Luk 13:11 - সান্তালী বাইবেল

¹¹ Onḍe do nonkan mitʼṭen maejiue tahẽkana, one uni do mitʼṭen bạṛicʼ jiue sapʼakade tahẽkante gelirạl bochor khon ruạteye jạbun akan tahẽkan. Ar kubjạgeye tahẽkante bae sojhe daṛeakʼkan tahẽkana.

Santali Common Language New Testament

¹¹ Onḍe do nonkan mitʼṭen maejiue tahẽkana, one okoe do mitʼṭen bạṛicʼ jiue sapʼakade tahẽkante gel irạl bochor khon ruạteye jạbun akan tahẽkan. Ar kubjạgeye tahẽkante bae sojhe daṛeakʼkan tahẽkana.

Luk 13:11 Iomraidhean Croise

Jobakʼ 2:7

Inạ tayom Soetan do Probhu Isor samaṅ khone oḍok calaoena ar Jobakʼ bohokʼ khon jaṅga talka hạbicʼ hasote perecʼ ghaoe kolladete kosṭo emaye ehopʼena.

Sereńko 145:14

Okoeko ńurokʼkan Probhu Isor do onkoe sapʼ sambṛaoetʼkoa; ar okoeko laḍe akan onko doe sojheyetʼkoa.

Sereńko 146:8

Probhu Isor do kãṛãko ńeńel reakʼ daṛeye emako kana; ar kuḍbur akanko doe sojheyetʼkoa; Probhu Isor do dhorom hoṛkoe dulạṛetʼkoa.

Sereńko 38:6

Iń doń kubjạ akana, ar ạḍitetʼgeń kaba kubạ cabayena; goṭa din iń do monre duk dohokateń dãṛãn kana.

Sereńko 42:5

E ińakʼ jiwi, cedakʼem as chuṭạukʼkana? Cedakʼ nunạkʼ dom cońcol akana? Isorre bhorsa akae tahenme, ente unige ińe bańcaoińạ; onate iń do arhõ uniń sarhaoea.

Sereńko 6:2

E Probhu Isor, dayawạńme, enteń nijorgea. E Probhu Isor, bogeyińme, ente ińakʼ jaṅko do botorte thar tharaokʼ kantińạ,

Mathae 4:23

Jisu do Gạlil Prodes reakʼ sanam jaegakore dãṛã dãṛãte Jihudikoakʼ sunạgogkore cetʼakoe ehopʼena. Ona chaḍa uni do serma raj reakʼ bhage sombat porcar ar hoṛkoakʼ sanam lekan rog bighin ar ruạ hasokoe bogeyetʼtako tahẽkana.

Mark 9:21

Jisu do uniren apattetʼe kulikedea, “Tinạkʼ din khone nonka akana?” Uni doe menkeda, “Gidrạ khonge.

Luk 13:12

Jisu do uniye ńelkedea ar acʼ ṭhen hoho sorkateye metadea, “E go, amakʼ ruạ khon dom bogeyena.”

Luk 13:16

Menkhan Abraham bõsren nui maejiu do gel irạl bochor hạbicʼ Soetane tol akade tahẽkana, ar jirạukʼ mãhãre ona tonol khone raṛa ocokʼ do cetʼ baṅ ganokʼtaea?”

Luk 21:28

Noa ghoṭnako hoyokʼre ape do sojhete teṅgokʼpe ar bohokʼ rakabtape, ente apeakʼ chaḍaokʼ do sorakana.”

Luk 8:27

Ado Jisu lạukạ khone pheḍgotʼen khan onḍenicʼ mitʼṭen hoṛ do uni ṭhene hecʼena. Uni hoṛ do ạḍi utạr bhutko capaṛ akawade tahẽkana ar ḍher din khon kicricʼko hõ bae horokʼ bandeyetʼ tahẽkana, ar oṛakʼre tahẽ baṅkate mạ̃ṛĩ poḍakoregeye tahenkan tahẽkana.

Luk 8:43

Ar onko modren mitʼṭen maejiue tahẽkana okoe do gelbar bochor khon pordhol rogteye jạbun akan tahekan. Uni do acʼakʼ joto ạsulokʼakʼko raranko tayomreye khorocʼ caba akatʼ tahẽkana, menkhan okoe hõ bako boge daṛeaekan tahẽkana.

Aposkạmi 3:2

Onḍe hoṛko do mundil reakʼ mońjko metakʼ duạr ṭhen dinạmge mitʼṭen hoṛ gokʼ ạgukateko dohokae kan tahẽkana. Uni do janam khonge leḍhageye tahẽkana. Ar mundilte bolokʼkanko ṭhen khon koe ńam lạgitʼ onḍeye doho ocokʼkan tahẽkana.

Aposkạmi 4:22

Ar okoe hoṛe bogeyen uniyakʼ umer do pongel bochor khon hõ bạ̃ṛti tahẽkantaea.