Luk 11:41 - সান্তালী বাইবেল

⁴¹ Ape do thạri ar bạṭi reakʼ bhitrire oka menakʼ onage boroṅ dan emokʼpe; enḍekhan sanamakʼ saphakʼtapea.

Santali Common Language New Testament

⁴¹ Ape do thạri ar bạṭi reakʼ bhitrire oka menakʼ onage boroṅ dan emokʼpe; enḍekhan sanamakʼ saphakʼtapea.

Luk 11:41 Iomraidhean Croise

Sereńko 112:9

Uni do chiṭiạukedae, reṅgecʼ orecʼkoe ematʼkoa; uniyakʼ dhorom do jaejug hạbicʼ tahenkana, uniyakʼ daṛe ar man do ḍher idikʼtaea.

Sereńko 41:1

Bhạgangeae uni hoṛ, okoe do nacarko lạgitʼe dạndikʼkan; akalre Probhu Isor do uniye bańcaoea.

Kạhtukko 14:31

Okoe reṅgecʼ hoṛe santaoko uni do sisirjạuicʼe henostawae kana, menkhan okoe hoṛ okulankoe dayawako uni do acʼren sisirjạuicʼe manotea.

Kạhtukko 16:6

Pạtiạr ar sạriyakʼtetʼ hotete bedhorom do pharakokʼa; Probhu Isor botorae hoṛ do bạṛicʼ khone sahaṛokʼa.

Kạhtukko 19:17

Reṅgecʼ orecʼkoe dayawako kan hoṛ do Probhu Isorgeye dayawae kana; Probhu Isorge uniyakʼ upkạr reakʼ dan doe emokʼkana.

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Mathae 26:11

Ente reṅgecʼ orecʼkoma jaoge ape tulucʼ menakʼko, menkhan iń do jao okte bape ńameńa.

Mathae 5:42

Koyetʼmekạnicʼ do emaeme, ar okoe am ṭhen pańcae khojkan uni hõ alom dea giḍikaea.

Mark 7:19

Ente uniyakʼ ontorre ona do baṅ bolokʼ kana menkhan lacʼre bolokʼkana, ar tayomte ona do hoṛmo khon oḍok giḍikʼa.” Ona kathate uni do joto jomakʼge saphagea menteye bujhạu ocoyeda.

Luk 12:33

Ape do menakʼ tapeakʼko ạkhrińkate dan emokʼpe. Ar baṅ marekʼ ṭaka reakʼ thạilạkʼ tear joṅpe, metakʼme okaṭakʼ dhon jaejug hạbicʼ ṭikạu tahen onage sermare jarwajoṅpe. Onḍe do kombṛo hõ bako hijukʼa ar tejoko hõ bako bạṛija.

Luk 16:9

Ińiń metapekana, bedhorom dhonte gate benao joṅpe, jemon ona dhon cabalenre jaejug tahen reakʼ jaegareko ataṅ darampe.

Luk 18:22

Noa katha ańjomkate Jisu do uniye metadea, “Ńitokʼ hõ mitʼṭen kạmi dom sarecʼ akada. Amakʼ okaṭakʼ menakʼtam onako ạkhrińme ar reṅgecʼ orecʼko hạṭińakome, enḍekhan am do sermare dhonem ńama. Ar ona tayom do hecʼkate ińren cela hoyokʼme.”

Luk 19:8

Ar Sakhae do onḍege teṅgokate Probhui metadea, “E Probhu, ińakʼ dhon-durib reakʼ adha do reṅgecʼ orecʼkoń emakokana ar jãhãegeń ṭhoka akatʼko khan enḍekhan ona reakʼ pon dobṛań ruạṛkatakokana.”

Aposkạmi 10:15

Unre arhõe ańjomkeda, “Isor okakoe sapha akatʼ ona do be sonotakʼ alom metakʼa.”

Aposkạmi 11:29

Unre celako doko goṭakeda, Jihudạ disạmren biswạsi boehako goṛowako lạgitʼ apan ạpin daṛe leka onko do jemon ṭakako kol. Arko onkaletʼgea.

Aposkạmi 24:17

“Ḍher bochor tayom iń do Jerusalemteń senlena jemon iń jạtren reṅgecʼ-orecʼ hoṛko ṭaka-poesateń goṛo daṛeako ar dãṛẽ hõ jemoniń samaṅ daṛeakʼ.

2 Korinthiko 8:12

Jãhãe emokʼ reakʼ monejoṅakʼ tahentae khan enḍekhan uni oka menakʼtae ona lekage Isor do uniyakʼ dane ataṅtaea, ar oka bạnukʼtae ona do Isor hõ bae khojkana.

Ephesiko lạgitʼ Pạul Apostolakʼ ciṭhi 4:28

Kombṛoyicʼ do ar aloe kombṛoe ma, bickom acʼakʼ nij tite bhageakʼ kạmikoreye khaṭaokʼma jemon okulạnan hoṛko em hạṭińako lạgitʼ tahentae.

Titus lạgitʼ Pạul Apostolakʼ ciṭhi 1:15

Okoeyakʼ ontor napaege onko ṭhen do jotowakʼge napaegea, menkhan okoeyakʼ ontor bạṛicʼ ar bepạtiạrge onko ṭhen cetʼge napaeakʼ do bạnukʼanaṅ, ente onkoakʼ mon ar bibek do mạilạgetakoa.

Ibriko 13:16

Bhage kạmi lạgitʼ ar eṭakʼko reṅgejokʼre bhạlạiko reakʼ do alope hiṛińa, ente Isor do nonkan dãṛẽgeye kusiyakʼa.

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

Jakob 1:27

Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.