Luk 19:9 - সান্তালী বাইবেল

⁹ Unre Jisui menkeda, “Teheń do noa gharońjre bańcao hoyakana, ente nui hõ Abraham bõsren hoṛ kanae.”

Santali Common Language New Testament

⁹ Unre Jisui menkeda, “Teheń do noa gharońjre bańcao hoeakana, ente nui hõ Abraham bõsren hoṛ kanae.”

Luk 19:9 Iomraidhean Croise

Luk 13:16

Menkhan Abraham bõsren nui maejiu do gel irạl bochor hạbicʼ Soetane tol akade tahẽkana, ar jirạukʼ mãhãre ona tonol khone raṛa ocokʼ do cetʼ baṅ ganokʼtaea?”

Luk 13:30

Okoe ńitokʼ tayomre menakʼko onko doko lahakʼa, ar lahare okoe menakʼko onko doko tayomokʼa.”

Luk 16:24

Unre uni do ãṭ aṛaṅte hohowateye menkeda, ‘E baba Abraham, dayawạńme baṛe. Ar Lasar iń ṭhen kolkaeme jemon uni do acʼakʼ coṭ kạṭupʼ dakʼre topokate ińakʼ alaṅe reaṛkạtiń. Ente noa jolokʼ seṅgelreń jal jalaokʼ kana.’

Luk 16:30

“Uni kisạ̃ṛ hoṛe menkeda, ‘baṅa, E baba Abraham, gocʼko khon jãhãege onko ṭhene calaolen khan onko do kại khon monko ạcurtakoa.’

Luk 2:30

ente manwako kại khon bańcaoko lạgitʼ sanam hoṛkoakʼ mẽtʼãhã samaṅre oka bondobosem emakatʼ, iń do onań ńelana.

Luk 3:8

Ar kại khon cetʼleka monpe ạcurakatʼ onkage ona reakʼ lek leka apeakʼ jionre jo udugpe. Ar Abrahamren bõs kanape mente alope hudisa. Sạrigeń metapekana, Isor do noako dhiri khon Abrahamren bõskoe benao daṛeakoa.

Romiko lạgitʼ Pạul Apostolakʼ ciṭhi 4:16

Onate manwakoakʼ biswạste noa gokʼakʼ do purạuakana, jemon noa do Isorakʼ daya reakʼ dan hoyokʼ. Onate Abraham bõsrenko lạgitʼ noa gokʼakʼ do khạṭige purạukʼa. Noa gokʼakʼ do eken ạn-tạriren hoṛko lạgitʼ purạukʼa ona do baṅ, menkhan okoeko hoṛ do Abraham leka inạ mitʼ pạtiạureko pạtiạu akan onko lạgitʼ hõ noa gokʼakʼ do khạṭige purạukʼa.

Galathiko lạgitʼ Pạul Apostolakʼ ciṭhi 3:14

Isor do Abraham oka bhore emade tahẽkan ona bhorge Jisu Mạsi hotete boṅgan hoṛ jạtrenko hõko ńam daṛeakʼa, ar abo hõ jemon biswạs hoteteye gokʼ akawatʼbon sonot Jiubon ńam daṛeae, onate Mạsi do ona sarap acʼreye ladeana.

Galathiko lạgitʼ Pạul Apostolakʼ ciṭhi 3:29

Mạsirenpe hoyakante Abraham bõsren hoponko hõpe hoyakana. Isor do Abraham oka emae reakʼe gokʼade tahẽkan ape hõ ona sanamakʼren ạidạrikope hoyakana.

Galathiko lạgitʼ Pạul Apostolakʼ ciṭhi 3:7

Onate noa katha baḍaejoṅpe, okoe Isorreko pạtiạukʼkan eken onko kangeako Abrahamren hoponko do.

1 Patras 2:10

Mitʼ jokhecʼ Isorren hoṛ do bape tahẽkana, menkhan ńitokʼ dope hoyakana; mitʼ jokhecʼ ape do daya bape ńamakatʼ tahẽkana, menkhan ńitokʼ dope ńamakada.