Luk 1:70 - সান্তালী বাইবেল

⁷⁰ Noa katha do acʼren sonot nạbikoakʼ moca hotete uni do ḍher din laharegeye roṛletʼ tahẽkana.

Santali Common Language New Testament

⁷⁰ Noa katha do acʼren sonot nạbikoakʼ moca hotete uni do ḍher din laharegeye menletʼ tahẽkana.

Luk 1:70 Iomraidhean Croise

Genesis 12:3

Okoe amko bhoram iń hõ onkoń bhorakoa ar okoe amko sarapam onko hõ ińiń sarapakoa. Ar am iạtege dhạrtiren sanam jạtrenko do bhorko ńama.”

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

2 Samuel 23:2

Probhu Isorren Jiu do iń hotete kathae roṛeda, uniyakʼ katha do ińakʼ luṭire menakʼa.

Jirimiạ 23:5

Probhu Isore meneda, “Ona dinko hijukʼkana tinre iń do Dạudakʼ bõsre mitʼṭecʼ dhorom reakʼ kahleń omon ocoya; uni do raj lekate ạkil salakʼ rajosṭiye calaoa ar disạmre hok ar dhorom reakʼe kạmiya.

Jirimiạ 30:10

“Onate E ińren golam Jakob, am do alom botorokʼa; E Israel, alom as chuṭạukʼa. Iń do sạṅgiń ṭhạ̃i khon am ar bondi idi ocoakan amren hoponko khạṭigeń bańcaokoa. Jakob do arhõ suluk ar nirạiteye tahena ar okoehõ bako botor ocoyea.

Luk 24:44

Ar ona tayome metatʼkoa, “Iń do ape sãote tahẽkanreń menleda, Mose reakʼ ạnre, nạbikoakʼ olakʼre ar sereńkore iń reakʼ okako katha olakan ona sanamakʼ do purạukʼtehõ purạukʼgea.”

Aposkạmi 28:25

Pạulakʼ kathate ako talare katha baṅ jurilente onko do onḍe khonko calaoena. Adoko calakʼ lahare Pạule menkeda, “Sonot Jiu do Jesaea nạbi hotete aperen hapṛamko ṭhen ṭhikgeye roṛlakʼa,

Romiko lạgitʼ Pạul Apostolakʼ ciṭhi 1:2

Isor do acʼren nạbiko hotete sonot sostorkore noa bhage sombat reakʼ laharegeye gokʼ dohoakatʼ tahẽkana.

Ibriko 3:7

Ona iạte sonot Jiue menleda, “Teheń ape do uniyakʼ aṛaṅpe ańjomle khan

1 Patras 1:12

Menkhan Isor doe udukʼatʼko tahẽkana je, onko okako kathako menletʼ ona hotete apnar lạgitʼ sapʼsor baṅkate apegeko sapʼsoratʼpe tahẽkana. Serma khon kolocoyicʼ sonot Jiuakʼ ạyurte okoe ape ṭhen Mạsi reaṅ bhage sombatko porcarakatʼ onko do nạbikoakʼ kathage apeko baḍae ocoakatʼpea. Ar serma goḍetko hõ noako reaṅ baḍaejoṅ lạgitʼgeko gagojlena.

2 Patras 1:21

ente nạbiko do akoakʼ kusi sana leka jãhãn katha bako roṛakada; onko do sonot Jiu reakʼ ạyurtege Isorakʼ kathako roṛakada.

2 Patras 3:2

Sonot nạbiko okako katha lahateko menakatʼ onako ar aperen apostolko hotete aboren Probhu Isor ar babańcaoicʼ okaṭakʼ hukume emakatʼ, ińakʼ monejonakʼ do jemon onape disạ dohoy.

Johan sodor 19:10

Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”