń do pạhilre Sioniń men akadea ar ńelkom onko doko hecʼakana. Jerusalem do mitʼṭecʼ bhage sombat emokʼicʼ hoṛiń em akadea.

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Jesaea 52:10

Probhu Isor do sanam jạtrenkoakʼ mẽtʼ samaṅre acʼakʼ daṛeanakʼ sonot tiye sodortaea, ar dhạrti reakʼ sanam jaegaren hoṛko do aboren Isorakʼ babańcao reakʼ kạmiko ńela.

Jesaea 52:7

Buruko cetanre uniyakʼ jaṅga do heṛan mońj, okoe boge hukigot emokʼ lạgitʼe hijukʼkan, suluke lại jạhiretʼkan ar bhạlại reakʼ sombate ạguiyetʼkan, babańcaoe lại sodoretʼkan ar Sione metaekan, ‘amren Isor doe rajokʼ kana,’

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Daniel 10:19

Uni do ińe metadińạ, “E Isorren dulạṛiạ, alom botorokʼa. Amakʼ suluk baṛe hoyokʼma. Diljoṅme ar daṛean hoyokʼme.” Uni do iń sãote kathae roṛketʼ sãote iń do daṛe ńamketʼteń menkeda, “E ińren kisạ̃ṛ, ma roṛme, ente am do daṛem emadińạ.”

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Mathae 14:27

Unre Jisui metatʼkoa,” Dil joṅpe, alope botorokʼa, ińkangeạń.”

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Mathae 28:5

Serma goḍet do maejiue metatʼkinạ, “Aloben botorokʼa, ente ińiń baḍaea, aben do kurus ocolen Jisu ben ńam baṛayede kana.

Mark 1:15

“Okte purạu akana, ar Isorakʼ raj do sorakana. Kại khon mon ạcurtape ar bhage sombatre pạtiạukʼpe.”

Mark 16:15

Jisui metatʼkoa, “Ape do dhạrti reakʼ sanam jaegate calakʼpe ar sanam hoṛko ṭhen Isorakʼ bhage sombat porcarpe.

Luk 1:13

Serma goḍet do uniye metadea, “Alom botorokʼa, Sakariạ, ente Isor do amakʼ koejoṅe ańjomakada. Amren bạhu Elisabetren do mitʼṭen koṛa gidrại hoyokʼtaea. Ar uniyakʼ ńutum do Johanem dohoytaea.

Luk 1:19

Serma goḍete menkeda, “Iń doń Gabriel kana; iń do Isor samaṅre teṅgo akaniń tahenkana. Am saõte galmarao ar noa bhage sombat emam lạgitʼge Isor doe kol akadińạ.

Luk 1:30

Serma goḍet do uniye metadea, “Mạriạm, alom botorokʼa, ente Isor do ạḍiye daya akatʼmea.

Luk 2:11

Teheń do Dạud nagrahare aperen babańcaoicʼe janam akana. Uni doe Probhu Mạsi kana.

Luk 24:47

Arhõ ol menakʼa, Jerusalem khon ehopʼkate sanam jạtrenko ṭhen kại ikạkʼ lạgitʼ mon ạcur porcarokʼa.

Luk 8:1

Inạ tayom Jisu do ato ato ar nagraha nagrahate dãṛãkate Isorakʼ raj reakʼ bhage sombat porcarakoe ehopʼena. Ar uni soṅgete acʼren gelbar celako ar thoṛa maejiuko hõko tahẽkana. Noko maejiu do ruạ haso ar bạṛicʼ jiuko khonko boge ocoakan tahẽkana. Noko doko hoyokʼ kana, Mạriạm, okoe do Magdalaniko metaekan ar nui khonge eae goṭen bạṛicʼ jiu doko oḍoklena;

Aposkạmi 13:32

“Ạliń do apeko ṭhen noa bhage sombat liń emape kana, aboren hapṛamko ṭhen Isor okaṭakʼe gokʼletʼ tahẽkan,

Romiko lạgitʼ Pạul Apostolakʼ ciṭhi 10:15

Ona chaḍa jãhãe bako kol ocolen khan cekate poporcarko doko porcara? Sonot sostorre ol akana, “Bhạgangea onkoakʼ jaṅgako okoe do bhage sombat porcar lạgitʼko hijukʼkan.”

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.