Luk 10:41 - সান্তালী বাইবেল

⁴¹ Unre Jisu do Marthae metadea, “Martha, E Martha, am do ạḍi okocʼ reaṅem dạndikʼ kana, arem uduṛ dhupuṛ baṛae kana,

Santali Common Language New Testament

⁴¹ Unre Jisu do Marthae metadea, “Martha, E Martha, am do ạḍi okocʼ reaṅem dạndikʼ kana, arem uduṛ dhupuṛ baṛae kana,

Luk 10:41 Iomraidhean Croise

Sosolhayic̕ 6:11

Tinạkʼ bạ̃ṛti katha hoyokʼ unạkʼge ạuṛiyakʼtetʼ hõ ḍherokʼa, onate manwa do cetʼ porho hoyokʼtaea?

Mark 4:19

menkhan gharońj reakʼ dạndi, ar dhon reakʼ mãyã ar emanteakʼ laloc hecʼakokante onko do onako ten loṭomkakʼ kana;

Luk 10:38

Niạ tayom Jisu ar acʼren celakoko dãṛãnkan tahẽkanre mitʼṭecʼ atoteko boloyena. Ar Martha ńutuman mitʼṭen maejiu do rạskạte acʼakʼ oṛakʼte Jisui ataṅ aderkedea.

Luk 10:40

Menkhan Martha do jom ńũ tear lạgitʼe udhuṛ dhupuṛ baṛaekan tahẽkana. Onate uni do hecʼkateye menkeda, “E Probhu Jisu, boehań kuṛi sapʼsosore bae goṛowạńkan do cetʼ bam moneyakʼ kana? Ado ma metaeme, jemon kạmireye goṛowạń.”

Luk 12:22

Ona tayom Jisu do acʼren celakoe metatʼkoa, “Noa iạtegeń metapekana, jiwi lạgitʼ do alope dandokʼa cetʼpe joma; ar hoṛmo lạgitʼ hõ alope dạndikʼa cetʼpe horokʼ bandea mente.

Luk 21:34

“Sontor akae tahenpe, jemon apeakʼ mon do rij roṅ, ńũ bulokʼ ar gharońj reakʼ dạndite ten alo tahentape.

Luk 8:14

Jạnum jhạuạ talare ńũren itạte do onko lạgitʼge roṛ akana, okoe doko ańjometʼkan, menkhan jion reakʼ horte calakʼ calakʼte gharońj reakʼ dand-bhabna, dhon-durib ar suk talareko ten ocokʼ kana. Ar onate onko do jionre bako gele belekʼ kana.

Johan 11:1

Lasar ńutuman Bethaniạren mitʼṭen hoṛ do ruạteye kạhil akan tahẽkana. Mạriạm ar uniren boeha kuṛi Martha hõ ona atoregekin tahenkan tahẽkana.

Johan 11:5

Jisu do Martha ar uniren bokot kuṛi ar Lasare dulạṛetʼko tahẽkana.

Johan 12:2

Onḍe onko do Jisu lạgitʼ jomakʼko tearkeda. Ar Martha doe sapʼsorako kan tahẽkana. Ar okoeko Jisu tulucʼ jojomko duṛupʼ akan tahẽkan onko modre Lasar hõe tahẽkana.

Philipiko lạgitʼ Pạul apostolakʼ ciṭhi 4:6

Ar jãhãnakʼ reakʼge alope dandokʼa, bickom apeakʼ joto arojakʼko do koejoṅ ar nehõrate gunmanao johar salakʼ Isor baḍae ocoyepe.