Luk 13:8 - সান্তালী বাইবেল

⁸ Mạliye roṛ ruạṛkeda, ‘E baba niạ bochor hõ tahẽ ocoakʼme. Iń do beṛhaeteń la ghạḍluga ar guricʼkoń emakʼa.

Santali Common Language New Testament

⁸ Mạliye roṛ ruạṛkeda, ‘E baba niạ bochor hõ tahẽ ocoakʼme. Iń do beṛhaeteń la ghạḍluga ar guricʼkoń emakʼa.

Luk 13:8 Iomraidhean Croise

Sereńko 106:23

Onate uniye menkeda onko doe maraokoa; ar onageye kạmikea menkhan bachao akade Mose do uniyakʼ hijukʼ horreye teṅgoyena, jemon ḍahao maraoko reakʼ edre khone ruạṛ daṛeae.

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Jirimiạ 18:20

Bhageakʼ bodolte cetʼ bạṛicʼakʼko halaea? Menkhan onko do iń lạgitʼ ghaḍlakʼko la akada. Disạime, amakʼ edre onkore jemon ruạṛ calakʼ onate am samaṅre teṅgokate onkoakʼ kathań roṛetʼkana.

Joel 2:17

Okoe Probhu Isor samaṅre sekʼwa kạmiko kạmikan onko naeke do koejoṅ oṛakʼ pinḍạ ar pinḍ talareko rakʼjoṅma. Onko doko menma, “E Probhu Isor amren hoṛko dayawakome. Amakʼ sompotti do landa dhutʼakʼ alom hoeocoya, ar jạt jạtrenko talare kạhtukko hõ alom hoyocokoa. Eṭakʼ jạtren hoṛ do cedakʼko mena, ‘onkoren Isor doe okayena?’ ”

Luk 13:7

Unre mạliye metadea, ‘ńelme, iń do pe bochor khon noa darere joń ńam baṛakana menkhan cetʼge bạń ńameda. Onate loa dare do makʼ giḍikakʼme. Cedakʼ je noa do ạuṛiyakʼ hasae nosṭo ocoyeda.’

Luk 13:9

Ar ona tayom jo sapʼlen khan ma bogege ar baṅ khan dom makʼ giḍikakʼge.’ ”

Luk 14:35

Unre ona do hasa lạgitʼ hõ lek baṅ hoyokʼa, ar guricʼ mande lạgitʼ hõ baṅ; ar hoṛko do bahrete onako oḍok giḍikakʼa. Ańjom lạgitʼ lutur menakʼtae hoṛ doe ańjomma.”

Romiko lạgitʼ Pạul Apostolakʼ ciṭhi 10:1

E boehako, Israelko lạgitʼ ińakʼ ontor reakʼ sana ar Isor ṭhen ińakʼ koejoṅ do noage, onko jemon kại khon bańcaoko ńam.

Romiko lạgitʼ Pạul Apostolakʼ ciṭhi 11:14

Ar nonkate jemon apnar jạtren hoṛkoń gagoj ocokote onko mod khon thoṛa hoṛ iń bańcao daṛeako.

2 Patras 3:9

Adom hoṛko hudiseda Probhu Isor do acʼakʼ gokʼakʼ purạu lạgitʼe bilomeda, menkhan ona do baṅ. Asokaete uni do ape lạgitʼe soboriyeda, ente jãhãegeye nosṭokʼ do bae khojkana, bickom sanamkoge jemon kại khon monko ạcurtako onageye khojkana.