Luk 11:2 - সান্তালী বাইবেল

² Jisu do onkoe metatʼkoa, “Apepe koejoṅre nonka menpe, ‘E aleren sermaren Baba, amakʼ ńutum sonotokʼma, amakʼ raj hijukʼma;

Santali Common Language New Testament

² Jisu do onkoe metatʼkoa, “Apepe koejoṅre nonka menpe, ‘E aleren sermaren Baba, amakʼ ńutum sonotokʼma, amakʼ raj hijukʼma;

Luk 11:2 Iomraidhean Croise

1 Rapajko 8:43

enḍekhan amakʼ tahen ṭhạ̃i khon ańjomtaeme. Ar uni okae khoj uni lạgitʼ ona baṛe onkaeme jemon dhạrtiren sanam hoṛko baḍae daṛeam ar amren hoṛko leka onkohõ amko sewawam arko baḍae daṛeakʼ, iń benaoakʼ niạ oṛakʼ do amakʼ oṛakʼ kangea mente.

2 Rapajko 19:19

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskarge Probhu do ar amkangeam Isor do .”

2 Bõsbudạ 20:6

“E Probhu, aleren hapṛamkoren Isor, am dom semaren Isor kana. Am do sanam jạtrenkoakʼ rajosṭikom ḍanṭaoeda. Daṛe ar ektiạri do amakʼ tirege ar celege am do bako teṅgo daram daṛeama.

Sereńko 103:20

E Probhu Isorren daṛean goḍetko, okoe do uniyakʼpe bataoetʼtae ar uniyakʼ hukumpe manaoetʼkan, ape do uni sarhaoepe.

Sereńko 108:5

E Isor, amakʼ man do serma hạbicʼ rakabokʼma; ar amakʼ ṭhonok do goṭa dhạrtire ńelokʼma.

Sereńko 11:4

Menkhan Probhu Isor do sermare acʼakʼ sonot mundilre menaea; uniyakʼ siṅghạson do onḍege menakʼtaea. Uni do manwakoe tạṅkhiyetʼkoa; ar uniyakʼ mẽtʼ do onkoe baḍae aṭkaretʼkoa.

Sereńko 57:11

E Isor, amakʼ mạhima do serma cetan hạbicʼ rakapʼma; ar amakʼ ṭhonok do goṭa pirthimire ńelokʼma.

Sosolhayic̕ 5:2

Amakʼ mocate katha do usạrate alom roṛgoda; ar Isor ṭhen hako pako jãhãnakʼ katha hõ alom roṛa. Isor do sermare menaea ar am do dhạrtire, onate amakʼ katha do jemon thoṛage hoyokʼ.

Jesaea 63:16

E Probhu Isor, am do aleren baba kanam. Abraham do bae baḍae akatʼlere hõ se Jakob bae aṅgoclere hõ, enhõ amge aleren baba kanam; am do jaejug hạbicʼ chakʼḍaoicʼ kanam ar noage amakʼ ńutum do.

Jeheskel 36:23

Okaṭakʼ ńutum do jạt jạtrenko talare besonot hoyakan ona ińakʼ maraṅ ńutum reakʼ sonottetʼ iń do apeń udukʼapea; ente onko talare ape do ona ńutumpe besonot akada. Iń do onkoakʼ mẽtʼãha samaṅre ape hotetege ińakʼ ńutumiń sonot ocoytińạ ar unre jạt jạtrenko baḍae daṛeakʼa, ińkangeạń Probhu Isor do.

Daniel 2:28

Menkhan sermare mitʼṭen Isor menaea okoe do okoakʼko reaṅe sodoretʼkan. Ar tayom daram dinkore cetʼko hoyokʼa ona do unige Nebukadnesar raje baḍae ocoakadea. Amakʼ kukmũ, metakʼme aṭetʼre giticʼkate okaṭakʼ kukmũm ńelakatʼ ona do ńitokʼ iń lạiyama.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Daniel 7:18

Menkhan mucạtʼre maraṅ Isorren hoṛko do ektiạri ńamkate jaejug, hẽ, jaejug hạbicʼko rajokʼa.’

Daniel 7:27

Ona tayom rajosṭi, ektiạri ar pirthimi reakʼ sanamakʼ rajosṭiko reakʼ daṛe do maraṅ Isorren hoṛkoakʼ tire jimạ ocokʼa. Onkoakʼ rajosṭi do hoyokʼa jaejug hạbicʼ ar sanam rapajko do onkoko sapʼsorakoa ar onko tabereko tahena.

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

Levitikus 22:23

Menkhan okoe ḍaṅgra se bheḍawakʼ jãhãnakʼ hĩsge bạ̃ṛti hara akantae seye khaṭoge onkan ḍaṅgra se bheḍa apnarakʼ kusi lekae samaṅ daṛeaea, tobe manotakʼ purun lạgitʼ samaṅokʼakʼ mente ona do baṅ ataṅokʼtaea.

Habakkuk 2:14

Jalapuri cetʼleka dakʼte perecʼ tahen onkage dhạrti hõ Probhu Isorakʼ ṭhonok reakʼ ạkilte perecʼge tahena.

Mathae 10:32

“Jãhãege hoṛko samaṅre ińe aṅgociń iń hõ ińren sermare menae Baba samaṅre uniń aṅgocea.

Mathae 3:2

“Mon ạcurtape, ente serma raj do sorakana.”

Mathae 5:16

Onkage apeakʼ marsal do hoṛko samaṅre jolokʼtapema, jemon apeakʼ bhage kạmi ńelte aperen sermaren Babako sarhaoe.

Luk 11:1

Mitʼdin Jisu do mitʼṭecʼ jaegareye koejoṅkan tahẽkana. Ado koejoṅe mucạtʼketʼ khan acʼren mitʼṭen cela doe menkeda, “E Probhu, Johan bạbạptisicʼ cetʼleka acʼren celako koejoṅe cetʼatʼko tahẽkan onkage ale hõ cetʼaleme.”

Romiko lạgitʼ Pạul Apostolakʼ ciṭhi 1:7

Rom nagraharen okoeko hoṛ do Isore dulạṛetʼko ar acʼren hoṛ hoyokʼ lạgitʼe hohoakatʼko, onko sanamko ṭhen, metakʼme ape ṭhenge iń do noa ciṭhiń oletʼkana. Aboren Isor Baba ar Probhu Jisu Mạsi doe mãyã apema ar suluke dan apema.

Romiko lạgitʼ Pạul Apostolakʼ ciṭhi 8:15

Ar golamren Jiu do bape ńamakadea, one onatepe botorkokʼ; Ape do Isorren Jiugepe ńamakadea one okoe do hopon hoyokʼ reakʼ ạidạriye emakatʼpe. Ona iạtege Isor do Abba, metakʼme Baba mente bon hohowaekana.

1 Korinthiko 1:3

Aboren Isor Baba ar Probhu Jisu Mạsiyakʼ daya ar suluk do ape sanamko tulucʼ baṛe tahenma.

2 Korinthiko 1:2

Aboren Baba Isor ar aboren Probhu Jisu Mạsi ape sanamko suluk ar bhore danape ma.

Galathiko lạgitʼ Pạul Apostolakʼ ciṭhi 1:4

Aboren Isor Babawakʼ sanaleka Mạsi do aboakʼ kạiko iạte apnarakʼ jiwigeye emkeda, jemon noa bạṛicʼ piṛhirenko khone rukhiyạ bon.

Ephesiko lạgitʼ Pạul Apostolakʼ ciṭhi 1:2

Aboren Isor Baba ar Probhu Jisu Mạsi do suluk are bhor ape ma.

Philipiko lạgitʼ Pạul apostolakʼ ciṭhi 1:2

Aboren Isor Baba ar Probhu Jisu Mạsi do daya ar suluke dan apema.

Philipiko lạgitʼ Pạul apostolakʼ ciṭhi 4:20

Aboren Baba ar Isorakʼge ṭhonok hoyokʼtae ma jug cetan jug hạbicʼ. Amen.

1 Thessalonikikko 1:1

Isor Baba ar Probhu Jisu Mạsi tulucʼ mitʼakan Thessaloniki manḍerrenko ṭhen, Siluạnus, Timothi, ar iń Pạul do noa ciṭhile oleda. Aboren Isor Baba ar Probhu Jisu Mạsi do daya ar suluke dan apema.

1 Thessalonikikko 1:3

Biswạs khạtirte okape kạmikan, dulạṛ khạtirte okape mehnotetʼkan ar aboren Probhu Jisu Mạsire as akan iạte okape sombhuriyetʼkan, ona katha do jaoge aboren Isor Baba samaṅre koejoṅrele disạyeda.

2 Thessalonikiko 2:16

Aboren Probhu Jisu Mạsi ar Isor Baba do apeakʼ ontorreye udgạupema ar sanam bhage kạmi ar kathareye kajak ocopema.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Johan sodor 15:4

E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”

Johan sodor 19:6

Ona tayom iń do ạḍi utạr hoṛkoakʼ sabad leka, ar had had ạtukʼ dakʼ reakʼ saḍe ar kajak huḍuretʼkan saḍe leka noa kathań ańjomkeda, “Halleluyah! Aboren sanam daṛeyicʼ Probhu Isor do rajokʼe ehopʼakada.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.