Luk 1:8 - সান্তালী বাইবেল

⁸ Mitʼ dhao Sakariạ do acʼakʼ dol reakʼ pạlire Isor samaṅre naeke reakʼe kạmikan tahẽkana.

Santali Common Language New Testament

⁸ Mitʼ dhao Sakariạ do acʼakʼ dol reakʼ pạrire Isor samaṅre naeke reakʼe kạmikan tahẽkana.

Luk 1:8 Iomraidhean Croise

1 Bõsbudạ 24:19

Onkoren hapṛam Arone emade tahẽkan Probhu Isorakʼ hukum lekate Aron do onko lạgitʼ okaṭakʼ niạme ṭhik doholetʼ onkage Probhu Isorakʼ oṛakʼte senkate sapʼsosor kạmi lạgitʼ nonkage onkoakʼ pạliko ṭhiketʼtakoa.

1 Bõsbudạ 24:2

Aron ạuriye gujukʼrege Nadab ar Abihu do gidrạ ạurikin ńamkorege kin gocʼena; ar Eliaser ar Ithamor do naeke kạmikin kạmikan tahẽkana.

2 Bõsbudạ 11:14

Onko do akoren janwarkoakʼ ạtiń ṭạnḍiko ar sompottikoko bạgiyatʼte Jihudạ ar Jerusalemteko hecʼena, ente Jerobiam ar uniren hoponko do Probhu Isorakʼ naeke hudạ khon onkoko ocokʼletʼkoa.

2 Bõsbudạ 31:19

Okoe naekeko, metakʼme Aronren okoe bõsko do nij nij nagraha ar ato beṛhaeteakʼ jaegareko girobasokʼ kan tahẽkan onko jomakʼ hạṭińako lạgitʼ mimitʼ nagraha ar atore adom hoṛkoakʼ ńutum hõko doholeda. Onko do mimitʼ naekeko ar bõs tạlikare ol akan mitʼke mitʼ Liwiko jomakʼko hạṭińako kan tahẽkana.

2 Bõsbudạ 31:2

Jeredokʼ samaṅokʼakʼ ar sulukren samaṅokʼakʼ porob, sapʼdapʼ kạmi ar Isorakʼ oṛakʼre sarhao ar õṛhẽ sereń lạgitʼ Hiskiạ do naekeko ar Liwikoakʼ mimitʼ kạmi lekate onkoren judạ judạ dolkoe bahalketʼkoa.

2 Bõsbudạ 8:14

Uniren apat Dạudakʼ hukum lekate uni do naekeko dạyike emako lạgitʼ eṭakʼ eṭakʼ dolreye hạṭińketʼkoa ar dinạm hilokʼ reakʼ kạmi lekate sarhao sereń lạgitʼ ar naekeko goṛowako lạgitʼ uni do Liwikoe bahalketʼkoa. Mitʼke mitʼ phaṭok duạr lạgitʼ uni do rurukhiyạko dol lekateye bahalketʼkoa, ente nonkage Isorren hoṛ Dạud doe hukumletʼ tahẽkana.

Esra 6:18

Moseyakʼ puthire cetʼleka olakan onkage Jerusalemre Isorakʼ sewa kạmi lạgitʼ naekeko ar liwiko do judạ judạ dolreko bahal ocoyena.

Exodus 28:1

“Am do Israelko mod khon amren boeha Aron ar uniren hoponko Nadab, Abihu, Eliasar ar Ithamor am ṭhenem hoho ạgukoa. Onko do naeke lekate ińko dewa sewawạńạ.

Exodus 28:41

Amren dadam Aron ar uniren hoponko noam horokʼakote sunumtem ojokʼkoa ar naeke hudạrem bahalkoa. Probhu Isor ńutumte onkom begar dohokoa jemon onko do naeke lekate ińko dewa sewawạń.

Exodus 29:1

“Naeke lekate jemon ińko sewawạń onate iń ńutumte onkom begar dohokoa. Am do mitʼṭen ḍaṅgra ar barea bheḍam hataokinạ. Onkoakʼ hoṛmore jemon jãhãn khũt alo tahen.

Exodus 29:44

“Ńapamokʼ tạmbu ar pinḍ do iń ńutumteń begar dohokakʼa ar naeke lekate iń sewawạń lạgitʼ Aron ar uniren hoponko hõ iń ńutumteń begar dohokoa.

Exodus 30:30

“Aron ar uniren hoponko naeke hoekate jemon ińko sapʼsorạń onate onkom ojokʼ bahalkoa ar iń ńutumtem begar dohokoa.

Numeri 18:7

Menkhan naeke lekate eken am ar amren hoponge pinḍ ar orwal bhitri reakʼ kạmipe kạmi daṛeakʼa. Naekeakʼ hudạ do dan lekateń emape kana. Liwiko chaḍa ar jãhãege ona ńapamokʼ tạmbu reakʼ ṭhạ̃iteye hijukʼ enḍekhan uni doe gocʼ ocokʼa.”

Luk 1:5

Herod do tinre Jihudạ Prodesren raje tahẽkana unre Abiạ thokren Sakariạ ńutuman mitʼṭen hoṛ do Jihudikoren naekeye tahẽkana. Uniren bạhutetʼakʼ ńutum do Elisabet. Uni hõ naeke Aron bõsrene tahẽkana.

Luk 1:7

Unkinren do cele gidrạge bako hoyakan tạkin tahẽkana ente Elisabet do bạńjhigeye tahẽkana. Inạ chaḍa unkinakʼ umer hõ ạḍi aema hoyakan tahẽkana.