Luk 10:21 - সান্তালী বাইবেল

²¹ Unre Jisu do sonot Jiu reakʼ rạskạte hulạsenteye menkeda, “E Baba, am do serma ar dhạrtiren Probhu Isor kanam. Sarhaoetʼme kạnạń, ente am do noako reaṅ ạkilan ar budanko khonem oko dohoakada menkhan albudạha lekanko ṭhen dom sodor akada. Hẽ Baba, amakʼ sana lekage noa do hoyakana.

Santali Common Language New Testament

²¹ Unre Jisu do sonot Jiu reakʼ rạskạte hulạsenteye menkeda, “E Baba, am do serma ar dhạrtiren Probhu kanam. Sarhaoetʼme kạnạń, ente am do noako reaṅ ạkilan ar budanko khonem oko dohoakada menkhan albudạha lekanko ṭhen dom sodor akada. Hẽ Baba, amakʼ sanalekage noa do hoeakana.

Luk 10:21 Iomraidhean Croise

Sereńko 24:1

Dhạrti ar onare menakʼakʼ jotowakʼge Probhu Isorakʼ kana; Prithimi ar onare tahenko hõ uniren kanako;

Sereńko 25:14

Probhu Isor okoeko botorae kan onko ṭhenge uni do acʼakʼ monsubại sodortaea, ar acʼe dohoakatʼ bondobose baḍae ocokoa.

Sereńko 8:2

Bale gidrạko ar toa nunuko reakʼ moca khon am do daṛe reakʼ gaṛem hoyocoakada; amren bạiriko lạgitʼge noa dom onka akada, jemon amren bạiriko ar hala hạkʼlikan kom kiṛdhum daṛeako.

Jesaea 29:14

Onate iń do arhõ hahaṛawakʼ kạmikote noko hoṛ doń ṭhak utạrkoa; onate ạkilankoakʼ ạkil do maraokʼtakoa ar budankoakʼ bud hõ danaṅokʼa.”

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Jesaea 62:5

Cetʼleka mitʼṭen juạn koṛa do mitʼṭen kũạri kuṛiye baplaye onkage amren hoṛ do amko baplamea; ar cetʼleka jãwãe koṛa do bạhu kuṛi iạteye rạskạkʼ onkage Isor hõ am iạteye rạskạkʼa.

Jesaea 66:1

Probhu Isore meneda, “Serma do ińakʼ siṅghạson kana ar ot do ińakʼ jaṅga lebedokʼakʼ ganḍo kana. Iń lạgitʼ oṛakʼ do okarepe benaoa? Ińakʼ koejoṅ reakʼ ṭhạ̃i do okare hoyokʼa?

Sephaniạ 3:17

Amren Probhu Isor do amrege menaea, ar rurukhiyạme lạgitʼ daṛe menakʼgetaea. Uni do am reaṅ ạḍiye rạskạkʼa ar uniyakʼ khạndri dulạṛ reakʼ tirpitokʼte uni doe thir hapekʼa. Ar am reaṅ rạskạteye sereńa.”

Mathae 16:17

Jisui roṛ ruạṛadea, “Jona hopon Simon, am dom bhạgangea, ente okoe manwa hõ am ṭhen noa do bae sodor akada; menkhan ińren sermaren Babageye sodor akatʼmea.

Mathae 21:16

Ar noako ńelteko ạṛisente onko do Jisuko metadea, “Onkoko menetʼkan ona do cetʼem ańjometʼgea?” Jisui metatʼkoa, “Hẽ, ańjometʼ kangeạń. Menkhan Sostorre cetʼ tishõ bape paṛhao akada: Bale gidrạko ar toa nunuko reakʼ moca khon, am do apnar lạgitʼ sarhaoem tear sạbitana?”

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Mark 10:15

Sạrigeń metapekana, okoe kạticʼ gidrạko leka Isorakʼ raj bae ataṅ, uni do okalekate hõ, Isorakʼ rajre bae bolo daṛeakʼa.”

Luk 15:5

Are sendra ńamle khan uni do rạskạte tarenreye ladeyea.

Luk 15:9

Are ńamle khan acʼren gateko ar aḍepaseren hoṛko hohowakoteye metakoa, ‘iń sãote rạskạkʼpe, ente oneń atʼletʼ siki doń ńam ruạṛ akada.’

Johan 11:41

Unre dhiriko ocokʼkeda. Ar Jisu do coṭ secʼ beṅgetʼ rakapʼkateye menkeda, “E Baba, ińakʼ katham ańjomketʼte iń do amiń gun manao joharam kana.

2 Korinthiko 4:3

Aleakʼ bhage sombat do danaṅ esetʼ akan khan enḍekhan nosṭokʼkanko lạgitʼge danaṅ esetʼakana.

Ephesiko lạgitʼ Pạul Apostolakʼ ciṭhi 1:11

Isor do acʼakʼ bud ar akelte apnarakʼ kusileka jotowakʼgeye kạmiyeda. Acʼakʼ monsubạ leka laha khon okaṭakʼe niṭ dohoakatʼ tahẽkan onkage Mạsi hotete acʼren hoṛko hoyokʼ lạgitʼ uni do aboe bachao dohoakatʼ bona.