Luk 10:11 - সান্তালী বাইবেল

¹¹ ‘ape ato reakʼ jaṅgare laṭkao akawatʼle dhuṛi do ape upạrtele muchạu oṭokakʼ kana. Enrehõ baḍaekakʼpe, Isorakʼ raj do sorakana.’

Santali Common Language New Testament

¹¹ ‘ape ato reakʼ jaṅgare laṭkao akawatʼle dhuṛi do ape birudrele koṭa giḍi oṭokakʼ kana. Enrehõ baḍaekakʼpe, Isorakʼ raj do sorakana.’

Luk 10:11 Iomraidhean Croise

Jeheskel 2:5

Onko do amakʼ katha bako ańjoma, ente onko do huhul jạtren kanako; enhõ onko doko baḍae daṛeakʼa, onko talare mitʼṭecʼ nạbi do menaegea.

Mathae 10:14

Jãhãe bako ataṅpe se apeakʼ kathako bako ańjom enḍekhan ona oṛakʼ se ato khonpe oḍokokʼre apeakʼ jaṅga reakʼ dhuṛi hõ koṭa giḍi oṭokakʼpe.

Mathae 10:7

Ar calakʼ calakʼte noa porcarpe, serma raj do sor akana.

Mathae 3:2

“Mon ạcurtape, ente serma raj do sorakana.”

Mark 6:11

Ar jãhã jaegaren hoṛ bako ataṅpe se kathako bako ańjom enḍekhan, ona jaegape bạgi oṭowakʼre apeakʼ jaṅga talka reakʼ dhuṛi hõ koṭa oṭokakʼpe jemon onage onko upạrte goha hoyokʼ.”

Luk 10:10

Menkhan jãhã atotepe senlenre ar onḍenko hoṛ bako ataṅpe enḍekhan ona ato reakʼ kulhikore senkate noa katha menpe,

Luk 10:9

Ar ona atoren ruạkʼ hasokʼkan hoṛko bogekope ar lạiyakope, ‘Isorakʼ raj do ape ṭhen sorakana.’

Luk 9:5

Ar hoṛko bako ataṅpe khan, enḍekhan onkoakʼ ato khonpe oḍokʼ hijukʼre apeakʼ jaṅga reakʼ dhuṛi hõ koṭa giḍi oṭokakʼpe, jemon onage onko upạrte gohae teṅgokʼ.”

Aposkạmi 13:26

“E boehako, Abrahamren hoponko ar Isor botoraekanko, kại khon bańcao reakʼ noa khobor do abon ṭhenge kolakana.

Aposkạmi 13:40

Onate ape do sontorokʼpe, jemon nạbikoko roṛakatʼ noako apere alo paṛaokʼ:

Aposkạmi 13:46

Unre Pạul ar Barnabas do dilkate kin roṛ ruạṛatʼkoa, “Pạhilre ape ṭhen Isorakʼ katha lạlại jạruṛ tahẽkan tạlińa, menkhan tinre ape do bape moneyada ar jaejug jion ńam lạgitʼ apete lek bape bujhạulena unre ạliń do boṅgan hoṛ jạtrenko secʼliń ạcurokʼkana.

Aposkạmi 13:51

Unre Pạul ar Barnabas do onko hoṛko upạrte ạkinakʼ jaṅga reakʼ dhuṛikin koṭa giḍi oṭokatʼte Ikonium nagrahatekin calaoena.

Romiko lạgitʼ Pạul Apostolakʼ ciṭhi 10:21

Menkhan Israelko reaṅ doe meneda, “Bebatao ar ṭenḍosokʼ hoṛko secʼ ińakʼ ti do goṭa dingeń tiyạr akada.”

Romiko lạgitʼ Pạul Apostolakʼ ciṭhi 10:8

Isor ṭhen dhorom mente ataṅokʼ reaṅ sostorre arhõe meneda, “Isor okae menakatʼ ona do am sãorege menakʼa, metakʼme amakʼ moca ar amakʼ ontorre menakʼa.” Okaṭakʼ biswạs reakʼ katha bon porcaretʼkan ona do Isorakʼ katha kangea.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.