Luk 1:9 - সান্তালী বাইবেল

⁹ Naeke kạmi reakʼ cạli leka gulibãṭ hotete unirege paṛaoena jemon uni do Probhu Isorakʼ mundil reakʼ sonot jaegare dhupe jeretʼ daṛeakʼ.

Santali Common Language New Testament

⁹ Naeke kạmi reakʼ cạli leka gulibãṭ hotete unirege paṛaoena jemon uni do Probhuakʼ mundil reakʼ sonot jaegare dhupe jeretʼ daṛeakʼ.

Luk 1:9 Iomraidhean Croise

1 Bõsbudạ 23:13

Amramren hopon dokin hoyokʼkana Haron ar Mose. Haron ar uniren bõsko do jaejug lạgitʼ Isor ńutumteko begar ocoyena jemon onko do sonot utạrakʼ jinisko reakʼ bharko ataṅ daṛeakʼ, ar Probhu Isor samaṅre seṅgelteakʼ samaṅokʼakʼ ko samaṅ daṛeakʼ, ar uni samaṅre sekʼwa kạmiko kạmi daṛeakʼ ar uni ńutumte bhorko emdaṛeakʼ.

1 Bõsbudạ 6:49

Menkhan Aron ar uni bõsren hoṛko do Isorren guti Moseyakʼ sanam hukum lekate jeredokʼ samaṅokʼakʼ pinḍ ar dhudhup pinḍ cetanre samaṅokʼakʼko samaṅetʼ tahẽkana ar sonot utạrakʼ ṭhạ̃ire jạruṛokʼakʼ kạmiko kạmiyetʼ tahẽkana ar Israel jạtrenkoakʼ kại puruchun reakʼ hõko kạmiyetʼ tahẽkana.

2 Bõsbudạ 26:16

Usiại keṭecʼ idiyen khan uniyakʼ monre bạḍại boloyena ar onate uni doe ńurena. Uni do Probhu Isorakʼ oṛakʼre bolokate dhudhup pinḍre dhup jeredkate Probhu Isor upạrteye kạikeda.

2 Bõsbudạ 29:11

E ińren hoponko, ape do ńitokʼ ar alope duṛupʼ hapekokʼa, ente Probhu Isor samaṅre teṅgokʼ ar uniren sapʼ sosoricʼ lekate kạmi ar dhup jered lạgitʼ uni do apegeye bachao dohoakatʼpea.”

Numeri 16:40

Mose hotete Probhu Isor oka lekae hukumletʼ onkage uni do sanamakʼe kạmikeda. Noa do Israel hoponko ṭhen mitʼṭecʼ dikʼsạwakʼ leka hoyena, Aron bõsrenko chaḍa ar okoehõ dhup jered lạgitʼ Probhu Isor samaṅre bako sen daṛeakʼa; ar jãhãegeye calakʼ enḍekhan uni hõ Korah ar uniyakʼ dolrenko leka hoyokʼtaea.

Mathae 27:5

Unre Jihudạ do ona ṭaka mundilre capatʼ giḍi oṭokateye calaoena are pạsi gocʼena.

Ibriko 9:6

Nonkate jotowakʼ benao sạtkate naekeko do jaoge tạmbu reakʼ pạhilakʼ jaegare bolokate Isorakʼko dewa sewayetʼkan tahẽkana.

1 Samuel 2:28

Israelkoren sanam gusṭiko mod khon iń do cetʼ Liwikoge bạń bachao akawana, onate onko do ińren naeke hoekate ińakʼ pinḍ ṭhen hecʼkate dhupko jered ar ephod horokʼkate iń samaṅreko hecʼdaṛeakʼ? Israelkoren sanam jeredokʼ samaṅokʼ reakʼ bhag do cetʼ onko ar onkoren bõskoge bạń emakatʼkoa?