Luk 1:25 - সান্তালী বাইবেল

²⁵ “Noa do Probhu Isorakʼ kạmikana. Manwako ṭhen khon ińakʼ lajaoe cabaetiń lạgitʼge uni doe beṅgetʼ akawạdińa.”

Santali Common Language New Testament

²⁵ “Noa do Probhuakʼ kạmi kana. Manwako ṭhen khon ińakʼ lajaoe cabaetiń lạgitʼ uni doe beṅgetʼ akawạdińa.”

Luk 1:25 Iomraidhean Croise

Genesis 25:21

Isahakren bạhu do bạńhigeye tahẽkante Isahak do acʼren bạhu lạgitʼ Probhu Isor ṭhene koekeda. Probhu Isor do uniyakʼ koejoṅe ańjomkeda ar Rebeka doe bhạrti hoṛmoyena.

2 Samuel 6:23

Ar Sạulren hoponera Mikal do ạuriye gujukʼ hạbicʼ bạńjhigeye tahẽyena.

Jesaea 25:8

Gujukʼ do jaejug lạgitʼe marao giḍikakʼa. Probhu Isor do sanamkoakʼ mẽtʼ dakʼe jodtakoa ar uniren hoṛkoakʼ henosta do goṭa dhạrti khone sạṅgiń giḍikakʼa. Probhu Isor do niạ kathageye meneda.

Jesaea 4:1

Enhilokʼ eae goṭen maejiu do mitʼṭen herel hoṛ sapʼkateko metaea, “Aleakʼ jom-ńũ ar horokʼ bande reakʼ do aletegele bebosta joṅa; eken amren bạhu mentele tahen reakʼ ạidạri baṛe emaleme. Aleakʼ henosta baṛe sạṅgińtaleme.”

Luk 1:13

Serma goḍet do uniye metadea, “Alom botorokʼa, Sakariạ, ente Isor do amakʼ koejoṅe ańjomakada. Amren bạhu Elisabetren do mitʼṭen koṛa gidrại hoyokʼtaea. Ar uniyakʼ ńutum do Johanem dohoytaea.

Luk 1:24

Ar inạ tayom acʼren bạhu Elisabet doe bhạrti hoṛmoyena ar mõṛẽ cando hạbicʼ oṛakʼ khon bahrete bae oḍok baṛalena. Uniye menkeda,

Ibriko 11:11

Sara do gidrạ hoyokʼ reakʼ umer parom calaolentaere hõ biswạs iạtegeye bhạrti hoṛmolena, ente uni do biswạs tahẽkantaea, okoeye gokʼakawade uni doe pạtiạrgea mente.

Bikʼcạrko 11:37

Ona tayom uniye menkeda, “Menkhan ińakʼ mitʼṭecʼ nehõr dohoytińme. Iń do gidrạren eṅgat bạń hoedaṛeakʼa; onate gate kuṛiko sãote burukore senkate bar cando hạbicʼ rakʼ homor ocowạńme.”

1 Samuel 1:6

Probhu Isore nonka akatʼ tahẽkante uniren hirạmtetʼ do ạḍiye khijlạuede tahẽkana ar uniyakʼ monkoe haṛhatʼ ocoyetʼtae tahẽkana.