Luk 1:32 - সান্তালী বাইবেল

³² Uni do maraṅe hoyokʼa. Ar maraṅ Isorren Hopone ńumogokʼa. Probhu Isor do uniren hapṛam Dạudakʼ siṅghạsone emaea.

Santali Common Language New Testament

³² Uni do maraṅe hoyokʼa. Ar maraṅ Isorren Hopone ńumogokʼa. Probhu Isor do uniren hapṛam Dạudakʼ siṅghạsone emaea.

Luk 1:32 Iomraidhean Croise

2 Samuel 7:16

Amakʼ bõs ar rajosṭi do am samaṅre jaejug ṭarhao akae tahena. Ar amakʼ siṅghạson do jaejug hạbicʼ tahena.’ ”

Sereńko 132:11

Probhu Isor do Dạud ṭhen noageye kiriạlena one okaṭakʼ do tisge bae rạpud, “Amren mitʼṭen hopon do amakʼ siṅghạsonreń duṛubea.

Sereńko 132:12

Amren hoponko ińiń bandhao akatʼ bondobosko manao lekhan ar ińakʼ katha lekako senlen khan one okaṭakʼ iń cetʼako, enḍekhan onkoren hoponko do piṛhike piṛhi amakʼ siṅghạsonreń duṛupʼkoa.”

Jesaea 16:5

Asambheṛ dulạṛte Dạudakʼ raj oṛakʼre mitʼṭecʼ siṅghạson do beredokʼa; mitʼṭen pạtiạrạnicʼ hoṛ do onareye duṛupʼa. Uni do dhoromteye bicạra ar usạrage dhorom kạmiye purạua.

Jirimiạ 17:25

enḍekhan aperen rapajko do Dạudakʼ siṅghạsonre duṛupʼkate rajosṭiko calaoa. Onko do, akoren rajren kạmiyạko ar Jihudạren hoṛko ar Jerusalemren hoṛkoakʼ rãt gạḍi ar sadomre decʼkate nagraha reakʼ phaṭokteko bolo oḍokokʼa; ar nagraha do tishõ baṅ ujạṛokʼa.

Jirimiạ 22:2

“Dạudakʼ siṅghạsonrem duṛupʼ akan E Jihudạren raj, am do, amren kạmiyạko ar amren okoeko hoṛ do niạ phaṭok duạrteko bolokʼkan, ape sanamkoge Probhu Isorakʼ katha ańjompe.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Mathae 1:1

Jisu Mạsi do Dạudakʼ bõsren ar Dạud do Abraham bõsren hoṛe tahekana. Jisu Mạsiyakʼ bõsbudạ do nonkaleka.

Mathae 12:42

Bicạr dinre dạkhin disạmren rạni do beretʼkate noa piṛhiren hoṛko doskoe udukʼakoa, ente Solomon rajakʼ ạkilanakʼ kathako ańjom lạgitʼ dhạrti reakʼ mitʼ mucạtʼ khon uni doe hecʼlena. Ar ńelpe, nonḍe do Solomon khon hõ maraṅicʼge menaea.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Mathae 3:11

Monpe ạcurakatʼte dakʼteń bạptisetʼpea, menkhan iń tayomte okoeye daraekan uni do iń khon hõe maraṅgea. Iń do uniyakʼ panahi teweńtae lek hõń baṅkana. Uni do sonot Jiu ar seṅgelteye bạptispea.

Mark 14:61

Jisu do thirgeye tahẽyena, cetʼge bae roṛ ruạṛleda. Maraṅ naeke do arhõe kulikedea, “Am do cetʼ sarhaoanicʼ Isorren Hopon Mạsi kanam?”

Luk 1:15

Ente Probhu Isorakʼ mẽtʼãhã samaṅre uni do maraṅe hoyokʼa. Uni do tishõ darkha rasa se eṭakʼ jãhãn bubulakʼko bae ńũiya ar eṅgatakʼ kukhireye tahen khonge sonot Jiuteye perejokʼa.

Luk 1:35

Serma goḍete menkeda, “Sonot Jiu do am cetanreye hijukʼa ar maraṅ Isorakʼ daṛegeye umulkama. Noa iạte okoeṭakʼ sonot Hopone janamokʼ uni do Isorren Hopone ńumogokʼa.

Luk 1:76

E bachatiń, am do coṭ utạricʼ Isorren nạbiyem ńumogokʼa, ente am do uniyakʼ hor tear lạgitʼ uni laha lahatem calakʼa.

Luk 3:16

Unre Johan do sanamkoe metatʼkoa, “Iń do dakʼteń bạptisetʼpea, menkhan okoe iń khone daṛeange uni doe daraekana. Iń do uniyakʼ panahi reakʼ phitạ raṛaetae lek geń baṅkana. Uni do sonot Jiu ar seṅgelteye bạptispea.

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ reakʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Johan 12:34

Unre hoṛko do Jisuko metadea, “Sonot sostor khonle baḍae akada Mạsi do jaejug hạbicʼe tahena. Enḍekhan am do cekatem meneda, Manwa Hopon do coṭte rakapʼ ocokʼ hoyokʼtaea? Enḍekhan nui Manwa Hopon doe okoe kana?”

Johan 6:69

Alele biswạs akana arle baḍae akada, am do Isorren uni sonoticʼ kanam.”

Aposkạmi 16:17

Uni kạ̃ṛmĩ do Pạul ar ale tayom tayomte hijukʼte hohowateye menetʼ tahẽkana, “Nukin hoṛ do maraṅ Isorren guti kanakin. Ar cetʼlekate kại khon bańcao ńamokʼa onagekin lạiyape kana.”

Aposkạmi 2:30

Uni do mitʼṭen nạbiye tahẽkana, are baḍaekan tahẽkana Isor do kiriạkate noae gokʼade tahẽkana je, uniyakʼ siṅghạsonre uni bõsrenge mitʼṭen hoṛe duṛubea.

Aposkạmi 2:36

“Onate sanam Israel jạtrenko do noa katha khạṭiteko baḍaema je, ape okoepe kuruslede Isor do uni Jisuge Probhu hõ ar Mạsi hõe hoyoco akedea.”

Aposkạmi 7:48

“Menkhan maraṅ Isor do manwakoakʼ benaoakʼ oṛakʼre bae tahenkana. Nạbiye menetʼ leka,

Romiko lạgitʼ Pạul Apostolakʼ ciṭhi 1:4

ar acʼren sonot Jiute uni do maraṅ daṛe salakʼ gocʼko khone jiwetʼ beretʼente Isorren Hopon menteye sodorlena.

Johan sodor 3:7

“Philạḍelphiạ nagraha reakʼ manḍerren goḍet ṭhen noa katha olme: Okoe do sonot are sạriyicʼkan, ar okoe ṭhen Dạudakʼ choṛan menakʼ, one uniye jhicʼlere okoege bako siń daṛeakʼ are sińlere okoe hõ bako jhicʼ daṛeakʼ,