Luk 1:7 - সান্তালী বাইবেল

⁷ Unkinren do cele gidrạge bako hoyakan tạkin tahẽkana ente Elisabet do bạńjhigeye tahẽkana. Inạ chaḍa unkinakʼ umer hõ ạḍi aema hoyakan tahẽkana.

Santali Common Language New Testament

⁷ Unkinren do cele gidrạge bako hoeakan tạkin tahẽkana ente Elisabet do bạńjhigeye tahẽkana. Inạ chaḍa unkinakʼ umer hõ ạḍi aema hoeakan tahẽkana.

Luk 1:7 Iomraidhean Croise

Genesis 17:17

Noa katha ańjomkete Abraham do otreye ombakʼena ar landawate mon monteye menkeda, “Enḍekhan sạrige mitʼ sae umerren haṛamren hopone hoyokʼa, ar uni are gel umerren maejiuakʼ kukhire!”

Genesis 18:11

Unre Abraham ar Sara do aema umer hoyakantạkin tahẽkana ar Sara hõ gidrạ hoyokʼ reakʼ umer do caba akantae tahẽkana.

Genesis 25:21

Isahakren bạhu do bạńhigeye tahẽkante Isahak do acʼren bạhu lạgitʼ Probhu Isor ṭhene koekeda. Probhu Isor do uniyakʼ koejoṅe ańjomkeda ar Rebeka doe bhạrti hoṛmoyena.

Genesis 30:1

Rahel do tinreye ńelkeda acʼ do Jakobren gidrạren eṅgat bae hoedaṛeakʼ kana unre uni do acʼren boeha kuṛi cetanre hiskạ rakapʼadea. Uni do Jakobe metadea, “Gidrạ imạńme, arbaṅ khan iń doń gujukʼa.”

1 Rapajko 1:1

Dạud raj doe haṛam idiyena ar umer hõ ạḍi ḍher hoyentaea. Ar ḍher kicricʼkote oyokatere hõ uni do bae lolokʼ kan tahẽkana.

2 Rapajko 4:14

Elisaeye menkeda, “Enḍekhan uni lạgitʼ do cetʼ laṅ cekaea?” Gehosiye menkeda, “Uniren do koṛa gidrạ bạnukʼkotaea ar uniren jãwãe hõe haṛam cabayena.”

Luk 1:5

Herod do tinre Jihudạ Prodesren raje tahẽkana unre Abiạ thokren Sakariạ ńutuman mitʼṭen hoṛ do Jihudikoren naekeye tahẽkana. Uniren bạhutetʼakʼ ńutum do Elisabet. Uni hõ naeke Aron bõsrene tahẽkana.

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Luk 1:8

Mitʼ dhao Sakariạ do acʼakʼ dol reakʼ pạlire Isor samaṅre naeke reakʼe kạmikan tahẽkana.

Romiko lạgitʼ Pạul Apostolakʼ ciṭhi 4:19

Mitʼ sae umerren haṛam Abraham doe bujhạu daṛeatʼ tahẽkana je, hoṛmo do okạjuwạ akantaea mente ar Sara hõ gidrạ hoyokʼ reakʼ umer do bạnukʼtaea, ar enrehõ uni do biswạsre nijor bae tahẽkana.

Ibriko 11:11

Sara do gidrạ hoyokʼ reakʼ umer parom calaolentaere hõ biswạs iạtegeye bhạrti hoṛmolena, ente uni do biswạs tahẽkantaea, okoeye gokʼakawade uni doe pạtiạrgea mente.

1 Samuel 1:2

Elkanaren do barea bạhukin tahẽkantaea; mitʼ hoṛakʼ ńutum do Hanna ar eṭagicʼakʼ ńutum do Peninna. Peninnaren do gidrạko hoylena menkhan Hannaren do cele gidrạge bako hoyakan tahẽkana.