Luk 11:4 - সান্তালী বাইবেল

⁴ ar aleakʼ kạiko ikạkataleme ente okoe ale upạrteko dosetʼkan ale hõ onkole ikạkatako kana. Ar biḍạute alom aderlea.’ ”

Santali Common Language New Testament

⁴ ar aleakʼ kạiko ikạkataleme ente okoe ale birudreko kạiyetʼ ale hõ onkole ikạkatako kana. Ar biḍạute alom aderlea.’ ”

Luk 11:4 Iomraidhean Croise

Genesis 48:16

uni serma Goḍet, okoe do sanam muhin reakʼ ti khone rukhiyạ akadiń, unige nukin gidrại bhorakinma. Nukin hotetege iń ar ińren hapṛam Abraham ar Isahakakʼ ńutum do jiwetʼ tahenma. Ar aboakʼ disạmre nukin bõsren hoṛ do lekhare ḍherko hoyokʼma.”

1 Rapajko 8:34

unre serma khon onkoakʼ ańjomtakome ar onkoakʼ kạiko ikạitakome ar okaṭakʼ disạm onkoren hapṛamkom ematʼko tahẽkan onḍe baṛe arhõ ruạṛ ạgukom.

1 Rapajko 8:36

enḍekhan am do serma khon ona ańjomtakome ar amren gutiko, metakʼme amren hoṛ Israelkoakʼ kạiko ikại takome. Ar jionre ṭhik leka calakʼ reakʼ cetʼakome ar somppoti lekate okaṭakʼ disạmem emakawatʼko ona disạm cetanre dakʼ ocoyme.

Sereńko 121:7

Joto lekan bạṛicʼakʼ khon Probhu Isorge ame rukhyiạmea; ar unige amakʼ jiwiye horhoytama.

Sereńko 25:11

Ińakʼ bedhorom reakʼ bojha do ḍhergea, onate E Probhu Isor, amakʼ ńutum rukhiyạitam lạgitʼ ińakʼ ona bedhorom baṛe ikạ kạtińme.

Sereńko 25:18

Ińakʼ duk ar kosṭo secʼ beṅgedme; ar ińakʼ sanam kạiko ikạ kạtińme.

Daniel 9:19

E Probhu, ańjomme. E Isor, ikạkaleme. E Probhu moneyakʼtaleme, ar jãhãnakʼ baṛe cekaeme. E ińren Isor, amakʼ ńutum rukhiyạitam lạgitʼ ar alom biloma, ente amakʼ nagraha ar amren hoṛko do amakʼ ńutumtegeko bikạu akana.”

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Mathae 18:35

“Onkage, ape mimitʼko aperen boehako apeakʼ ontorte bape ikạleko khan, sermare menae ińren Baba hõ apeye onkawapea.”

Mathae 26:41

Jagwar tahenpe ar koejoṅpe jemon biḍạure alope paṛaokʼ. Jiure sana menakʼgea, menkhan hoṛmo do nijorgea.”

Luk 11:5

Ona tayom Jisu do acʼren celakoe metatʼkoa, “Ape modre mitʼ hoṛ tala ńindạ jokhecʼ acʼren gateakʼ oṛakʼte senkateye metae, ‘E gate, pea piṭhạ pańcate den em hataṛạńme.

Luk 13:4

Siloam reakʼ usul oṛakʼ bhindạṛlenre okoe gel irạl hoṛko gocʼlen, apeakʼ hudisre onko do cetʼ Jerusalemrenko khon hõ bạ̃ṛti dusiyan hoṛko tahẽkana?

Luk 8:13

Dhiri hasare ńũren itạte do onko lạgitʼge roṛ akana, okoe do katha ańjomkate rạskạteko ataṅetʼkan, menkhan onkore ona reakʼ rehetʼ do mońjte baṅ bạisạukʼ kana. Onate onko do thoṛa din lạgitʼko pạtiạukʼkana, menkhan biḍạureko paṛaolen khan doko pạcokʼ kana.

Johan 17:15

Noa dhạrti khon idiko lạgitʼ do bạń nehõram kana, bickom nehõrokʼ kạnạń, jemon Soetanakʼ ti khonem bańcaoko.

1 Korinthiko 10:13

Manwa jionre okako biḍạu hoyokʼkan ona chaḍa eṭakʼ jãhãn biḍạu do ar baṅ paṛao akawatʼpea. Isor doe pạtiạrgete, sahao daṛeakʼ khon bạ̃ṛti do bae biḍạupea, bickom biḍạu são sãote ona khon oḍokokʼ reakʼ hõe horapea, jemonpe sahao daṛeakʼ.

Kolossiko lạgitʼ Pạul Apostolakʼ ciṭhi 3:13

Ape apere sapahaokʼpe ar jãhãe upạrte apeakʼ jãhãn dos reakʼ menakʼtae khan uni do ikạkaepe. Probhu Isor cetʼlekae ikạ akatʼpe onkage ape hõ eṭakʼko ikạkako lek kantapea.

2 Thessalonikiko 3:3

Menkhan Probhu Isor doe pạtiạrgea; unige ape doe kajak ocopea ar Soetanakʼ ti khone rukhiyạpea.

2Timothi 4:18

Probhu Isor do sanam bạṛicʼakʼ kạmi khone rukhiyạyińạ ar acʼakʼ serma rajreye idi seṭerińạ. Uniyakʼge ṭhonok hoyokʼtaema jug cetan jug. Amen.

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

Johan sodor 3:10

Sobori reakʼ okań hukumatʼme tahẽkan ona dom dohoakada; onate dhạrtire oka duk reakʼ ghuṛi daraekan ona khon iń doń rukhiyạmea. Ar okoe doko noa dhạrtirenkan onko biḍạuko lạgitʼge noa duk reakʼ okte do hijukʼa.