Luk 17:2 - সান্তালী বাইবেল

² Noko huḍińko modre jãhãege mitʼ goṭen kại horteye idiye enḍekhan uni do hoṭokʼre jante dhiri akawaete jalapurire khadle giḍikaege bhage hoyokʼa.

Santali Common Language New Testament

² Noko huḍińko modre jãhãege mitʼ goṭen kại horteye idiye enḍekhan uni do hoṭokʼre jante dhiri akawaete doreãore khadle giḍikaege bhage hoyokʼtaea.

Luk 17:2 Iomraidhean Croise

Jesaea 40:11

Uni do gukʼpiko leka acʼren bhiḍikoe gupikoa, bhiḍi hoponkoe hobor samṭaokoa ar hoborkateye idikoa, hopon menakʼkotako eṅga do bại bạiteye sotokʼ idikoa.

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Mathae 17:27

Menkhan alaṅ iạte jemon khajna uṭhạuko aloko tạkijokʼ onate doreãote calakʼme ar bạ̃ṛsi caḍoyme, ar pạhilre okoeṭakʼ hakom rakabe unim or cahapʼle khan mitʼṭecʼ rupạ reakʼ ṭakam ńama. Ar ona hataokate iń ar am ńutumte khajna em oṭokakʼme.”

Mathae 18:10

“Ńelpe, noko kạṭicʼko modren mitʼ goṭen hõ alope nihạ̃tkoa; ińiń metapekana sermare onkoren goḍetko do sanam ghạṛicʼ ińren sermare menae Babawakʼ mẽtãhãko ńeleda.

Mathae 18:14

Nonkage, aperen sermare menae Babawakʼ hõ mone bạnukʼtaea; noko kạṭicʼko mod khon mitʼ goṭene adokʼ.

Mathae 26:24

Manwa Hopon reaṅ sonot sostorre okaleka olakan onkage uni doe gujukʼa, menkhan uni hoṛre do hae hae, okoe bạirikoakʼ tire Manwa Hopone soprot ocoye! Uni do aloe janamlen khange honaṅ boge hoykokʼtaea.”

Mark 9:42

“Ińreko pạtiạu akan noko kạṭicʼko modren mitʼ goṭen jãhãege kại horteye idiye enḍekhan uni do hoṭokʼre jante dhiri tolaete doreãore khadle giḍikaege uni lạgitʼ bhage hoyokʼa.

Johan 21:15

Adoko jom sạtketʼ khan Jisu do Simon Patrase metadea, “E Jona hopon Simon, noko khon bạ̃ṛtim dulạṛedeń kana?” Simon Patrase menkeda, “Hẽ Probhu, baḍaegeam tinạkʼ iń dulạṛetʼmea mente.” Jisu do uniye metadea, “Ińren bhiḍiko gupikom.”

1 Korinthiko 9:15

Menkhan iń do noa reakʼ cetʼge bạń beohar ạguakada. Ape do iń lạgitʼ nonkape hoyocoe reakʼ do bạń oletʼkana. Ente jãhãe ińakʼ sarhaoakʼko ạuṛiyagtiń khan ona khon boroṅ gujukʼge bogetińạ.

1 Korinthiko 9:22

Pạtiạure okoeko nijorge onko ṭhen do onko lekan hoṛgeń hoyakana, jemon Mạsi lạgitʼ purạteń lab daṛeako. Metakʼme sanamko ṭhen iń do sanamakʼgeń hoyakana jemon jãhãlekate thoṛa hoṛiń bańcao daṛeako.