Luk 1:53 - সান্তালী বাইবেল

⁵³ Ar okoekoko reṅgecʼge, bhage, bhage jiniskote uni do onkoakʼ reṅgecʼe purun akatʼtakoa, menkhan kisạ̃ṛko do eken tiye bidạkatʼkoa.

Santali Common Language New Testament

⁵³ Ar okoekoko reṅgecʼge, bhage, bhage jiniskote uni do onkoakʼ reṅgecʼe purun akatʼtakoa, menkhan kisạ̃ṛko do eken tiye bidạkatʼkoa.

Luk 1:53 Iomraidhean Croise

Sereńko 146:7

Uni do santao ocokʼkanko hok reakʼe bicạrtakoa ar reṅgecʼko do jomakʼe emakokana; Probhu Isorge bondi akankoe chaḍaoetʼkoa.

Sereńko 34:10

Juạn dhạcri kulkoakʼ do jomakʼ reakʼ ṭonṭa hoyokʼkana, onko do reṅgecʼteko kosṭokʼkana; menkhan okoe Probhu Isorakʼ sana lekako calakʼ onko do bhageakʼte bako ṭonṭakʼa.

Jeheskel 34:29

Iń do upjạuakʼ ot baṛgekoń emakoa; disạm talare onko do akalre ar bako paṛaokʼa ar eṭakʼ jạtrenko ṭhen hõ bako henosta ocokʼa.

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Luk 1:54

Ar aboren hapṛamko ṭhen okae menletʼ tahẽkan, onkage uni do acʼren guti Israelkoe ńel sãohãketʼkoa. Abraham ar uni bõsren hoṛko cetanre jaejug hạbicʼ mãyãwako reakʼ kathae disạ dohoakatʼa.

Luk 6:21

Bhạgangeape, ape okoe ńitokʼ reṅgecʼetʼpe, ente ape dope bi ocokʼa. Bhạgangeape, ńitpe rakʼjoṅ kanko do, ente ape dope landa joṅa.

Luk 6:24

“Menkhan hae ape kisạ̃ṛko do! Ape do apeakʼ jiwi raṛecʼpe ńam horayeda.

Johan 6:35

Jisui metatʼkoa, “Ińge ona jion reakʼ piṭhạ do. Okoe iń ṭhene hijukʼ uni do tis hõ baṅ reṅgejea. Ar okoe ińreye pạtiạukʼkan uni do tisge baṅ tetaṅea.

1 Korinthiko 1:26

E boehako, apepe hoho ocolenre cetʼ lekan hoṛpe tahẽkana ona disạipe. Manwa jạt lekate akelanko do ḍher bape hoho ocoakana, daṛeanko hõ baṅ ar bhodroko hõ ḍher do baṅ;

1 Korinthiko 4:8

Ape ńelte ńelokʼ kana ape do laharege jotowakʼpe ńam akada, ar laharegepe kisạ̃ṛ akana, ar ale begortegepe raj akana. Arpe rajlen khan do bhagege hoykokʼa; enḍekhan ale hõ ape tulucʼle raj daṛekokʼa.

1 Samuel 2:5

Okoekoakʼ lacʼ bige tahẽkan onko do ńitokʼ jomakʼ lạgitʼ eṭakʼkoakʼko kạmikana; menkhan okoe reṅgecʼko tahẽkan onko do reṅgecʼ cabayentakoa. Ar bạńjhiye tahẽkanicʼ do eae goṭen hoponren eṅgate hoyakana, menkhan ḍher hopon menakʼkotayicʼ doe nijor akana, uni do gidrạ bae janam daṛeako kana.